മതത്തിന്റെ ഭാവി അതിന്റെ കഴിഞ്ഞ കാലത്തി​ന്റെ കാഴ്‌ച്ച​പ്പാ​ടിൽ

ഭാഗം 10: ക്രി.മു. 537 മുതൽ ഇപ്പോ​ഴും ഒരു മശിഹാ​യി​ക്കാ​യി കാത്തി​രി​ക്കു​ന്നു

“ഭാവി പ്രത്യാ​ശാ​നിർഭ​ര​മ​ല്ലെ​ങ്കിൽ സ്വയം​നിർണ്ണയം ഒരു മുദ്രാ​വാ​ക്യം മാത്ര​മാണ്‌.” ജോൺ എഫ്‌. കെന്നഡി, ഐക്യ​നാ​ടു​ക​ളി​ലെ 35-ാമത്തെ പ്രസി​ഡണ്ട്‌

ബാബി​ലോ​ന്യ​പ്ര​വാ​സ​ത്തി​ന്റെ എഴുപതു വർഷങ്ങൾ കഴിഞ്ഞു! ബാബി​ലോ​നെ ജയിച്ച​ട​ക്കിയ പേർസ്യ​രാ​ജാ​വാ​യി​രുന്ന കോ​രേശ്‌ യഹൂദൻമാ​രെ സ്വദേ​ശ​ത്തേക്കു മടങ്ങാൻ അനുവ​ദി​ക്കു​ക​യാ​യി​രു​ന്നു. എന്നാൽ വാഗ്‌ദ​ത്ത​ദേ​ശത്ത്‌ തിരി​ച്ചെ​ത്തി​ക്ക​ഴി​ഞ്ഞ​പ്പോൾ (ക്രി. മു. 537) ഒരു സ്വത​ന്ത്ര​ജ​ന​ത​യെന്ന നിലയിൽ സ്വയം​നിർണ്ണയം ആസ്വദി​ക്കാ​നുള്ള അവരുടെ പ്രത്യാശ സഫലമാ​കാ​തെ​പോ​യി. അവർക്കു രാജാ​വി​ല്ലാ​യി​രു​ന്നു. അവരുടെ നാടു​വാ​ഴി​ക​ളു​ടെ രാഷ്‌ട്രീ​യാ​ധി​കാ​രം പെട്ടെ​ന്നു​തന്നെ മഹാപു​രോ​ഹി​തന്റെ മതാധി​കാ​ര​ത്താൽ നിഷ്‌പ്ര​ഭ​മാ​യി​പ്പോ​യി. അദ്ദേഹം രാഷ്‌ട്ര​ത്തി​ന്റെ തലവനാ​യി വീക്ഷി​ക്ക​പ്പെട്ടു.

ഒരു മശി​ഹൈ​ക​പ്ര​ത്യാ​ശ പിന്തു​ട​രു​ന്നു

സംക്ഷിപത യഹൂദ​വി​ജ്ഞാ​ന​കോ​ശം പറയു​ന്ന​ത​നു​സ​രിച്ച്‌ ഈ കാലഘ​ട്ട​ത്തി​ലാ​യി​രു​ന്നു കേവലം മറെറാ​രു ‘അഭിഷിക്ത’ ഭരണാ​ധി​കാ​രി​യാ​യി​രി​ക്കാ​തെ ഇസ്രാ​യേ​ലി​ന്റെ ശത്രു​ക്കളെ നശിപ്പിച്ച്‌ സമാധാ​ന​ത്തി​ന്റെ​യും പൂർണ്ണ​ത​യു​ടെ​യും ഒരു യുഗം സ്ഥാപി​ക്കുന്ന ഭാവി​നാ​ളു​ക​ളു​ടെ ആദർശ​യു​ക്ത​നായ ഭരണാ​ധി​കാ​രി​യായ ഒരു മശിഹാ​യു​ടെ ആശയം വികാസം പ്രാപി​ച്ചത്‌.

ക്രി.മു. നാലാം നൂററാ​ണ്ടിൽ, മഹാനായ അലക്‌സാ​ണ്ടർ ദിഗ്‌വി​ജ​യ​ത്താൽ യഹൂദൻമാ​രെ തന്റെ ആശ്ലേഷ​ത്തിൽ കൂട്ടി​ച്ചേർത്തു. എന്നാൽ അയാളു​ടെ സാമ്രാ​ജ്യ​ത്തിന്‌ അവരുടെ ദേശത്തിൻമേ​ലും സംസ്‌കാ​ര​ത്തിൻമേ​ലും മതത്തിൻമേ​ലും ഒരു വമ്പിച്ച ഫലമു​ണ്ടാ​യി​രു​ന്നെ​ങ്കിൽകൂ​ടി അവർ കാത്തി​രുന്ന മശിഹാ അയാള​ല്ലാ​യി​രു​ന്നു​വെന്ന്‌ പ്രകട​മാ​യി​രു​ന്നു.

