ചെറു​പ്പ​ക്കാർ ചോദി​ക്കു​ന്നു. . . 

ഞാൻ ഏതു ജീവി​ത​വൃ​ത്തി തെ​ര​ഞ്ഞെ​ടു​ക്കണം?

‘ഞാൻ എന്റെ ജീവി​ത​ത്തിൽ ശേഷി​ച്ചി​രി​ക്കുന്ന കാലത്ത്‌ എന്തു ചെയ്യും? പെട്ടെ​ന്നു​ത​ന്നെ​യൊ പിന്നീ​ടൊ നിങ്ങൾ ഈ വെല്ലു​വി​ളി​പ​ര​മായ ചോദ്യ​ത്തെ അഭിമു​ഖീ​ക​രി​ക്കും. തിര​ഞ്ഞെ​ടു​പ്പി​ന്റെ ഒരു കുഴഞ്ഞ നിര അവതരി​പ്പി​ക്ക​പ്പെ​ടു​ന്നു—മെഡി​സിൻ, വ്യാപാ​രം, കല, വിദ്യാ​ഭ്യാ​സം, കമ്പ്യൂട്ടർ സൈൻസ്‌, എഞ്ചിനീ​യ​റിംഗ്‌, വ്യവസാ​യങ്ങൾ. നിങ്ങൾക്ക്‌ ഇങ്ങനെ പറഞ്ഞ യുവാ​വി​നെ​പ്പോ​ലെ തോന്നു​ക​യും ചെയ്‌തേ​ക്കാം: “വിജയ​പ്ര​ദ​മെന്ന്‌ ഞാൻ പരിഗ​ണി​ക്കു​ന്നത്‌ . . . നിങ്ങൾ വളർന്ന​പ്പോൾ അനുഭ​വ​പ്പെ​ട്ടി​രുന്ന സുഖത്തി​ന്റെ തോത്‌ നിലനിർത്തു​ന്ന​താണ്‌.” അല്ലെങ്കിൽ നിങ്ങൾ നിങ്ങളു​ടെ ജീവി​ത​ത്തി​ലെ സാമ്പത്തിക ഭാഗ​ധേയം മെച്ച​പ്പെ​ടു​ത്തു​ന്ന​തി​നെ​ക്കു​റിച്ച്‌ സ്വപ്‌നം കാണു​ന്നു​ണ്ടാ​യി​രി​ക്കും.

എന്നാൽ വിജയ​ത്തിൽ സാമ്പത്തി​ക​നേ​ട്ട​ത്തെ​ക്കാൾ കൂടു​ത​ലാ​യി ഉണ്ടോ? ഏതെങ്കി​ലും ലൗകി​ക​ജീ​വി​ത​വൃ​ത്തി നിങ്ങൾക്ക്‌ യഥാർത്ഥ സാഫല്യം കൈവ​രു​ത്തു​മോ?

‘അത നിരർത്ഥ​ക​മാ​യി​രു​ന്നു’

വശ്യം, ആവേശ​കരം, ആദായ​കരം! ചലച്ചി​ത്ര​ങ്ങ​ളും ടി.വി.യും പുസ്‌ത​ക​ങ്ങ​ളും മിക്ക​പ്പോ​ഴും ലൗകി​ക​ജീ​വി​ത​വൃ​ത്തി​കളെ ചിത്രീ​ക​രി​ക്കു​ന്ന​ത​ങ്ങ​നെ​യാണ്‌. എന്നാൽ വിജയം എന്നു വിളി​ക്ക​പ്പെ​ടു​ന്നതു നേടു​ന്ന​തിന്‌, മിക്ക​പ്പോ​ഴും ജീവി​ത​വൃ​ത്തി​യിൽ മുന്നേ​റു​ന്നവർ അംഗീ​കാ​ര​ത്തി​നു​വേ​ണ്ടി​യുള്ള പരസ്‌പര ജീവൻമരണ മത്സരത്തിൽ പോരാ​ട്ടം​ക​ഴി​ക്കേ​ണ്ടി​യി​രി​ക്കു​ന്നു. ചെറു​പ്പ​ക്കാർ, “വേഗത​യുള്ള, ഉയർന്ന സാങ്കേ​തി​ക​വി​ദ്യ​യി​ലെ ജീവി​ത​വൃ​ത്തി​ക​ളോ​ടു​കൂ​ടി​യവർ, അസംതൃ​പ്‌തി​യു​ടെ തോന്ന​ലു​ക​ളും, ഉത്‌ക്ക​ണ്‌ഠ​യും വിഷാ​ദ​വും ശൂന്യ​താ​ബോ​ധ​വും സ്വപ്രാ​ധാ​ന്യ​ത്തെ​പ്പ​റ​റി​യുള്ള അമിത​ചി​ന്ത​യും എല്ലാവി​ധ​ത്തി​ലു​മുള്ള ശാരീ​രിക പ്രശ്‌ന​ങ്ങ​ളും അനുഭ​വി​ക്കു​ന്ന​താ​യി” അറിയി​ക്കു​ന്ന​തെ​ങ്ങ​നെ​യെന്ന്‌ ഡോ. ഡഗ്ലസ്‌ ലാബെയർ പറയുന്നു.

