കൃത്രി​മ​ബു​ദ്ധി അതു ബുദ്ധി​യാ​ണോ?

മത്സരം രക്ഷമാ​യി​രു​ന്നു. ചെസ്‌ബോർഡിൽ നീക്കങ്ങ​ളാ​ലും എതിർനീ​ക്ക​ങ്ങ​ളാ​ലും എതിരാ​ളി​കൾ പോരാ​ടു​ക​യാ​യി​രു​ന്നു. എന്നാൽ അവർ സാധാരണ ചതുരം​ഗ​ക്ക​ളി​കാർ ആയിരു​ന്നില്ല. ഒരു പക്ഷത്ത്‌ വേൾഡ്‌ കമ്പ്യൂട്ടർ ചെസ്‌ചാ​മ്പ്യൻ ക്രേ ബ്ലിററ്‌സ്‌ ആയിരു​ന്നു. മറുപ​ക്ഷത്ത്‌ വെല്ലു​വി​ളി നടത്തുന്ന ഹൈ​റെ​റക്ക്‌ ആയിരു​ന്നു. ഇരുവ​രും പ്രത്യേ​കം പ്രോ​ഗ്രാം​ചെയ്‌ത, വ്യത്യസ്‌ത പ്രോ​ഗ്രാ​മ​നു​സ​രി​ച്ചു പ്രവർത്തി​ക്കുന്ന, സൂപ്പർക​മ്പ്യൂ​ട്ടർകൾ ആയിരു​ന്നു. ഉന്നത ചതുരം​ഗ​ക​ളി​ക്കാ​രൊ​ഴിച്ച്‌ എല്ലാവ​രെ​യും തോൽപ്പി​ക്കാൻ ശക്തമാ​യി​രു​ന്നു അവ. അവ വേൾഡ്‌ കമ്പ്യൂട്ടർ ചാമ്പ്യൻഷി​പ്പ്‌മാ​ച്ചിൽ ഏർപ്പെ​ട്ടി​രി​ക്കു​ക​യാ​യി​രു​ന്നു.

എല്ലാവ​രും പ്രതീ​ക്ഷി​ച്ചി​രു​ന്ന​തു​പോ​ലെ അന്തിമ റൗണ്ടിൽ ഹൈ​റെ​റക്ക്‌ മേൽകൈ നേടി. ജയിക്കു​ന്ന​തിന്‌ ഒരു കളികൂ​ടെ മതിയാ​യി​രു​ന്നു. എന്നാൽ എല്ലാവ​രെ​യും അതിശ​യി​പ്പി​ക്കു​മാറ്‌ ക്രേ ബ്ലിററ്‌സ്‌ ആസൂ​ത്ര​ണം​ചെ​യ്‌തു​കൊ​ണ്ടി​രുന്ന ഒരു തന്ത്രപ​ര​മായ നീക്കം കാണു​ന്ന​തിൽ ഹൈ​റെ​റക്ക്‌ പരാജ​യ​പ്പെട്ടു. പെട്ടെന്ന്‌ ക്രേ ബ്ലിററ്‌സ്‌ പിറകി​ലൂ​ടെ വന്ന്‌ ഹൈ​റെ​റ​ക്കി​നെ പരാജ​യ​പ്പെ​ടു​ത്തു​ക​യും അതിന്റെ വേൾഡ്‌ ചാമ്പ്യൻഷിപ്പ്‌ നിലനിർത്തു​ക​യും​ചെ​യ്‌തു!