അലക്‌സാ​ണ്ട​റു​ടെ മരണ​ശേഷം പലസ്‌തീൻ ഗ്രീക്ക്‌ കൈക​ളിൽ തുടർന്നു, ആദ്യം ഈജി​പ്‌ഷ്യൻ റേറാ​ള​മി​മാ​രു​ടെ കീഴി​ലും പിന്നീട്‌ സിറിയൻ സെല്യൂ​സി​ഡ്‌സി​ന്റെ കീഴി​ലും. ഈ രണ്ടു രാജവം​ശ​ങ്ങ​ളും അലക്‌സാ​ണ്ട​റു​ടെ പിൻഗാ​മി​കൾ സ്ഥാപി​ച്ച​താ​യി​രു​ന്നു. ഗ്രീക്ക്‌ സ്വാധീ​നം വർദ്ധി​ച്ച​പ്പോൾ പ്രമു​ഖ​രും കുല​ശ്രേ​ഷ്‌ഠ​രു​മായ യഹൂദൻമാർ യഹൂദ​പാ​ര​മ്പ​ര്യ​ങ്ങ​ളെ​യും ആചാര​ങ്ങ​ളെ​യും കാലഹ​ര​ണ​പ്പെ​ട്ട​താ​യി വീക്ഷി​ക്കാൻതു​ടങ്ങി. നേതൃ​ത്വം വഹിച്ചത്‌ തോബി​യാ​ഡ്‌കു​ടും​ബ​മാ​യി​രു​ന്നു. അവർ പ്രത്യ​ക്ഷ​ത്തിൽ തങ്ങളുടെ ഒരു ബന്ധുവാ​യി​രുന്ന മെന​ലോ​സി​നെ സെല്യൂ​സിഡ്‌ രാജാ​വാ​യി​രുന്ന ആൻറി​യോ​ക്കസ്‌ IV-ാമന്റെ വാഴ്‌ച​ക്കാ​ലത്ത്‌ (ക്രി.മു.175-164) മഹാപൗ​രോ​ഹി​ത്യ​സ്ഥാ​നം നേടാൻ സഹായി​ച്ചു. മെല​നോസ്‌ ശലോ​മോ​ന്റെ ആലയത്തി​ലെ മഹാപു​രോ​ഹി​ത​നാ​യി​രുന്ന സാദോ​ക്കി​ന്റെ പാരമ്പര്യപൗരോഹിത്യഗൃഹത്തിൽപെട്ടിരുന്നില്ലെങ്കിലും അവർ ഇതു ചെയ്‌തു. ഗ്രീക്ക്‌സ്വാ​ധീ​നം വളരെ ശക്തമാ​യി​ത്തീർന്ന​തു​കൊണ്ട്‌ യഹൂദ​മ​താ​ഘോ​ഷങ്ങൾ ബഹിഷ്‌ക്ക​രി​ക്ക​പ്പെ​ടു​ക​യും ആലയം ഒരു ഗ്രീക്ക്‌ക്ഷേ​ത്ര​മാ​ക്കി മാററു​ക​യും ചെയ്‌തു!

ക്രി.മു. 167-ൽ യഹൂദ പുരോ​ഹി​ത​നാ​യി​രുന്ന മത്ഥത്തി​യാ​സും സാധാ​ര​ണ​യാ​യി മക്കാബി​യർ അഥവാ ഹാസ്‌മോ​നി​യൻസ്‌ എന്നു വിളി​ക്ക​പ്പെട്ട അയാളു​ടെ അഞ്ചു പുത്രൻമാ​രും മത്സരിച്ചു. ആദ്യം മതസ്വ​ഭാ​വ​ത്തി​ലാ​യി​രുന്ന മക്കാബിയ വിപ്ലവം പെട്ടെ​ന്നു​തന്നെ യഹൂദ സ്വയനിർണ്ണ​യ​ത്തി​നുള്ള ഒരു രാഷ്‌ട്രീ​യ​പോ​രാ​ട്ട​മാ​യി​ത്തീർന്നു. ക്രി.മു. 165-ൽ ആലയം തിരി​യെ​പി​ടി​ക്ക​യും പുനഃ​പ്ര​തിഷ്‌ഠ നടത്തു​ക​യും ചെയ്‌തു. അത്‌ ലോക​മാ​സ​ക​ല​മുള്ള യഹൂദൻമാർ ഇന്ന്‌ ഹനുക്കാ എന്നു വിളി​ക്ക​പ്പെ​ടുന്ന 8 ദിവസത്തെ ദീപോ​ത്സ​വ​ക്കാ​ലത്ത്‌ വാർഷി​ക​മാ​യി ആഘോ​ഷി​ക്കുന്ന ഒരു സംഭവ​മാണ്‌.

ഉദാസീ​ന​രായ ഇടയൻമാ​രും മതപര​മായ അനൈ​ക്യ​വും

ഈ കാലത്തെ “ജനങ്ങളു​ടെ ആത്മീയ​വും സാമൂ​ഹ്യ​വു​മായ നേതൃ​ത്വം പുരോ​ഹി​തൻമാ​രു​ടെ കൈക​ളി​ലാ​യി​രു​ന്നു​വെന്നു മാത്രമല്ല അവർ രാഷ്‌ട്രീ​യ​മാ​യും സാമ്പത്തി​ക​മാ​യും യരുശ​ലേ​മിൽ അതിശ​ക്ത​രും അതിസ​മ്പ​ന്ന​രു​മായ വർഗ്ഗമാ​യി പരിണ​മി​ക്ക​യും ചെയ്‌തു” എന്ന്‌ യഹൂദൻമാ​രു​ടെ പികച്ചോ​റി​യൽ ബിബ്ലിക്കൽ എൻ​സൈ​ക്ലോ​പ്പീ​ഡി​യാ പ്രസ്‌താ​വി​ക്കു​ന്നു. എന്നിരു​ന്നാ​ലും പുരോ​ഹി​തൻമാർ വളരെ കുലീ​ന​രും തങ്ങളുടെ ഇടയ കർത്തവ്യ​ങ്ങൾ നടത്തു​ന്ന​തിൽ ഉദാസീ​ന​രു​മാ​യി​ത്തീർന്ന​തു​കൊണ്ട്‌ പുരോ​ഹ​തൻമാ​ര​ല്ലാ​ത്തവർ അവർക്കു പകരം ന്യായ​പ്ര​മാ​ണം വ്യാഖ്യാ​നി​ക്കാ​നും നീതി​ന​ട​ത്താ​നും തുടങ്ങി. ശാസ്‌ത്രി​മാർ എന്നറി​യ​പ്പെട്ട ഈ മനുഷ്യർ ന്യായ​പ്ര​മാ​ണത്തെ മറിക​ട​ക്കാൻ തുനിഞ്ഞ ആളുകൾക്കു​വേണ്ടി പഴുതു​കൾ കണ്ടെത്താൻ വിദഗ്‌ദ്ധ​രാ​യി​രു​ന്നു.