വളരെ​ക്കാ​ലം മുമ്പ്‌ ശലോ​മോൻ രാജാവ്‌ വെറും ലോക​വി​ജ​യ​ത്തി​ന്റെ ഫലശൂ​ന്യത തുറന്നു​കാ​ട്ടി. ശലോ​മോൻ പരമാർത്ഥ​ത്തിൽ അതിരററ സമ്പത്തോ​ടെ, ജീവി​ത​നേ​ട്ട​ങ്ങ​ളു​ടെ ഒരു അതിശ​യി​പ്പി​ക്കുന്ന പട്ടിക കെട്ടു​പ​ണി​ചെ​യ്‌തി​രു​ന്നു. (സഭാ​പ്ര​സം​ഗി 2:4-10) എന്നിട്ടും ശലോ​മോൻ ഇപ്രകാ​രം ഉപസം​ഹ​രി​പ്പി​ക്കു​ന്നു: “ഞാൻ എന്റെ കൈകൾ ചെയ്‌ത എന്റെ സകല പ്രവൃ​ത്തി​ക​ളി​ലേ​ക്കും, ഞാൻ നേടാൻവേണ്ടി കഠിന​വേ​ല​ചെയ്‌ത കഠിന​വേ​ല​യി​ലേ​ക്കും തിരിഞ്ഞു, നോക്കൂ! എല്ലാം മിഥ്യ​യും [“അത്‌ നിരർത്ഥ​ക​മാ​യി​രു​ന്നു എന്ന്‌ ഞാൻ തിരി​ച്ച​റി​ഞ്ഞു,” ററു​ഡേ​യസ ഇംഗ്ലീഷ വേർഷൻ] വൃഥാ​യ​ത്‌ന​വും ആയിരു​ന്നു.”—സഭാ​പ്ര​സം​ഗി 2:11.

ഒരു ജോലി നന്നായി സമ്പത്തും അംഗീ​കാ​ര​വും കൈവ​രു​ത്തി​യേ​ക്കാം, എന്നാൽ അതിന്‌ ഒരുവന്റെ ‘ആത്മീയാ​വ​ശ്യ​ങ്ങളെ’ തൃപ്‌തി​പ്പെ​ടു​ത്താൻ കഴിയു​ക​യില്ല. (മത്തായി 5:3) അതു​കൊണ്ട്‌ ലൗകി​ക​നേ​ട്ട​ങ്ങൾക്കു ചുററു​മാ​യി മാത്രം തങ്ങളുടെ ജീവി​തത്തെ കെട്ടി​പ്പ​ടു​ക്കു​ന്ന​വ​രിൽനിന്ന്‌ സംതൃ​പ്‌തി തെന്നി​മാ​റു​ന്നു.

സംതൃ​പതി​വ​രു​ത്തുന്ന ഒരു ജീവി​ത​വൃ​ത്തി

ശലോ​മോൻ രാജാവ്‌ ഉപദേ​ശി​ക്കു​ന്നു: “എല്ലാ കേട്ട ശേഷം സംഗതി​യു​ടെ നിഗമനം ഇതാകു​ന്നു: സത്യ​ദൈ​വത്തെ ഭയപ്പെട്ട്‌ അവന്റെ കൽപ്പനകൾ അനുസ​രി​ക്കുക. എന്തു​കൊ​ണ്ടെ​ന്നാൽ മമനു​ഷ്യ​ന്റെ മുഴു കടപ്പാ​ടും അതാണ്‌.” (സഭാ​പ്ര​സം​ഗി 12:13) ഇന്ന്‌ ക്രിസ്‌ത്യാ​നി​ക​ളു​ടെ പ്രാഥ​മിക ഉത്തരവാ​ദി​ത്വം രാജ്യ​ദൂത്‌ പ്രസം​ഗി​ക്കു​ക​യെ​ന്ന​താണ്‌. (മത്തായി 24:14) ഈ കടപ്പാ​ടി​നെ ഗൗരവ​പൂർവം എടുക്കുന്ന യുവാക്കൾ ഈ വേലയിൽ ആവുന്നത്ര പൂർണ്ണ​പ​ങ്കു​ണ്ടാ​യി​രി​ക്കാൻ നിർബ​ന്ധി​ത​രാ​ണെന്ന്‌ വിചാ​രി​ക്കു​ക​യും ചെയ്യുന്നു.—തങ്ങൾ സ്വാഭാ​വി​ക​മാ​യി പ്രസം​ഗ​പ്ര​വർത്ത​ന​ത്തോട്‌ ചായ്‌വു​ള്ള​വ​ര​ല്ലെ​ങ്കിൽപോ​ലും. (2 കൊരി​ന്ത്യർ 5:14 താരത​മ്യ​പ്പെ​ടു​ത്തുക.) മുഴു​സമയ ലൗകി​ക​ജോ​ലി നോക്കു​ന്ന​തി​നു​പ​കരം ആയിരങ്ങൾ മുഴു​സമയ സുവി​ശേ​ഷ​ക​രാ​യി (പയനി​യർമാ​രാ​യി) സേവി​ക്കു​ന്നത്‌ തിര​ഞ്ഞെ​ടു​ത്തി​രി​ക്കു​ന്നു. മററു​ള്ളവർ വിദേ​ശ​മി​ഷ​ന​റി​മാ​രാ​യൊ വാച്ച്‌ടവർ സൊ​സൈ​റ​റി​യു​ടെ ബ്രാഞ്ചാ​ഫീ​സു​ക​ളി​ലൊ സേവി​ക്കു​ന്നു.