ഇത്തരം കഥകൾ ചിലരെ അസ്വസ്ഥ​രാ​ക്കു​ന്നു. ചതുരം​ഗം കളിക്കു​ന്ന​തി​ലും വിഷമ​പ്ര​ശ്‌നങ്ങൾ പരിഹ​രി​ക്കു​ന്ന​തി​ലും അല്ലെങ്കിൽ കണക്കിന്റെ സിദ്ധാ​ന്തങ്ങൾ തെളി​യി​ക്കു​ന്ന​തി​ലും കമ്പ്യൂ​ട്ട​റു​കൾ മനുഷ്യ​നെ​ക്കാൾ മെച്ച​പ്പെ​ട്ടി​രി​ക്കു​ന്നു​വെ​ന്നും, കേൾക്കാ​നും കാണാ​നും സംസാ​രി​ക്കാ​നും​പോ​ലും കഴിയുന്ന റോ​ബോ​ട്ടു​ക​ളു​ണ്ടെ​ന്നും അല്ലെങ്കിൽ ചികിൽസ​ക്കോ രോഗ​നിർണ്ണ​യ​ത്തി​നോ ഡോക്ടർമാർ കമ്പ്യൂ​ട്ട​റു​ക​ളോട്‌ ആലോചന ചോദി​ക്കു​ന്നു​വെ​ന്നും മനസ്സി​ലാ​ക്കു​ന്നത്‌ ഒരു വിധത്തിൽ അധൈ​ര്യ​പ്പെ​ടു​ത്തു​ന്ന​താണ്‌. ശാസ്‌ത്ര​ഭാ​വന സത്യമാ​യി ഭവിക്കു​ക​യാ​ണോ? കമ്പ്യൂ​ട്ട​റു​കൾ പെട്ടെന്ന്‌ ലോക​ത്തി​ന്റെ യജമാ​നൻമാ​രാ​ക​ത്ത​ക്ക​വണ്ണം അവ അത്ര സമർത്ഥ​രാ​യി​ത്തീർന്നി​രി​ക്കു​ന്നു​വോ?

നാം സാധാരണ ഗതിയിൽ പ്രശ്‌ന പരിഹാ​ര​വും ഭാഷയു​ടെ ഉപയോ​ഗ​വും പോ​ലെ​യുള്ള പ്രവർത്ത​നങ്ങൾ ബുദ്ധി​യോ​ടു ബന്ധപ്പെ​ടു​ത്തു​ന്ന​തി​നാൽ അങ്ങനെ​യുള്ള ആശങ്കകൾ നീതീ​ക​രി​ക്ക​പ്പെ​ടു​ന്നു. ഈ കാര്യങ്ങൾ യന്ത്രങ്ങൾ—കമ്പ്യൂ​ട്ട​റു​കൾ പോലും—ചെയ്യാൻ നാം പ്രതീ​ക്ഷി​ക്കു​ന്നില്ല, എന്തു​കൊ​ണ്ടെ​ന്നാൽ സാധാരണ കമ്പ്യൂ​ട്ട​റു​കൾ ആജ്ഞക​ളോ​ടു പ്രതി​ക​രി​ക്കുന്ന ഹൈ സ്‌പീഡ്‌ ഇൻഫർമേഷൻ പ്രോ​സ​സ​റു​ക​ള​ല്ലാ​തെ മറെറാ​ന്നു​മല്ല. എന്നാൽ ഹൈ​റെ​റ​ക്കും ക്രേ ബ്ലിററ്‌സും പോ​ലെ​യുള്ള കമ്പ്യൂ​ട്ട​റു​കൾ അശേഷം സാധാ​ര​ണയല്ല. അത്തരം കമ്പ്യൂ​ട്ടർപ​ദ്ധ​തി​ക​ളെ​ക്കൊ​ണ്ടു ചെയ്യി​ക്കാൻ ശാസ്‌ത്ര​ജ്ഞൻമാർ ശ്രമി​ക്കു​ന്ന​തി​നെ വർണ്ണി​ക്കാൻ അവർ “ആർട്ടി​ഫി​ഷ്യൽ ഇൻറലി​ജൻസ്‌” അല്ലെങ്കിൽ എ.ഐ. (കൃത്രി​മ​ബു​ദ്ധി) എന്ന പദം ഉണ്ടാക്കി​യി​രി​ക്കു​ന്നു. ഈ യന്ത്രങ്ങ​ളേ​സം​ബ​ന്ധി​ച്ചു അവർ നടത്തി​യി​രി​ക്കുന്ന അവകാ​ശ​വാ​ദ​ങ്ങ​ളും പ്രവച​ന​ങ്ങ​ളും അസ്വസ്ഥ​തക്കു ശമനം വരുത്താൻ സഹായി​ച്ചി​ട്ടില്ല.