ഇതേ കാലഘ​ട്ട​ത്തിൽ യഹൂദ മതം മല്ലടി​ക്കുന്ന ഘടകങ്ങ​ളാ​യി പിരിഞ്ഞു. ഭാഗി​ക​മാ​യി എഴുത​പ്പെ​ട്ട​തും ഭാഗി​ക​മാ​യി വാമൊ​ഴി​യു​മായ ഒരു ഇരുമ​ട​ങ്ങായ ന്യായ​പ്ര​മാ​ണ​മാണ്‌ ദൈവം ഇസ്രാ​യേ​ലിന്‌ കൊടു​ത്ത​തെന്ന്‌ പരീശൻമാർ പഠിപ്പി​ച്ചു. പരമ്പരാ​ഗ​ത​മായ വംശം മുറി​ഞ്ഞു​പോ​യെ​ങ്കി​ലും മഹാപു​രോ​ഹി​ത​വം​ശ​ത്തി​ന്റെ നിയമ​സാ​ധു​തയെ അവർ അംഗീ​ക​രി​ക്കു​ന്നത്‌ ഈ വാമൊ​ഴി​യാ​യുള്ള ന്യായ​പ്ര​മാ​ണ​ത്തി​ന്റെ അടിസ്ഥാ​ന​ത്തി​ലാണ്‌. മറിച്ച്‌ സദൂക്യർ വാമൊ​ഴി​യാ​യുള്ള ന്യായ​പ്ര​മാ​ണത്തെ നിഷേ​ധി​ച്ചു​കൊണ്ട്‌ സാദോ​ക്കി​ന്റെ നേരി​ട്ടുള്ള ഒരു സന്തതി​ക്കു​മാ​ത്രമേ ഒരു മഹാപു​രോ​ഹി​ത​നാ​യി സേവി​ക്കാൻ കഴിക​യു​ള്ളു എന്ന്‌ അവകാ​ശ​പ്പെട്ടു.

പരീശൻ എന്ന പേർ വേർപെട്ട അഥവാ വിശിഷ്ട എന്നർത്ഥ​മുള്ള ഒരു പദത്തിൽനി​ന്നാണ്‌ ഉത്ഭവി​ച്ചി​രി​ക്കു​ന്നത്‌. അവരെ പാഷണ്ഡി​ക​ളാ​യി മുദ്ര​യ​ടി​ക്കാൻ അവരുടെ എതിരാ​ളി​ക​ളാണ്‌ അതുപ​യോ​ഗി​ച്ച​തെന്ന്‌ ചിലർ പറയുന്നു. അവർ അശുദ്ധ​രെന്ന്‌ പരിഗ​ണിച്ച അമാറ​കസിൽ നിന്ന്‌ (ദേശത്തി​ലെ ജനം) അവരെ വേർപെ​ടു​ത്തി​നിർത്തിയ അവരുടെ “വിശിഷ്ട”സ്ഥാനത്തെ അതു പരാമർശി​ക്കു​ന്നു എന്ന്‌ മററു ചിലർ അവകാ​ശ​പ്പെ​ടു​ന്നു. പരീശൻമാർ ലിഖി​ത​നി​യ​മ​വും വാമൊ​ഴി​യായ നിയമ​വും അനുസ​രി​ക്കു​ന്ന​തിൽ അങ്ങേയ​ററം സ്വയനീ​തി​ക്കാ​രാ​യി​രു​ന്നു. സദൂക്യ​രു​ടെ അയവി​ല്ലാഞ്ഞ ലിഖി​ത​നി​യ​മ​ത്തോ​ടുള്ള മനോ​ഭാ​വം സാധ്യ​ത​യ​നു​സ​രിച്ച്‌ “ഏതെങ്കി​ലും പ്രത്യേക മതവി​ചാ​ര​ത്തിൽനിന്ന്‌ ഉത്ഭവി​ച്ചതല്ല, പിന്നെ​യോ പരീശൻമാ​രു​ടെ നിയമ​നിർമ്മാണ അധികാ​ര​ത്തോ​ടുള്ള അവരുടെ എതിർപ്പിൽ ഒരു രാഷ്‌ട്രീയ ആയുധ​മെന്ന നിലയിൽ ഉയർന്നു വന്നതാ​ണെന്ന്‌” യഹൂദ​ഗ്ര​ന്ഥ​കാ​ര​നായ ഗാല്യാ​ഹു കോൺഫെൽഡ്‌ എഴുതു​ന്നു. മറെറാ​രു മതസമൂ​ഹ​മാ​യി​രുന്ന എസ്സീൻസ്‌ പ്രത്യ​ക്ഷ​ത്തിൽ ഇതേ കാലഘ​ട്ട​ത്തിൽ തന്നെ വികാസം പ്രാപി​ച്ചു. അവർ ഔദ്യോ​ഗിക പൗരോ​ഹി​ത്യ​ത്തിൽനിന്ന്‌ വിട്ടു​മാ​റു​ക​യും ആലയത്തി​ലെ മതശു​ശ്രൂ​ഷ​ക​ളി​ലും ബലിക​ളി​ലും പങ്കെടു​ക്കു​ന്ന​തിൽനിന്ന്‌ പിൻമാ​റി​നിൽക്കു​ക​യും ചെയ്‌തു. എന്നാൽ അവർ മററു​പ്ര​കാ​ര​ത്തിൽ ന്യായ​പ്ര​മാ​ണ​ത്തോട്‌ അടുത്ത്‌ പററി​നി​ന്നു. പല വിധങ്ങ​ളി​ലും സമാന​രാ​യി​രുന്ന പരീശൻമാ​രെ​പ്പോ​ലെ അവർ യവന സ്വാധീ​ന​ത്തിന്‌ ഇരയാ​കു​ക​യും ഒരു അമർത്ത്യ​ദേ​ഹി​യി​ലുള്ള വിശ്വാ​സം സ്വീക​രി​ക്കു​ക​യും ചെയ്‌തു.