ഒരു പയനിയർ ആയിത്തീ​രാൻവേണ്ടി ഒരു എക്‌സി​ക്യൂ​ട്ടിവ്‌ സെക്ര​ട്ടറി എന്ന തന്റെ ജോലി ഉപേക്ഷിച്ച എമിലി ഇപ്രകാ​രം പറയുന്നു: “ഞാൻ ഈ വേലസം​ബ​ന്ധിച്ച്‌ ഒരു യഥാർത്ഥ സ്‌നേഹം വികസി​പ്പി​ച്ചെ​ടു​ത്തു.” അതെ, മുഴു​സ​മ​യ​ശു​ശ്രൂ​ഷ​യാണ്‌ ഏററവും സംതൃ​പ്‌തി​ക​ര​മായ, സങ്കൽപ്പി​ക്കാൻ കഴിയു​ന്ന​തി​ലേ​ക്കും ആവേശ​ക​ര​മായ, ജീവി​ത​വൃ​ത്തി! “ഒരുവന്‌ ദൈവ​ത്തി​ന്റെ ഒരു കൂട്ടു​വേ​ല​ക്കാ​രനാ”കുന്നതി​നേ​ക്കാൾ കൂടിയ ഏതു പദവി​യു​ണ്ടാ​യി​രി​ക്കാൻ കഴിയും?—1 കൊരി​ന്ത്യർ 3:9.

യൂണി​വേ​ഴസി​ററി വിദ്യാ​ഭ്യാ​സം—പ്രയോ​ജ​ന​പ്ര​ദ​മോ?

മിക്ക പയനിയർ ശുശ്രൂ​ഷ​ക​രും അംശകാ​ല​ജോ​ലി​കൊണ്ട്‌ തങ്ങളെ​ത്തന്നെ പോറ​റു​ന്നു. എന്നാൽ പിന്നീട്‌ നിങ്ങൾക്ക്‌ ഒരു കുടും​ബത്തെ പോ​റേ​റ​ണ്ട​താ​വ​ശ്യ​മാ​യി വന്നാ​ലെന്ത്‌? നിശ്ചയ​മാ​യും ഒരുവൻ തന്റെ യൗവന​വർഷങ്ങൾ ദൈവ​ത്തി​ന്റെ സേവന​ത്തിൽ അർപ്പി​ച്ച​തിൽ ഒരിക്ക​ലും പശ്ചാത്ത​പി​ക്കു​ക​യില്ല! എന്നിരു​ന്നാ​ലും, ഒരു യുവാവ്‌ ആദ്യം ഒരു യൂണി​വേ​ഴ്‌സി​ററി ഡിഗ്രി കരസ്ഥമാ​ക്കു​ക​യും ഒരുപക്ഷേ പിന്നീട്‌ ശുശ്രൂഷ പിന്തു​ട​രു​ക​യും ചെയ്യു​ന്നത്‌ അർത്ഥവ​ത്താ​യി​രി​ക്ക​യി​ല്ലേ എന്ന്‌ ചിലർ ചോദി​ക്കു​ന്നു.

തീർച്ച​യാ​യും ഒരു ക്രിസ്‌തീയ യുവാവ്‌ എത്ര വർഷത്തെ സ്‌കൂൾ പഠനം നടത്തണ​മെന്ന്‌ ബൈബിൾ കൃത്യ​മാ​യി പറയു​ന്നില്ല. അത്‌ വിദ്യാ​ഭ്യാ​സത്തെ കുററം​വി​ധി​ക്കു​ന്നു​മില്ല. “മഹാനായ പ്രബോ​ധക”നായ യഹോവ തന്റെ ജനത്തെ നന്നായി വായി​ക്കു​ന്ന​തി​നും വ്യക്തമാ​യി സംസാ​രി​ക്കു​ന്ന​തി​നും പ്രോ​ത്‌സാ​ഹി​പ്പി​ക്കു​ന്നു. (യെശയ്യാവ്‌ 30:20; സങ്കീർത്തനം 1:2; എബ്രായർ 5:12) കൂടാതെ, വിദ്യാ​ഭ്യാ​സ​ത്തിന്‌ ജനതക​ളെ​യും നാം ജീവി​ക്കുന്ന ലോക​ത്തെ​യും കുറി​ച്ചുള്ള ഗ്രാഹ്യം വിശാ​ല​മാ​ക്കാൻ കഴിയും.