ഇപ്പോൾ നോബേൽ സമ്മാനം നേടി​യി​ട്ടുള്ള ഹേർബർട്ട്‌ സൈമൻ 1987ൽ ഇങ്ങനെ മുൻകൂ​ട്ടി​പ്പ​റഞ്ഞു: “10 വർഷത്തി​നു​ള്ളിൽ ഒരു ഡിജി​ററൽ കമ്പ്യൂട്ടർ ലോക​ത്തി​ലെ ചതുരം​ഗ​ചാ​മ്പ്യ​നാ​യി​രി​ക്കും.” കുറേ​ക്കൂ​ടെ അടുത്ത കാലത്ത്‌, റോഡ്‌ അയലണ്ട്‌, പ്രോ​വി​ഡൻസി​ലുള്ള ബ്രൗൺ യൂണി​വേ​ഴ്‌സി​റ​റി​യി​ലെ കമ്പ്യൂ​ട്ടർശാ​സ്‌ത്ര​ജ്ഞ​നായ ഹാർവി സിൽവെർമാൻ “ചുരുക്കം ചില വർഷങ്ങൾകൊണ്ട്‌ 5000 വാക്കു​ക​ളു​ടെ പദസമ്പ​ത്തു​ള്ള​തും ലളിത​മായ ഇംഗ്ലീ​ഷി​ലുള്ള മിക്ക സംഭാ​ഷ​ണ​ങ്ങ​ളും മനസ്സി​ലാ​കു​ന്ന​തു​മായ ഒരു [കമ്പ്യൂട്ടർ] വികസി​പ്പി​ച്ചെ​ടു​ക്കാ​മെന്ന്‌ ഞങ്ങൾ പ്രതീ​ക്ഷി​ക്കു​ന്നു”വെന്ന്‌ അവകാ​ശ​പ്പെട്ടു. യഥാർത്ഥ​ത്തിൽ മനുഷ്യ മനസ്സ്‌ ലുപ്‌ത​പ്ര​യോ​ഗ​മാ​യി​ത്തീ​രു​കയാ​ണോ?

കൃത്രി​മ​ബു​ദ്ധി എന്താണ്‌?

ന്യായ​വാ​ദം​ചെ​യ്യുക, ഗ്രഹി​ക്കുക, അർത്ഥം കണ്ടുപി​ടി​ക്കുക, അപരി​ചി​ത​സാ​ഹ​ച​ര്യ​ങ്ങ​ളോട്‌ ഇടപെ​ടുക, തീരു​മാ​നങ്ങൾ ചെയ്യുക—മനുഷ്യ​മ​ന​സ്സി​നോട്‌ സാധാരണ ബന്ധപ്പെ​ട്ടി​രി​ക്കുന്ന കാര്യ​ങ്ങ​ളാ​ണിവ. ഇവയും മററ​നേകം ജോലി​ക​ളും ചെയ്യാ​നുള്ള പ്രാപ്‌തി​യാണ്‌ ബുദ്ധി. 17-ാം നൂററാ​ണ്ടു മുതൽ കണക്കു​സം​ബ​ന്ധ​വും യുക്തി​പ​ര​വു​മായ പ്രശ്‌നങ്ങൾ പരിഹ​രി​ക്കാൻ കഴിയുന്ന ഒരു “ചിന്തി​ക്കുന്ന യന്ത്ര”ത്തെക്കു​റിച്ച്‌ ശാസ്‌ത്ര​ജ്ഞൻമാർ സ്വപ്‌നം കാണു​ക​യാ​യി​രു​ന്നു. എന്നിരു​ന്നാ​ലും, 1950കളുടെ മദ്ധ്യത്തിൽ ഇലക്‌​ട്രോ​ണിക്ക്‌ കമ്പ്യൂ​ട്ട​റു​ക​ളു​ടെ ആഗമനം​വരെ സ്വപ്‌നം യാഥാർത്ഥ്യ​മാ​യി​ത്തു​ട​ങ്ങി​യി​രു​ന്നില്ല.