ഒരുപക്ഷേ ആ സമൂഹ​ത്തിൽ 4,000 അംഗങ്ങ​ളിൽ കൂടുതൽ ഇല്ലായി​രു​ന്നു, എല്ലാവ​രും പുരു​ഷൻമാ​രു​മാ​യി​രു​ന്നു. അവരിൽ അനേകർ ബ്രഹ്മചാ​രി​ക​ളാ​യി​രു​ന്നു. അവർ പലസ്‌തീ​നിൽ ഉടനീളം ഒററപ്പെട്ട സാമു​ദാ​യിക വസതി​ക​ളിൽ പാർത്തി​രു​ന്നു. എൻ​സൈ​ക്ലോ​പ്പീ​ഡി​യാ ജൂഡാ​യി​ക്കാ അവരുടെ സാങ്കൽപ്പിക സമാധാ​ന​വാ​ദ​ത്തെ​ക്കു​റിച്ച്‌ പ്രസ്‌താ​വി​ക്കു​ക​യും ഒരുപക്ഷേ അത്‌ “ആധുനിക യഹോ​വ​യു​ടെ സാക്ഷി​ക​ളു​ടേ​തു​പോ​ലെ​യാ​യി​രു​ന്നു” എന്നു പറയു​ക​യും ചെയ്യുന്നു. എന്നാൽ യഹോ​വ​യു​ടെ സാക്ഷികൾ ഇന്ന്‌ പാലി​ക്കുന്ന കർശന​മായ നിഷ്‌പക്ഷത യഥാർത്ഥ​ത്തിൽ എസ്സീൻസ്‌ പാലി​ച്ചി​രു​ന്നി​ല്ലെന്ന്‌ വ്യക്തമാണ്‌. എസ്സീൻസ്‌ “റോമി​നെ​തി​രായ മൽസര​ത്തിൽ വീരോ​ചി​ത​മാ​യി പൊരു​തി​യെ​ന്നും ചില നേതാ​ക്കൻമാർ അവരുടെ അണിക​ളിൽ നിന്ന്‌ വന്നു” എന്നും യഹൂദൻമാ​രു​ടെ പികച്ചോ​റി​യൽ ബിബ്ലിക്കൽ എൻ​സൈ​ക്ലോ​പ്പീ​ഡി​യാ പറയുന്നു. യഹൂദ​ച​രി​ത്ര​കാ​ര​നായ ജോസീ​ഫസ്‌ അങ്ങനെ​യുള്ള ഒരു നേതാ​വായ “എസ്സീൻ ജോണി​നെ” പരാമർശി​ക്കു​ന്നു. അയാൾ ക്രി.വ. 66-ലെ വിപ്ലവ​ത്തിൽ ഒരു യഹൂദ​ജ​ന​റ​ലാ​യി സേവിച്ചു.

ആയിര​ത്തി​തൊ​ള്ളാ​യി​രത്തി നാൽപ​ത്തേ​ഴിൽ കണ്ടെത്തിയ ചാവു​ക​ടൽചു​രു​ളു​കൾ ഖുംറാൻ മതവി​ഭാ​ഗ​ത്തെ​ക്കു​റി​ച്ചുള്ള വിവരങ്ങൾ പ്രദാനം ചെയ്യുന്നു. അവർ എസ്സീനു​ക​ളെ​പ്പോ​ലെ​യു​ള്ള​വ​രാ​ണെന്ന്‌ ചില പണ്ഡിതൻമാർ വിചാ​രി​ക്കു​ന്നു. എന്നാൽ യോഹ​ന്നാൻ സ്‌നാ​പ​ക​നും യേശു​വും ഈ സമൂഹ​ത്തിൽപെ​ട്ട​വ​രാ​യി​രു​ന്നു അല്ലെങ്കിൽ അതിനാൽ സ്വാധീ​നി​ക്ക​പ്പെ​ടു​ക​യെ​ങ്കി​ലും ചെയ്‌തി​രു​ന്നു എന്ന സൂചന​യെ​സം​ബ​ന്ധിച്ച്‌ ദി ന്യൂ എൻ​സൈ​ക്ലോ​പ്പീ​ഡി​യാ ബ്രിട്ടാ​നി​ക്കാ ഇങ്ങനെ പറയുന്നു: “പ്രധാ​ന​പ്പെട്ട വാദങ്ങൾ . . . ഈ അഭ്യൂ​ഹ​ത്തി​നെ​തി​രാണ്‌.” “ഖുംറാൻ മതവി​ഭാ​ഗ​വും യോഹ​ന്നാൻ സ്‌നാ​പ​ക​നും തമ്മിൽ അടിസ്ഥാ​ന​പ​ര​മായ വ്യത്യാ​സ​ങ്ങ​ളും, ഈ മതവി​ഭാ​ഗ​ത്തി​ന്റെ വീക്ഷണ​ങ്ങ​ളും യേശു​വി​ന്റെ ശുശ്രൂ​ഷ​യു​ടെ വ്യാപ്‌തി​യും അവന്റെ രക്ഷാസ​ന്ദേ​ശ​വും ദൈ​വേഷ്ടം സംബന്ധിച്ച അവന്റെ ഗ്രാഹ്യ​വും . . . വിശേ​ഷിച്ച്‌ സ്‌നേ​ഹത്തെ സംബന്ധിച്ച അവന്റെ കൽപ്പന​യു​ടെ വിപ്ലവ​സ്വ​ഭാ​വ​വും പാപി​ക​ളും സാമൂഹ്യ ബഹിഷ്‌കൃ​ത​രു​മാ​യുള്ള അവന്റെ സഹവാ​സ​വും തമ്മിൽ കടക വൈരു​ദ്ധ്യ​ങ്ങ​ളു​മുണ്ട്‌.”