എന്നിരു​ന്നാ​ലും ഒരു യൂണി​വേ​ഴ്‌സി​ററി ഡിഗ്രി എല്ലായ്‌പ്പോ​ഴും അത്‌ ആവശ്യ​പ്പെ​ടുന്ന സമയത്തി​ന്റെ​യും പണത്തി​ന്റെ​യും വമ്പിച്ച ചെലവ​ഴി​ക്ക​ലി​നു തക്ക മൂല്യ​മു​ള്ള​താ​ണോ?a സ്ഥിതി​വി​വ​ര​ക്ക​ണ​ക്കു​കൾ യൂണി​വേ​ഴ്‌സി​ററി ഗ്രാ​ഡ്വേ​റ​റു​കൾ ഹൈസ്‌കൂൾ ഗ്രാ​ഡ്വേ​റ​റു​ക​ളെ​ക്കാൾ ഉയർന്ന ശമ്പളം നേടു​ന്നു​വെ​ന്നും തൊഴി​ലി​ല്ലാ​യ്‌മ​യു​ടെ പ്രശ്‌നം കുറച്ചെ അനുഭ​വി​ക്കു​ന്നു​ള്ളു​വെ​ന്നും സൂചി​പ്പി​ക്കു​ന്നു​വെ​ന്നി​രി​ക്കെ, പ്ലാനിംഗ യുവർ കോളജ എഡ്യൂ​ക്കേഷൻ എന്ന പുസ്‌തകം ആ കണക്കുകൾ കേവലം ശരാശ​രി​ക​ളാ​ണെന്ന്‌ നമ്മെ ഓർമ്മി​പ്പി​ക്കു​ന്നു. യൂണി​വേ​ഴ്‌സി​ററി ഗ്രാ​ഡ്വേ​റ​റു​ക​ളിൽ ഒരു ന്യൂന​പ​ക്ഷ​ത്തി​നു മാത്രമേ യഥാർത്ഥ​ത്തിൽ ആകാശ​ത്തോ​ളം ഉയർന്ന ശമ്പളം കിട്ടു​ന്നു​ള്ളു; ശേഷി​ച്ച​വർക്ക്‌ വളരെ​യ​ധി​ക​മാ​യി ഭൂമി​യോ​ളം​താണ ശമ്പളമേ ലഭിക്കു​ന്നു​ള്ളു. കൂടാതെ, യൂണി​വേ​ഴ്‌സി​ററി ഗ്രാ​ഡ്വേ​റ​റു​കൾക്ക്‌ ലഭിക്കുന്ന ഉയർന്ന വരുമാ​നം “അസാധാ​രണ പ്രാപ്‌തി​കൾ, പ്രേര​ണാ​ശക്തി, ജോലി​ക്കുള്ള പ്രാ​ദേ​ശിക അവസരങ്ങൾ, . . . പ്രത്യേക വാസനകൾ എന്നിങ്ങ​നെ​യുള്ള വസ്‌തു​തകൾ നിമി​ത്ത​വു​മാ​യി​രി​ക്കാം”—കേവലം അവരുടെ വിദ്യാ​ഭ്യാ​സ​ത്തി​ന്റെ അളവു​കൊ​ണ്ടല്ല.

“ഒരു [യൂണി​വേ​ഴ്‌സി​ററി] ഡിഗ്രി മേലാൽ തൊഴിൽ മേഖല​യിൽ വിജയ​ത്തിന്‌ ഉറപ്പു നൽകു​ന്നില്ല,” എന്ന്‌ യു. എസ്‌. ഡിപ്പാർട്ടു​മെൻറ്‌ ഓഫ്‌ ലേബർ പറയുന്നു. “[യൂണി​വേ​ഴ്‌സി​ററി ഗ്രാ​ഡ്വേ​റ​റു​കളെ] പ്രൊ​ഫ​ഷനൽ, സാങ്കേ​തിക, മാനേ​ജ്‌മെൻറ്‌ ജോലി​ക​ളിൽ നിയമി​ക്കു​ന്ന​തി​ന്റെ അനുപാ​തം . . . കുറഞ്ഞു, എന്തു​കൊ​ണ്ടെ​ന്നാൽ വർദ്ധി​ച്ചു​വ​രുന്ന ഗ്രാ​ഡ്വേ​റ​റു​കളെ സ്വീക​രി​ക്കാൻ തക്കവണ്ണം വേഗത്തിൽ ഈ ജോലി​സാ​ദ്ധ്യ​തകൾ വികസി​ച്ചില്ല. അതിന്റെ ഫലമായി ഏകദേ​ശ​ക്ക​ണ​ക്ക​നു​സ​രിച്ച്‌, 1970നും 1984നും ഇടക്ക്‌ തൊഴിൽമേ​ഖ​ല​യിൽ ഒരു ജോലി​യിൽ പ്രവേ​ശിച്ച [യൂണി​വേ​ഴ്‌സി​ററി] ഗ്രാ​ഡ്വേ​റ​റു​ക​ളിൽ 5-ൽ 1 സാധാ​ര​ണ​യാ​യി ഒരു ഡിഗ്രി ആവശ്യ​മി​ല്ലാഞ്ഞ ജോലി​യാണ്‌ സ്വീക​രി​ച്ചത്‌. ഗ്രാ​ഡ്വേ​റ​റു​ക​ളു​ടെ ഈ അമിത വർദ്ധനവ്‌ 1990-കളുടെ മദ്ധ്യത്തി​ലും തുടരാ​നാണ്‌ സാദ്ധ്യത.”