വലിയ അളവിൽ വിവരങ്ങൾ വളരെ വേഗത്തിൽ സംഭരി​ക്കാ​നും വീണ്ടെ​ടു​ക്കാ​നും കൈകാ​ര്യം​ചെ​യ്യാ​നു​മുള്ള കമ്പ്യൂ​ട്ട​റി​ന്റെ പ്രാപ്‌തി നമ്മിൽ മിക്കവർക്കും പരിചി​ത​മാണ്‌. ഇതു നിമിത്തം അക്കൗണ്ടിം​ഗി​നും ബുക്ക്‌കീ​പ്പിം​ഗി​നും കമ്പ്യൂ​ട്ട​റു​കൾ ഉപയോ​ഗി​ക്കു​ന്നു; ഫയലു​ക​ളും കാററ​ലോ​ഗു​ക​ളും മററും കൈകാ​ര്യം​ചെ​യ്യു​ന്ന​തിന്‌ കമ്പ്യൂ​ട്ട​റു​കൾ ഉപയോ​ഗി​ക്കു​ന്നു. ഈ പ്രവർത്ത​ന​ങ്ങ​ളി​ലെ​ല്ലാം അസംസ്‌കൃത ദത്തം കമ്പ്യൂ​ട്ട​റി​ന്റെ സ്‌മൃ​തി​യി​ലേക്കു പ്രവേ​ശി​പ്പി​ക്കു​ന്നു, ഈ ദത്തം സംബന്ധിച്ച്‌ എന്തു ചെയ്യണ​മെ​ന്നുള്ള ഒരു പററം നിർദ്ദേ​ശങ്ങൾ അഥവാ പ്രോ​ഗ്രാം കമ്പ്യൂ​ട്ട​റി​നു കൊടു​ക്ക​പ്പെ​ടു​ന്നു. ദൃഷ്ടാ​ന്ത​മാ​യി, അക്കൗണ്ടിം​ഗി​നു​പ​യോ​ഗി​ക്ക​പ്പെ​ടുന്ന ഒരു കമ്പ്യൂ​ട്ട​റിൽ മാസാ​വ​സാ​നം സകല അക്കൗണ്ടു​കൾക്കും ബില്ലു​ക​ളും തിരട്ടു​ക​ളും ഹാജരാ​ക്കു​ന്ന​തിന്‌ സകല വിവര​ങ്ങ​ളും സംസാ​ധ​നം​ചെ​യ്യാൻ യന്ത്രം പ്രോ​ഗ്രാം​ചെ​യ്യ​പ്പെ​ട്ടി​രി​ക്കും.

തീർച്ച​യാ​യും, വർണ്ണി​ക്ക​പ്പെ​ട്ടി​രി​ക്കുന്ന തരം ജോലി ചെയ്യു​ന്ന​തിന്‌ ഒരു തരം ബുദ്ധി ആവശ്യ​മാണ്‌. എന്നിരു​ന്നാ​ലും, അത്തരം സിസ്‌റ​റങ്ങൾ ജോലി പൂർത്തി​യാ​കു​ന്ന​തു​വരെ മനുഷ്യ​നിർദ്ദി​ഷ്ട​മായ, മുൻ നിർണ്ണ​യി​ക്ക​പ്പെട്ട ഒരു പററം നടപടി​കൾ അനുസ​രി​ക്കു​ക​മാ​ത്രമേ ചെയ്യു​ന്നു​ള്ളു. പ്രവർത്ത​ന​സ​മ​യത്ത്‌ എന്തെങ്കി​ലും ഇല്ലാ​തെ​വ​രു​ക​യോ തെററി​പ്പോ​കു​ക​യോ ചെയ്‌താൽ യന്ത്രം നിൽക്കു​ക​യും മാനുഷ ഓപ്പ​റേ​റ​റ​റിൽനി​ന്നുള്ള കൂടു​ത​ലായ നിർദ്ദേ​ശ​ങ്ങൾക്കു കാത്തി​രി​ക്കു​ക​യും ചെയ്യുന്നു. അത്തരം യന്ത്രങ്ങൾ കാര്യ​ക്ഷ​മ​മാ​ണെന്ന്‌ പറയാൻക​ഴി​യും, എന്നാൽ അശേഷം ബുദ്ധി​യു​ള്ളതല്ല. എന്നിരു​ന്നാ​ലും കൃത്രി​മ​ബു​ദ്ധി​യുള്ള കമ്പ്യൂ​ട്ട​റു​കൾ ഒരു വ്യത്യ​സ്‌ത​ജാ​തി​യിൽ പെട്ടതാ​യി​രി​ക്കും.