യഥാർത്ഥ​ത്തിൽ, സകല യഹൂദ മതവി​ഭാ​ഗ​ങ്ങ​ളും യോഹ​ന്നാൻസ്‌നാ​പ​ക​നെ​യും മശിഹാ​യാ​യി അവൻ പ്രഖ്യാ​പി​ച്ച​വ​നെ​യും എതിർക്കു​ക​യാ​യി​രു​ന്നു. യോഹ​ന്നാ​ന്റെ സന്ദേശ​ത്തി​നു വിശ്വാ​സ്യത കൊടു​ക്കു​ന്ന​തി​നു പകരം അനേകം പുരോ​ഹി​തൻമാർ സ്വയം​നിർണ്ണ​യ​ത്തി​നു​വേണ്ടി നില​കൊണ്ട ഒരു യഹൂദ​വി​പ്ല​വ​സ​മൂ​ഹ​മാ​യി​രുന്ന തീവ്ര​വാ​ദി​ക​ളി​ലേക്കു തിരി​ഞ്ഞു​വെന്ന്‌ ജോസീ​ഫസ്‌ പറയുന്നു. ക്രി.മു. 63ൽ ഗ്രീസി​നു പകരംവന്ന റോമൻ ആധിപ​ത്യ​ത്തെ എതിർത്ത ഇതു​പോ​ലെ​യുള്ള സമൂഹങ്ങൾ ദശാബ്‌ദ​ങ്ങ​ളിൽ ഭീകര​പ്ര​വർത്ത​ന​ങ്ങ​ളിൽ ഏർപ്പെ​ട്ടി​രു​ന്നു. ഒടുവിൽ ക്രി.വ. 66ൽ അവർ തുറന്ന മത്‌സ​ര​ത്തി​ലേർപ്പെട്ടു. ഇത്‌ യഹൂദ​ദേ​വാ​ല​യ​ത്തി​ന്റെ​യും അവരുടെ പൗരോ​ഹി​ത്യ​ത്തി​ന്റെ​യും നാശത്തി​ലേക്കു നയിച്ചു. മശി​ഹൈ​ക​പ്ര​ത്യാ​ശ മങ്ങി​പ്പോ​യി.

ആലയമി​ല്ലാത്ത, പൗരോ​ഹി​ത്യ​മി​ല്ലാത്ത, ഒരു യഹൂദ​മ​തം

ബാബി​ലോ​ന്യ​പ്ര​വാ​സ​ത്തിന്‌ നൂററാ​ണ്ടു​കൾക്കു​മു​മ്പും പ്രവാ​സ​കാ​ല​ത്തും അല്ലെങ്കിൽ അതിനു​ശേഷം അല്‌പ​കാ​ലം കഴിഞ്ഞും ന്യായ​പ്ര​മാ​ണ​ത്തെ​ക്കു​റിച്ച്‌ അറിവു സമ്പാദി​ക്കു​ന്ന​തിന്‌ വലിയ ഊന്നൽ കൊടു​ത്തി​രു​ന്നു. സിന​ഗോ​ഗു​കൾ എന്നറി​യ​പ്പെ​ട്ടി​രുന്ന പ്രബോ​ധ​ന​കേ​ന്ദ്രങ്ങൾ പണിയ​പ്പെട്ടു. അതിനു​ശേഷം പ്രത്യേ​ക​സ​ന്ദർഭ​ങ്ങ​ളി​ലും ബലിയർപ്പി​ക്കു​ക​യെന്ന ഉദ്ദേശ്യ​ത്തി​ലും മാത്രമേ ആലയം സന്ദർശി​ച്ചി​രു​ന്നു​ള്ളു. ക്രി.വ. ഒന്നാം നൂററാ​ണ്ടാ​യ​തോ​ടെ സിന​ഗോ​ഗിൽ ആരാധി​ക്കു​ന്നത്‌ സർവസാ​ധാ​ര​ണ​മാ​യി​രു​ന്നു. പിന്നീട്‌ ക്രി.വ. 70ലെ ആലയത്തി​ന്റെ നാശത്തി​നു​ശേഷം അവ ആലയത്തി​നു പകരമു​ള്ള​വ​യാ​യി വീക്ഷി​ക്ക​പ്പെട്ടു.