പരിഗ​ണി​ക്കു​ന്ന​തി​നുള്ള കൂടു​ത​ലായ വസ്‌തു​ത​കൾ

ഒരു യൂണി​വേ​ഴ്‌സി​ററി ഡിഗ്രി നിങ്ങളു​ടെ ജോലി​സാ​ധ്യ​തയെ വർദ്ധി​പ്പി​ക്കു​ക​യൊ വർദ്ധി​പ്പി​ക്കാ​തി​രി​ക്ക​യൊ ചെയ്‌തേ​ക്കാം. എന്നാൽ ഒരു വസ്‌തുത അവിതർക്കി​ത​മാണ്‌: “ശേഷി​ച്ചി​രി​ക്കുന്ന സമയം ചുരു​ങ്ങി​യി​രി​ക്കു​ന്നു”! (1 കൊരി​ന്ത്യർ 7:29) സാങ്കൽപ്പിക പ്രയോ​ജ​ന​ങ്ങ​ളെ​ല്ലാ​മു​ണ്ടാ​യാ​ലും, ഒരു യൂണി​വേ​ഴ്‌സി​റ​റി​യി​ലെ നാലോ അധിക​മോ വർഷമാ​ണോ ശേഷി​ച്ചി​രി​ക്കുന്ന സമയത്തി​ന്റെ ഏററവും മെച്ചമായ ഉപയോ​ഗം?—എഫേസ്യർ 5:16.

ഒരു യൂണി​വേ​ഴ്‌സി​ററി വിദ്യാ​ഭ്യാ​സം നിങ്ങളു​ടെ ആത്മീയ ലാക്കു​ക​ളി​ലേക്ക്‌ അല്ലെങ്കിൽ അതിൽനിന്ന്‌ ദൂര​ത്തേക്ക്‌ നിങ്ങളെ നയിക്കു​മോ? ഒരു ഉയർന്ന വരുമാ​നമല്ല ഒരു ക്രിസ്‌തീയ മുൻഗണന എന്ന്‌ ഓർമ്മി​ക്കുക. (1 തിമൊ​ഥെ​യോസ്‌ 6:7, 8) എന്നിരു​ന്നാ​ലും, യു. എസ്സ്‌. യൂണി​വേ​ഴ്‌സി​ററി കാര്യ​നിർവാ​ഹ​ക​രു​ടെ ഒരു സർവേ ഇന്നത്തെ വിദ്യാർത്ഥി​കളെ ‘തൊഴി​ലുൻമുഖ പരിഗ​ണ​ന​യു​ള്ളവർ, ഭൗതിക വിജയ​ത്തിൽ തല്‌പരർ, സ്വാർത്ഥ പരിഗ​ണ​ന​യു​ള്ളവർ’ എന്ന്‌ വർണ്ണിച്ചു. ഒരു കൂട്ടം വിദ്യാർത്ഥി​കൾ ഇപ്രകാ​രം പറഞ്ഞു: “നാം പറയു​ന്ന​തെ​ല്ലാം പണത്തെ​ക്കു​റി​ച്ചാ​ണെന്ന്‌ തോന്നു​ന്നു.” തീവ്ര​മായ മത്‌സ​ര​ത്തി​ന്റെ​യും സ്വാർത്ഥ​ഭൗ​തി​ക​ത്വ​ത്തി​ന്റെ​യും ഒരു അന്തരീ​ക്ഷ​ത്തിൽ നിമജ്ജി​ത​രാ​കു​ന്നത്‌ നിങ്ങളെ എങ്ങനെ ബാധി​ക്കും?

യൂണി​വേ​ഴ്‌സി​റ​റി​ക​ളിൽ മേലാൽ 1960കളിലെ വിപ്ല​വോ​ത്സുക രംഗങ്ങൾ ഉണ്ടായി​രി​ക്ക​യി​ല്ലാ​യി​രി​ക്കാം. എന്നാൽ കലാല​യ​ങ്ങ​ളി​ലെ കലങ്ങി​മ​റിഞ്ഞ രംഗത്തി​ന്റെ ഒരു ശാന്തത കാമ്പസ്‌ അന്തരീക്ഷം ആരോ​ഗ്യാ​വ​ഹ​മാ​ണെന്ന്‌ അർത്ഥമാ​ക്കു​ന്നില്ല. കാമ്പസ്‌ജീ​വി​ത​ത്തെ​ക്കു​റി​ച്ചുള്ള ഒരു പഠനം ഇങ്ങനെ നിഗമനം ചെയ്‌തു: “വിദ്യാർത്ഥി​കൾക്ക്‌ ഇപ്പോ​ഴും വ്യക്തി​പ​ര​വും സാമൂ​ഹി​ക​വു​മായ കാര്യ​ങ്ങ​ളിൽ മിക്കവാ​റും അപരി​മി​ത​മായ സ്വാത​ന്ത്ര്യം ഉണ്ട്‌.” മയക്കു​മ​രു​ന്നു​ക​ളും മദ്യവും സ്വത​ന്ത്ര​മാ​യി ഉപയോ​ഗി​ക്ക​പ്പെ​ടു​ന്നു, ക്രമവി​രുദ്ധ ലൈം​ഗി​കത ചട്ടമാണ്‌—അപവാ​ദമല്ല. നിങ്ങളു​ടെ കലാല​യ​ങ്ങ​ളിൽ ഇതു സത്യമാ​ണെ​ങ്കിൽ അവിടത്തെ ജീവിതം ധാർമ്മി​ക​മാ​യി ശുദ്ധി​യു​ള്ള​വ​രാ​യി നില​കൊ​ള്ളു​ന്ന​തി​നുള്ള നിങ്ങളു​ടെ പരി​ശ്ര​മ​ങ്ങളെ പരാജ​യ​പ്പെ​ടു​ത്തു​ക​യി​ല്ലേ?—1 കൊരി​ന്ത്യർ 6:18.