അടിസ്ഥാ​ന​പ​ര​മാ​യി, കൃത്രി​മ​ബു​ദ്ധി ഒരു മനുഷ്യൻ ചെയ്യു​ന്ന​തു​പോ​ലെ സ്വന്തമാ​യി പ്രശ്‌നങ്ങൾ പരിഹ​രി​ക്കാൻ ഒരു കമ്പ്യൂ​ട്ട​റി​നു സാദ്ധ്യ​മാ​ക്കാൻ ശ്രമി​ക്കുന്ന ഒരു പററം നിർദ്ദേ​ശ​ങ്ങ​ളോ പ്രോ​ഗ്രാ​മു​ക​ളോ ആണ്‌. ഒരു സമീപ​ന​ത്തിൽ പടിപ​ടി​യാ​യുള്ള ഒരു നിർദ്ദിഷ്ട നടപടി പിൻപ​റ​റു​ന്ന​തി​നു പകരം കമ്പൂട്ടർ പരിക്ഷ​ണ​നി​രീ​ക്ഷ​ണ​ങ്ങ​ളി​ലൂ​ടെ പ്രശ്‌നം പരിഹ​രി​ക്കു​ന്നു. ഓരോ പരീക്ഷ​ണ​ത്തി​ന്റെ​യും ഫലം വിശക​ല​നം​ചെ​യ്യു​ക​യും അടുത്ത പരീക്ഷ​ണ​ത്തി​ന്റെ അടിസ്ഥാ​ന​മാ​യി ഉപയോ​ഗി​ക്കു​ക​യും​ചെ​യ്യു​ന്നു

തത്വം അതിൽത്തന്നെ ലളിത​മെന്നു തോന്നി​യേ​ക്കാം, എന്നാൽ അത്‌ യഥാർത്ഥ ജീവി​ത​സാ​ഹ​ച​ര്യ​ങ്ങൾക്ക്‌ പ്രയോ​ഗി​ക്ക​പ്പെ​ടു​മ്പോൾ കാര്യങ്ങൾ വളരെ സമ്മി​ശ്ര​മാ​യി​ത്തീർന്നേ​ക്കാം. എന്തു​കൊണ്ട്‌? യഥാർത്ഥ ജീവി​ത​ത്തിൽ ഉവ്വ്‌, ഇല്ല, എന്നതു​പോ​ലെ​യോ വെളു​ത്ത​തും കറുത്ത​തും​പോ​ലെ​യോ അധികം കാര്യങ്ങൾ ലളിത​മാ​യി​രി​ക്കു​ന്നില്ല. എന്നാൽ, എല്ലാം അർത്ഥവ്യാ​പ്‌തി​ക​ളും തന്ത്രപ​ര​മായ സൂചന​ക​ളും നിറഞ്ഞ​താണ്‌. ദൃഷ്ടന്ത​മാ​യി, ഒരു പ്രത്യേക ചികിൽസാ​ന​ട​പടി ആറു വയസ്സദിൽ കൂടി​യ​വർക്കു​മാ​ത്രം ശുപാർശ​ചെ​യ്യേ​ണ്ട​താ​ണെ​ങ്കിൽ അഞ്ചു വയസ്സും പത്തു മാസവും പ്രായ​മുള്ള ഒരു കുട്ടിയെ സംബന്ധി​ച്ചെന്ത്‌? അത്തരം തീരു​മാ​നങ്ങൾ ഇപ്പോ​ഴത്തെ കമ്പ്യൂ​ട്ട​റു​കൾക്ക്‌ കൈകാ​ര്യം​ചെ​യ്യാ​വു​ന്ന​തിന്‌ വളരെ അതീത​മാണ്‌. എന്നിരു​ന്നാ​ലും പ്രയോ​ഗ​മ​ണ്ഡലം പരിമി​ത​പ്പെ​ടു​ത്തു​ക​യാ​ണെ​ങ്കിൽ എ.ഐ. വിജയ​പ്ര​ദ​മാ​യി ബാധക​മാ​ക്കാൻ കഴിയും.