ഇപ്പോൾ സ്ഥിതി​ചെ​യ്യാഞ്ഞ പൗരോ​ഹി​ത്യ​ത്തിൽനിന്ന്‌ റബ്ബിമാർ എന്നറി​യ​പ്പെ​ട്ടി​രുന്ന ഉപദേ​ഷ്ടാ​ക്ക​ളി​ലേക്കു പ്രാധാ​ന്യം മാറി. ഒരു ഫലപ്ര​ദ​മായ സംഘമെന്ന നിലയിൽ സദൂക്യർ സ്ഥിതി​ചെ​യ്യാ​താ​യി. എസ്സീൻസ്‌ കേവലം അപ്രത്യ​ക്ഷ​പ്പെട്ടു. അതു​കൊണ്ട്‌ പരീശൻമാർ എതിരി​ല്ലാത്ത നേതാ​ക്ക​ളാ​യി പ്രത്യ​ക്ഷ​പ്പെട്ടു. അവർക്കു​ണ്ടാ​യി​രുന്ന സ്വാധീ​ന​ത്തെ​ക്കു​റിച്ച്‌ ഹീബ്രൂ യൂണിയൻ കോള​ജി​ലെ എല്ലിസ്‌ റിവ്‌ക്കിൻ വിശദീ​ക​രി​ക്കു​ന്നു: “പരീശൻമാ​രു​ടെ വാമൊ​ഴി​യായ നിയമം മിഷ്‌നാ​യി​ക്കും, പലസ്‌തീ​നി​ലെ​യും ബാബി​ലോ​നി​ലെ​യും തൽമൂ​ദു​കൾക്കും, അക്കാദ​മി​ക​ത​ല​വൻമാ​രു​ടെ​യും മദ്ധ്യകാ​ല​ത്തെ​യും ആധുനി​ക​കാ​ല​ത്തെ​യും റബ്ബിമാ​രു​ടെ​യും ഉത്തരങ്ങൾക്കും, യഹൂദ​നി​യ​മ​ത്തി​ന്റെ വിവിധ സംഹി​ത​കൾക്കും ജൻമ​മേകി.” ദി ന്യൂ എൻ​സൈ​ക്ലോ​പ്പീ​ഡി​യാ ബ്രിട്ടാ​നി​ക്കാ ഇങ്ങനെ കൂട്ടി​ച്ചേർക്കു​ന്നു: “യാഥാ​സ്ഥി​തി​ക​രോ ഉൽപതി​ഷ്‌ണു​ക്ക​ളോ പരിഷ്‌ക്ക​ര​ണ​വാ​ദി​ക​ളോ ആയാലും വിവിധ യഹൂദ​സ​മൂ​ഹങ്ങൾ തങ്ങൾ പരീശൻമാ​രിൽനി​ന്നും ജ്ഞാനി​ക​ളായ റബ്ബിമാ​രിൽനി​ന്നും ആത്മീയ​മാ​യി നേരിട്ട്‌ ഉത്ഭവി​ച്ച​വ​രാ​ണെന്ന്‌ ഇന്നു​പോ​ലും അവകാ​ശ​പ്പെ​ടു​ന്നു.”

പ്രവാ​സ​ത്തി​ലെ മശി​ഹൈ​ക​പ്ര​ത്യാ​ശകൾ

ക്രി.വ. 70നു മുമ്പു​പോ​ലും ദശലക്ഷ​ക്ക​ണ​ക്കി​നു യഹൂദൻമാർ പലസ്‌തീ​നു വെളി​യിൽ മുഖ്യ​മാ​യി സിറി​യ​യി​ലും ഏഷ്യാ​മൈ​ന​റി​ലും ബാബി​ലോ​ണി​യാ​യി​ലും ഈജി​പ്‌റ​റി​ലും വസിച്ചി​രു​ന്നു. എന്നിരു​ന്നാ​ലും ക്രി.വ. 70നു ശേഷം അതിജീ​വിച്ച ഏതു യഹൂദൻമാ​രും ഡിയസപോ​റാ​യിൽ ജീവിതം കഴിച്ചു​കൂ​ട്ടു​ന്ന​തിന്‌ പൂർണ്ണ​മാ​യും പിഴു​തെ​റി​യ​പ്പെ​ടു​ക​യും ചിതറി​ക്ക​പ്പെ​ടു​ക​യും​ചെ​യ്‌തു. “ചിതറി​ക്കൽ” എന്നതിന്റെ ഗ്രീക്ക്‌പ​ദ​മാണ്‌ ഡിയസപോ​റാ. അവി​ടെ​പോ​ലും അനേകർ വരാനി​രി​ക്കുന്ന ഒരു മശിഹാ​യിൻകീ​ഴി​ലെ സ്വയം​നിർണ്ണ​യ​ത്തി​ന്റെ പ്രത്യാശ വെച്ചു​പു​ലർത്തി. യഹൂദ​നേ​താ​വാ​യി​രുന്ന ബാർഖോ​ക്‌ബാ ഒരു വ്യാജ​മ​ശി​ഹാ​യാ​ണെന്നു തെളിഞ്ഞു. അയാൾ ക്രി.വ. 132ൽ റോമി​നെ​തി​രായ മത്സരം നയിച്ചു പരാജ​യ​പ്പെട്ടു. യഹൂദ വിജ്ഞാ​ന​കോ​ശം പറയു​ന്ന​ത​നു​സ​രിച്ച്‌ അന്നു മുതൽ ക്രി.വ. 1744 വരെ അങ്ങനെ​യുള്ള 28 വ്യാജ​മ​ശി​ഹാ​മാർ പ്രത്യ​ക്ഷ​പ്പെട്ടു.