മറെറാ​രു ഉൽക്കണ്‌ഠ ഉന്നതവി​ദ്യാ​ഭ്യാ​സ​വും “മുഖ്യ മതവി​ശ്വാ​സ​ങ്ങ​ളോ​ടുള്ള പററി​നിൽപ്പി”ലെ കുറവും തമ്മിലുള്ള ബന്ധത്തിന്റെ നല്ല തെളി​വാണ്‌.” (ദി സേക്രട്ട ഇൻ എ സെകുലർ ഏയജ) ഉയർന്ന ഗ്രേഡു​കൾ സമ്പാദി​ക്കു​ന്ന​തി​നുള്ള സമ്മർദ്ദം ചില ക്രിസ്‌തീയ യുവാക്കൾ ആത്മീയ പ്രവർത്ത​നങ്ങൾ അവഗണി​ക്കു​ന്ന​തി​നി​ട​യാ​ക്കി​യി​രി​ക്കു​ന്നു, ആ വിധത്തിൽ കലാശാ​ലകൾ പ്രോ​ത്സാ​ഹി​പ്പി​ക്കുന്ന ലൗകിക ചിന്തയു​ടെ കടന്നാ​ക്ര​മ​ണത്തെ ചെറു​ത്തു​നിൽക്കാൻ കഴിയാ​ത്ത​വ​രാ​യി​ത്തീ​രു​ക​യും ചെയ്‌തി​രി​ക്കു​ന്നു. ചിലർക്ക്‌ തങ്ങളുടെ വിശ്വാ​സ​ത്തി​ന്റെ കപ്പൽചേതം സംഭവി​ച്ചി​രി​ക്കു​ന്നു.—കൊ​ലോ​സ്യർ 2:8.

കലാലയ വിദ്യാ​ഭ്യാ​സ​ത്തി​ന്റെ പകരങ്ങൾ

ഈ വസ്‌തു​ത​ക​ളു​ടെ വീക്ഷണ​ത്തിൽ അനേകം ക്രിസ്‌തീയ യുവാക്കൾ ഒരു യൂണി​വേ​ഴ്‌സി​ററി വിദ്യാ​ഭ്യാ​സം വേണ്ടെന്നു വെച്ചി​രി​ക്കു​ന്നു. യഹോ​വ​യു​ടെ സാക്ഷി​ക​ളു​ടെ സഭകളിൽ നൽക​പ്പെ​ടുന്ന പരിശീ​ലനം—പ്രത്യേ​കിച്ച്‌ പ്രതി​വാര ദിവ്യാ​ധി​പത്യ ശുശ്രൂ​ഷാ​സ്‌കൂൾ—തങ്ങൾക്ക്‌ തൊഴിൽ കണ്ടെത്തു​ന്ന​തിന്‌ ഒരു യഥാർത്ഥ ആനുകൂ​ല്യം നൽകി​യി​രി​ക്കു​ന്നു​വെന്ന്‌ അനേകർ കണ്ടെത്തി​യി​രി​ക്കു​ന്നു. ഒരു കലാലയ ഡിഗ്രി നേടു​ന്നി​ല്ലെ​ങ്കി​ലും അത്തരം യുവാക്കൾ സമചിത്തത നേടു​ന്ന​തി​നും സംസാ​ര​ചാ​തു​ര്യം ആർജ്ജി​ക്കു​ന്ന​തി​നും പഠിച്ചി​രി​ക്കു​ന്നു, ഉത്തരവാ​ദി​ത്വ​ങ്ങൾ നിർവ​ഹി​ക്കാൻ പൂർണ്ണ​മാ​യും പ്രാപ്‌ത​രു​മാണ്‌. അതുകൂ​ടാ​തെ, ചിലർ സെക്കണ്ടറി സ്‌കൂ​ളി​ലാ​യി​രി​ക്കു​മ്പോൾ ടൈപ്പിംഗ്‌, കമ്പ്യൂട്ടർ പ്രോ​ഗ്രാ​മിംഗ്‌, ആട്ടോ റിപ്പയ​റിംഗ്‌, മെഷീൻഷോപ്പ്‌ വർക്ക്‌ മുതലായ കോഴ്‌സു​കൾ എടുക്കു​ന്നു. അത്തരം വൈദ​ഗ്‌ദ്ധ്യ​ങ്ങൾ അംശകാ​ല​ജോ​ലി​കൾക്ക്‌ സഹായ​ക​മാ​യി​രി​ക്കാം, മിക്ക​പ്പോ​ഴും അവയുടെ ഉയർന്ന ആവശ്യ​വു​മുണ്ട്‌. അനേകം ചെറു​പ്പ​ക്കാർ ‘തങ്ങളുടെ കൈകൾകൊണ്ട്‌ വേല ചെയ്യു​ന്ന​തി​നെ’ അവജ്ഞ​യോ​ടെ വീക്ഷി​ക്കു​ന്നെ​ങ്കി​ലും ബൈബിൾ “കഠിന​വേല” ചെയ്യു​ന്ന​തി​നെ മാന്യ​മാ​യി കരുതു​ന്നു. (എഫേസ്യർ 4:28) എന്തിന്‌ യേശു​ക്രി​സ്‌തു​തന്നെ ഒരു തൊഴിൽ വളരെ നന്നായി പഠിച്ച​തു​കൊണ്ട്‌ അവൻ “ഒരു തച്ചൻ” എന്നു വിളി​ക്ക​പ്പെട്ടു!—മർക്കോസ്‌ 6:3.