ദൃഷ്ടാ​ന്ത​മാ​യി, കൃത്രി​മ​ബു​ദ്ധി​യാൽ സായു​ധ​നാ​യി​രുന്ന ഹൈ​റെ​റ​ക്കിന്‌ തനിച്ച്‌, ബാഹ്യ​മായ എന്തെങ്കി​ലും മാനുഷ മാർഗ്ഗ​നിർദ്ദേ​ശ​മോ ഇടപെ​ട​ലോ കൂടാതെ മെച്ചപ്പെട്ട ചില ചെസ്‌ കളികാ​രെ തോൽപ്പി​ക്കാൻക​ഴി​ഞ്ഞു. എങ്ങനെ​യാണ്‌ കമ്പ്യൂട്ടർ ഇതു ചെയ്യു​ന്നത്‌? കമ്പ്യൂട്ടർ ശ്രദ്ധാ​പൂർവം എതിരാ​ളി​ക​ളു​ടെ നീക്കങ്ങളെ പരി​ശോ​ധി​ക്കു​ക​യും നേട്ടത്തി​നുള്ള എതിരാ​ളി​യു​ടെ സാദ്ധ്യ​തയെ കുറക്ക​ത്ത​ക്ക​വണ്ണം എതിർ നീക്കങ്ങൾ നടത്താൻ അതിന്റെ സ്‌മൃ​തി​യി​ലുള്ള ആയിര​ക്ക​ണ​ക്കിന്‌ സ്ഥാനങ്ങ​ളിൽ പരി​ശോ​ധന നടത്തു​ക​യും ചെയ്യുന്നു. ഇതു ചെയ്യു​ന്ന​തിന്‌ അത്‌ ഓരോ സെക്കണ്ടി​ലും 1,75,000 ചെസ്‌ സ്ഥാനങ്ങൾ പരി​ശോ​ധി​ക്കു​ന്നു, അല്ലെങ്കിൽ, ശരിയായ നീക്കം​ന​ട​ത്തു​ന്ന​തിന്‌ അത്‌ സാധാരണ എടുക്കുന്ന മൂന്ന്‌ മിനി​റ​റു​കൊണ്ട്‌ 3 കോടി​യിൽപരം സ്ഥാനങ്ങൾ പരി​ശോ​ധി​ക്കു​ന്നു.

എ.ഐ പ്രവർത്ത​ന​ത്തിൽ

ഹൈ​റെ​റക്ക്‌ ചതുരം​ഗ​ത്തിൽ വിദഗ്‌ദ്ധ​മാ​ണെ​ങ്കി​ലും അത്‌ മററു കളിക​ളി​ലോ ജോലി​യി​ലോ തികച്ചും നിസ്സഹാ​യ​മാണ്‌. കാരണം ചതുരം​ഗം കളിക്കാൻ മാത്ര​മാണ്‌ ഹൈ​റെ​റക്ക്‌ ആസൂ​ത്ര​ണം​ചെ​യ്യ​പ്പെ​ട്ടി​രി​ക്കു​ന്നത്‌. അതിന്റെ സ്‌മൃ​തി​യിൽ ചതുരം​ഗം​ക​ളി​യി​ലെ നീക്കങ്ങളെ സംബന്ധി​ച്ചുള്ള ധാരാളം വിവര​ങ്ങ​ളും ഒരു യുക്തി​പൂർവ​ക​മായ രീതി​യിൽ “ചിന്തി​ക്കാൻ” അതിനെ പ്രാപ്‌ത​മാ​ക്കുന്ന പടിപ​ടി​യാ​യുള്ള നിർദ്ദേ​ശ​ങ്ങ​ളും സംഭരി​ക്ക​പ്പെ​ട്ടി​രി​ക്കു​ന്നു. മററു വാക്കു​ക്ക​ളിൽ പറഞ്ഞാൽ, ചതുരം​ഗം​ക​ളി​യെ സംബന്ധി​ച്ച​ട​ത്തോ​ളം ഹൈ​റെ​റക്ക്‌ ഒരു വിദഗ്‌ദ്ധ​നാണ്‌. അതാണ്‌ കമ്പ്യൂട്ടർ ശാസ്‌ത്ര​ജ്ഞൻമാർ ഹൈ​റെ​റ​ക്ക്‌പോ​ലെ​യുള്ള സംവി​ധാ​ന​ങ്ങളെ വിളി​ക്കു​ന്നത്‌—വിദഗ്‌ദ്ധ സിസ്‌റ​റംസ്‌.