അങ്ങനെ മശി​ഹൈക പ്രത്യാശ അവ്യക്ത​മാ​യി​പ്പോ​യത്‌ ഒരുപക്ഷേ മനസ്സി​ലാ​ക്കാം. ദി എൻ​സൈ​ക്ലോ​പ്പീ​ഡി​യാ ജൂഡാ​യി​ക്കാ ഇങ്ങനെ വിശദീ​ക​രി​ക്കു​ന്നു: “മദ്ധ്യയു​ഗ​ങ്ങ​ളി​ലെ യഹൂദ പ്രത്യ​യ​ശാ​സ്‌ത്രം പുരാതന കാലഘ​ട്ട​ത്തിൽനിന്ന്‌ മശിഹാ​യെ​സം​ബ​ന്ധി​ച്ചുള്ള യോജി​പ്പു​ള്ള​തും ഏകീകൃ​ത​വു​മായ ധാരണ സ്വീക​രി​ച്ചില്ല, . . . തൽമൂ​ദിക സാഹി​ത്യ​ങ്ങ​ളി​ലും വിവിധ യഹൂദ തിരു​വെ​ഴു​ത്തു​വ്യാ​ഖ്യാ​ന​ങ്ങ​ളി​ലും അനേകം വിരു​ദ്ധ​വീ​ക്ഷ​ണങ്ങൾ ഉൾപ്പെ​ട്ടി​രു​ന്നു.” പന്ത്രണ്ടാം നൂററാ​ണ്ടോ​ളം മുമ്പ്‌ മശിഹാ​യു​ടെ വാഴ്‌ച ഒരുപക്ഷേ കേവലം ഉയർന്ന രൂപത്തി​ലുള്ള ഒരു സമുദാ​യ​ത്തി​ന്റെ ചിത്രീ​ക​രണം ആണെന്ന്‌ യഹൂദ​ത​ത്വ​ചി​ന്ത​ക​നായ മോസസ്‌ മായ്‌മൊ​ണൈ​ഡ്‌സ്‌ വാദിച്ചു. പത്തൊൻപ​താം നൂററാ​ണ്ടിൽ നവീകരണ യഹൂദൻമാർ “ഒരു വ്യക്തി​പ​ര​മായ മശിഹാ​യി​ലുള്ള വിശ്വാ​സ​ത്തി​നു​പ​കരം ഒരു മശി​ഹൈക യുഗത്തി​ലുള്ള വിശ്വാ​സം സ്വീക​രി​ച്ചു. . . . സീയോ​നി​ലേ​ക്കുള്ള പ്രവാ​സി​ക​ളു​ടെ മടങ്ങി​വ​ര​വി​നോ​ടുള്ള പരമ്പരാ​ഗത സംബന്ധ​ങ്ങ​ളിൽനിന്ന്‌ മശി​ഹൈക പ്രത്യാശ ഛേദി​ക്ക​പ്പെട്ടു.”

ഇതിന്‌ അൽപ്പകാ​ലം മുമ്പ്‌ യൂറോ​പ്പി​ലെ ഹസ്‌ക​ല​പ്ര​സ്ഥാ​നം (പ്രബുദ്ധത) പ്രശ്‌നത്തെ കൂടു​ത​ലാ​യി കുഴപ്പി​ച്ചു. അത്‌ പാശ്ചാത്യ ജീവി​ത​രീ​തി​യോട്‌ അനുരൂ​പ​പ്പെ​ടാൻ മനസ്സുള്ള ഒരു യഹൂദ മതത്തെ പ്രോ​ത്‌സാ​ഹി​പ്പി​ച്ചു. അത്‌ യഹൂദൻമാ​രെ മശിഹാ​യു​ടെ കീഴിൽ പുനഃ​സ്ഥാ​പി​ക്ക​പ്പെട്ട യഹൂദ സ്വദേ​ശ​ത്തി​ലെ സ്വയം​നിർണ്ണ​യ​ത്തി​നു മുന്തിയ മുൻഗണന ഉള്ളതായി വീക്ഷി​ക്കു​ന്ന​വ​രും ജൻമനാ​ട്ടി​ലെ ജീവി​ത​ത്തോ​ടുള്ള ഉദ്‌ഗ്ര​ഥ​ന​ത്തിന്‌ കൂടിയ പ്രാധാ​ന്യ​മു​ണ്ടെന്ന്‌ വിചാ​രി​ക്കു​ന്ന​വ​രു​മാ​യി പിരി​യാൻ സഹായി​ച്ചു.

ഈ വികാ​സ​ങ്ങ​ളും ശേമ്യ​വി​രോ​ധ​ത്തി​ന്റെ ഉയർച്ച​യും ആധുനിക സീയോ​ന്യ​വാ​ദ​ത്തി​ന്റെ പിറവിക്ക്‌ വഴി​യൊ​രു​ക്കി. പത്തൊൻപ​താം നൂററാ​ണ്ടി​ന്റെ അവസാ​ന​ത്തിൽ തിയോ​ഡർ ഹെർസൽ ആയിരു​ന്നു അതിന്‌ ജൻമ​മേ​കി​യത്‌. ഇന്ന്‌ 1990 നവംബ​റിൽ, ഇസ്രാ​യേൽ സംസ്ഥാനം സ്ഥാപി​ക്ക​പ്പെട്ട മാസത്തി​നു​ശേഷം 42 വർഷം കഴിഞ്ഞ്‌ അദ്ദേഹം വിഭാ​വ​ന​ചെയ്‌ത ഒരു യഹൂദ​സ്വ​ദേ​ശത്തെ ഒരു യഹൂദ​ജ​ന​സ​മു​ദാ​യ​മെന്ന നിലയിൽ സ്വയം​നിർണ്ണയം യഹൂദൻമാർ ആസ്വദി​ക്കു​ന്നുണ്ട്‌. അവരുടെ മശി​ഹൈ​ക​പ്ര​ത്യാ​ശ സഫലമാ​യി​ട്ടു​ണ്ടോ? ഉണ്ടെങ്കിൽ ദ ടൈംസ ഓഫ്‌ ലണ്ടൻ പറയു​ന്ന​ത​നു​സ​രിച്ച്‌ “ഇസ്രാ​യേ​ലി​ന്റെ സൃഷ്ടി​യോ​ടെ യാഥാർത്ഥ്യ​മാ​യി​ത്തീർന്ന ഒരു അശുദ്ധ​തയെ സീയോ​ന്യ​വാ​ദ​ത്തിൽ” ചില യഹൂദൻമാർ ദർശി​ക്കു​ന്ന​തെ​ന്തു​കൊണ്ട്‌? ഒരു യഹൂദൻ തന്നെയാ​യി​രുന്ന പരേത​നായ തിയോ​ഡർ എച്ച്‌ വൈററ്‌ എന്ന ചരി​ത്ര​കാ​രൻ ഇങ്ങനെ നിഷ്‌ക​പ​ട​മാ​യി സമ്മതി​ച്ച​തെ​ന്തു​കൊണ്ട്‌: “അന്യോ​ന്യം വഴക്കടി​ക്കുന്ന വ്യത്യസ്‌ത യഹൂദ​വി​ഭാ​ഗങ്ങൾ, . . . പ്രോ​ട്ട​സ്‌റ​റൻറു​കാ​രു​ടെ​യിട​യി​ലെ വിഭാ​ഗ​ങ്ങ​ളോ​ളം തന്നെയുണ്ട്‌.” 1987-ൽ ഇസ്രാ​യേ​ലി​ലെ 120-അംഗ രാഷ്‌ട്രീ​യ​സ​മി​തി​യായ നെസറ​റി​ലെ വഴക്കടി​ക്കുന്ന മതവി​ഭാ​ഗ​ങ്ങ​ളി​ലേക്ക്‌ ശ്രദ്ധക്ഷ​ണി​ച്ചു​കൊണ്ട്‌ ടൈം മാസിക ഇങ്ങനെ എഴുതി​യത്‌ എന്തു​കൊണ്ട്‌: “ഇസ്രാ​യേൽ മാരക​മാ​യി അതിൽതന്നെ ഭിന്നി​ച്ചി​രി​ക്കുന്ന ഒരു ഭവനമാ​യി​ത്തീ​രാ​തി​രി​ക്ക​ണ​മെ​ങ്കിൽ ഈടു​നിൽക്കുന്ന എന്തെങ്കി​ലും പരിഹാ​രം കണ്ടെ​ത്തേ​ണ്ടി​യി​രി​ക്കു​ന്നു.”