ചില രാജ്യ​ങ്ങ​ളിൽ യൂണി​വേ​ഴ്‌സി​ററി ഗ്രാ​ഡ്വേ​റ​റു​കൾ തൊഴിൽരം​ഗത്ത്‌ വളരെ പെരു​കി​യി​രി​ക്കു​ന്ന​തി​നാൽ കൂടു​ത​ലായ പരിശീ​ല​ന​മി​ല്ലാ​തെ സാധാ​ര​ണ​ജോ​ലി​പോ​ലും ലഭിക്കു​ന്നത്‌ അസാധ്യ​മാ​യി​ത്തീർന്നി​രി​ക്കു​ന്നു എന്നത്‌ സത്യം തന്നെ. എന്നാൽ മിക്ക​പ്പോ​ഴും കുറഞ്ഞ സമയവും ചെലവും കൊണ്ട്‌ വിപണ​ന​സാ​ധ്യ​ത​യുള്ള വൈദ​ഗ്‌ദ്ധ്യ​ങ്ങൾ പഠിപ്പി​ക്കുന്ന അപ്രൻറി​സ്‌ഷിപ്പ്‌ പരിപാ​ടി​ക​ളും തൊഴിൽപ​ര​മൊ സാങ്കേ​തി​ക​മൊ ആയ സ്‌കൂ​ളു​ക​ളും ഹ്രസ്വ​കാല യൂണി​വേ​ഴ്‌സി​ററി കോഴ്‌സു​ക​ളും ഉണ്ട്‌. കൂടാതെ, തൊഴിൽ സംബന്ധിച്ച സ്ഥിതി​വി​വ​ര​ക്ക​ണ​ക്കു​കൾ കണക്കി​ലെ​ടു​ക്കാത്ത ഒരു വസ്‌തു​ത​യുണ്ട്‌: ആത്മീയ താൽപ്പ​ര്യ​ങ്ങൾക്ക്‌ മുൻഗണന കൊടു​ക്കു​ന്ന​വർക്കു​വേണ്ടി കരുതു​മെ​ന്നുള്ള ദൈവ​ത്തി​ന്റെ വാഗ്‌ദത്തം.—മത്തായി 6:33.

തൊഴിൽ സാദ്ധ്യ​ത​യും വിദ്യാ​ഭ്യാ​സ രീതി​ക​ളും വിവിധ സ്ഥലങ്ങളിൽ വ്യത്യ​സ്‌ത​ങ്ങ​ളാണ്‌. യുവാ​ക്കൾക്ക്‌ വിവിധ കഴിവു​ക​ളും ചായ്‌വു​ക​ളും ഉണ്ട്‌. ക്രിസ്‌തീയ ശുശ്രൂ​ഷ​യു​ടെ ഒരു ജീവി​ത​വൃ​ത്തി പ്രയോ​ജ​ന​പ്ര​ദ​മെന്ന്‌ ശുപാർശ​ചെ​യ്യു​മ്പോൾത്തന്നെ, അത്‌ വ്യക്തി​പ​ര​മായ തിര​ഞ്ഞെ​ടു​പ്പി​ന്റെ കാര്യ​മാണ്‌. നിങ്ങൾക്ക്‌ എത്രമാ​ത്രം വിദ്യാ​ഭ്യാ​സ​മാണ്‌ ഉചിത​മാ​യി​ട്ടു​ള്ള​തെന്ന്‌ തീരു​മാ​നി​ക്കു​ന്ന​തിന്‌ നിങ്ങളും നിങ്ങളു​ടെ മാതാ​പി​താ​ക്ക​ളും ചേർന്ന്‌ എല്ലാ വസ്‌തു​ത​ക​ളും ശ്രദ്ധാ​പൂർവം തൂക്കി​നോ​ക്കണം. അത്തരം തീരു​മാ​നങ്ങൾ ചെയ്യു​ന്ന​തിൽ ‘ഓരോ​രു​ത്ത​നും അവനവന്റെ ഭാരം വഹിക്കണം.’—ഗലാത്യർ 6:5.