ആധുനിക യഹൂദ സ്വയം​നിർണ്ണയം ഭാവി പ്രത്യാശ പ്രദാനം ചെയ്യു​ന്നില്ല. തങ്ങളുടെ മശി​ഹൈ​ക​പ്ര​ത്യാ​ശ സാക്ഷാ​ത്‌ക​രി​ക്കു​ന്ന​തിന്‌ മാനു​ഷ​രാ​ഷ്‌ട്രീ​യ​ത്തി​ലാ​ശ്ര​യി​ക്കു​ന്ന​തി​നാൽ യഹൂദ​മതം അതിന്റെ സ്വന്തം വിശുദ്ധ എഴുത്തു​ക​ളി​ലെ വാക്കുകൾ അവഗണി​ച്ചി​രി​ക്കു​ന്നു: “മനുഷ്യ​രി​ലാ​ശ്ര​യി​ക്കു​ന്ന​തി​നേ​ക്കാൾ മെച്ചമാണ്‌ കർത്താ​വിൽ ആശ്രയി​ക്കു​ന്നത്‌. . . . പ്രഭു​ക്കൻമാ​രി​ലോ സഹായം കിട്ടു​ക​യി​ല്ലാത്ത മനുഷ്യ​പു​ത്രൻമാ​രി​ലൊ ആശ്രയി​ക്ക​രുത്‌.”—സങ്കീർത്തനം 118:8; 146:3, വിശു​ദ്ധ​തി​രു​വെ​ഴു​ത്തു​കൾ, ജ്യൂയിഷ്‌ പബ്ലി​ക്കേഷൻ സൊ​സൈ​ററി ഓഫ്‌ അമേരിക്ക പ്രസി​ദ്ധീ​ക​രി​ച്ചത്‌. തങ്ങളുടെ മശി​ഹൈ​ക​പ്ര​ത്യാ​ശയെ തിരി​ച്ച​റി​യു​ന്ന​തിൽ ഇന്ന്‌ അനേകം യഹൂദൻമാർക്കുള്ള പ്രയാ​സ​ത്തിൽനിന്ന്‌ വ്യത്യ​സ്‌ത​മാ​യി ക്രി.വ. ഒന്നാം നൂററാ​ണ്ടി​ലെ അവരുടെ നിരവധി പൂർവി​കർക്ക്‌ അതിൽ യാതൊ​രു പ്രയാ​സ​വു​മി​ല്ലാ​യി​രു​ന്നു. (യോഹ​ന്നാൻ 1:41 കാണുക.) അവർ തങ്ങൾ മശിഹാ​യാ​യി സ്വീക​രി​ച്ച​വന്റെ അനുഗാ​മി​ക​ളാ​യി​ത്തീർന്നു, നമുക്ക്‌ “വിശ്വാ​സ​ത്തി​ന്റെ​യും പ്രത്യാ​ശ​യു​ടെ​യും സ്‌നേ​ഹ​ത്തി​ന്റെ​യും മാർഗ്ഗം” എന്ന്‌ ഉചിത​മാ​യി വിളി​ക്കാൻ കഴിയുന്ന ഒരു മതത്തിന്റെ തീക്ഷ്‌ണ​ത​യുള്ള വക്താക്ക​ളാ​യി​ത്തീ​രു​ക​യും ചെയ്‌തു. ഞങ്ങളുടെ അടുത്ത ലക്കം അതു വിശദീ​ക​രി​ക്കും. (g89 5/22)

[21-ാം പേജിലെ ചിത്രം]

ക്രി.വ. 70-ൽ നശിപ്പി​ക്ക​പ്പെട്ട തങ്ങളുടെ വിശുദ്ധ ദേവാ​ല​യ​ത്തി​ന്റേ​താ​യി യഹൂദൻമാർക്ക്‌ ശേഷി​ച്ചി​രി​ക്കു​ന്നത്‌ സാധാ​ര​ണ​യാ​യി വിലാ​പ​മ​തിൽ എന്നു വിളി​ക്ക​പ്പെ​ടുന്ന പടിഞ്ഞാ​റേ മതിലാണ്‌