ദൃഷ്‌ടാ​ന്ത​ത്തിന്‌, നിങ്ങളു​ടെ മാതാ​പി​താ​ക്കൾ നിങ്ങൾ ഒരു യൂണി​വേ​ഴ്‌സി​റ​റി​യിൽ പഠിക്ക​ണ​മെന്ന്‌ നിർബ​ന്ധി​ക്കു​ക​യാ​ണെ​ങ്കിൽ നിങ്ങൾ അവരുടെ മേൽനോ​ട്ട​ത്തിൻകീ​ഴിൽ ജീവി​ക്കു​ന്നി​ട​ത്തോ​ളം കാലം അവരെ അനുസ​രി​ക്കു​ക​യ​ല്ലാ​തെ മറെറാ​രു തെര​ഞ്ഞെ​ടു​പ്പില്ല.b (എഫേസ്യർ 6:1-3) ഒരുപക്ഷേ നിങ്ങൾക്ക്‌ വീട്ടിൽ തുടർന്നു പാർക്കു​ന്ന​തി​നും കലാലയ രംഗത്തി​ന്റെ പിടി​യിൽ അകപ്പെ​ടു​ന്നത്‌ ഒഴിവാ​ക്കു​ന്ന​തി​നും കഴിയും. നിങ്ങളു​ടെ കോഴ്‌സു​കൾ തെര​ഞ്ഞെ​ടു​ക്കു​ന്ന​തിൽ വിവേ​ച​ന​യു​ള്ള​വ​രാ​യി​രി​ക്കുക; ദൃഷ്‌ടാ​ന്ത​ത്തിന്‌, ലോക​ത​ത്വ​ജ്ഞാ​നങ്ങൾ പഠിക്കു​ന്ന​തി​നു പകരം തൊഴിൽ​വൈ​ദ​ഗ്‌ദ്ധ്യം നേടു​ന്ന​തിൽ കേന്ദ്രീ​ക​രി​ക്കുക. നിങ്ങളു​ടെ സഹവാ​സ​ങ്ങൾസം​ബ​ന്ധിച്ച്‌ ജാഗ്ര​ത​പു​ലർത്തുക. (1 കൊരി​ന്ത്യർ 15:33) മീററിംഗ്‌ ഹാജരി​നാ​ലും വയൽസേ​വ​ന​ത്താ​ലും വ്യക്തി​പ​ര​മായ പഠനത്താ​ലും നിങ്ങ​ളെ​ത്തന്നെ ആത്‌മീ​യ​മാ​യി ബലിഷ്‌ഠ​രാ​യി നിലനിർത്തുക. യൂണി​വേ​ഴ്‌സി​റ​റി​യിൽ സംബന്ധി​ക്കാൻ കടപ്പാ​ടു​ണ്ടാ​യി​രുന്ന ചില യുവാക്കൾ പയനി​യ​റിം​ഗി​നു സാദ്ധ്യ​മാ​ക്കി​ത്തീർത്ത കോഴ്‌സു​ക​ളു​ടെ ഒരു പട്ടിക തെര​ഞ്ഞെ​ടു​ത്തു​കൊണ്ട്‌ പയനി​യ​റിംഗ്‌ നടത്താൻ ക്രമീ​ക​രി​ച്ചു.

നിങ്ങൾക്കു വ്യക്തി​പ​ര​മായ സന്തോഷം കൈവ​രു​ത്തു​ന്ന​തി​നു മാത്രമല്ല ‘സ്വർഗ്ഗ​ത്തിൽ നിക്ഷേപം സ്വരൂ​പി​ക്കു​ന്ന​തി​നും’ സഹായ​ക​മായ വിധത്തിൽ നിങ്ങളു​ടെ ജീവി​ത​വൃ​ത്തി ശ്രദ്ധാ​പൂർവ​ക​വും പ്രാർത്ഥ​നാ​പൂർവ​ക​വും തെര​ഞ്ഞെ​ടു​ക്കുക.—മത്തായി 6:20. (g89 5/8)

[അടിക്കു​റി​പ്പു​കൾ]

[13-ാം പേജിലെ ആകർഷ​ക​വാ​ക്യം]

‘ഒരു യൂണി​വേ​ഴ്‌സി​ററി ഡിഗ്രി മേലാൽ തൊഴിൽ രംഗത്ത്‌ വിജയ​ത്തിന്‌ ഉറപ്പു നൽകു​ന്നില്ല.’—യു. എസ്സ്‌. ഡിപ്പാർട്ടു​മെൻറ്‌ ഓഫ്‌ ലേബർ