ഒരു വിദഗ്‌ദ്ധ​സി​സ്‌ററം അടിസ്ഥാ​ന​പ​ര​മാ​യി ഒരു പ്രത്യേക മണ്ഡലത്തിൽ വിപു​ല​മായ വിവര​ങ്ങ​ളു​ടെ ശേഖരം സംഭരി​ച്ചി​ട്ടുള്ള ഒരു കമ്പ്യൂ​ട്ട​റാണ്‌. ഒപ്പം ഏററവും കുറഞ്ഞ സമയം​കൊ​ണ്ടും ശ്രമം​കൊ​ണ്ടും ഉപയോ​ക്താ​വി​നെ അയാൾക്കാ​വ​ശ്യ​മുള്ള കൃത്യ​മായ വിവര​ത്തി​ലേക്കു നയിക്ക​ത്ത​ക്ക​വണ്ണം അതു പ്രോ​ഗ്രാം​ചെ​യ്യ​പ്പെ​ട്ടി​രി​ക്കു​ക​യും ചെയ്യുന്നു. അതു മിക്ക​പ്പോ​ഴും ഇതു ചെയ്യു​ന്നത്‌ എങ്കിൽ നിയമ​ങ്ങ​ളു​ടെ ഒരു സംഹി​ത​മു​ഖാ​ന്ത​ര​മാണ്‌. ഒരു അവസ്ഥ സത്യം ആണ്‌ എങ്കിൽ അപ്പോൾ ഒരു പ്രത്യേ​ക​പ്ര​വർത്തനം നടക്കും. ഉപയോ​ക്താവ്‌ ഒരു കീബോർഡും വീഡി​യോ സ്‌ക്രീ​നും അല്ലെങ്കിൽ മറെറ​ന്തെ​ങ്കി​ലും സംവി​ധാ​ന​വും മുഖേന വിദഗ്‌ദ്ധ സിസ്‌റ​റ​വു​മാ​യി ആശയവി​നി​യമം നടത്തുന്നു. വിവര​ങ്ങ​ളു​ടെ സംഭര​ണി​യും എങ്കിൽ പ്രകി​യ​യും അത്തരം വിദഗ്‌ദ്ധ​സി​സ്‌റ​റ​ങ്ങൾക്ക്‌ ബുദ്ധി​യു​ടെ പ്രതീതി കൈവ​രു​ത്തു​ന്നു—കൃത്രിമ ബുദ്ധി​യു​ടെ​തന്നെ.

ഇക്കാലത്ത്‌, മെഡി​സി​ന്റെ​യും കമ്പ്യൂട്ടർ ഡി​സൈ​നി​ന്റെ​യും ധാതു​ക്ക​ളു​ടെ കണ്ടുപി​ടു​ത്ത​ത്തി​ന്റെ​യും അക്കൗണ്ടിം​ഗി​ന്റെ​യും ഇൻവെ​സ്‌റ​റ്‌മെൻറ്‌ മാനേ​ജ്‌മെൻറി​ന്റെ​യും ശൂന്യാ​കാ​ശ​യാ​ത്ര​യു​ടെ​യും മററും വിവിധ വശങ്ങളിൽ വിദഗ്‌ദ്ധ​സി​സ്‌റ​റങ്ങൾ ഉപയോ​ഗി​ക്ക​പ്പെ​ടു​ന്നുണ്ട്‌. ഏതെങ്കി​ലും ഒരു എങ്കിൽ സാഹച​ര്യ​ത്തെയല്ല, മനുഷ്യ​മ​നസ്സു ചെയ്യു​ന്ന​തു​പോ​ലെ അത്തരം അനേകം പ്രവർത്ത​ന​ങ്ങളെ ഒരേ സമയത്ത്‌ കൈകാ​ര്യം​ചെ​യ്യാൻ കഴിയുന്ന വിദഗ്‌ദ്ധ​സി​സ്‌റ​റ​ങ്ങ​ളി​ലാണ്‌ കമ്പ്യൂ​ട്ടർശാ​സ്‌ത്ര​ജ്ഞൻമാർ പണി​യെ​ടു​ത്തു​കൊ​ണ്ടി​രി​ക്കു​ന്നത്‌. ഒരു പരിമി​ത​മായ വിധത്തിൽ മാത്രം “കാണാ​നും” “കേൾക്കാ​നും” “സംസാ​രി​ക്കാ​നും” കഴിയുന്ന സിസ്‌റ​റ​ങ്ങ​ളും വികസി​പ്പി​ച്ചെ​ടു​ത്തു​കൊ​ണ്ടി​രി​ക്കു​ക​യാണ്‌. ഇതെല്ലാം ചില കേന്ദ്ര​ങ്ങ​ളിൽ ആശങ്ക ഉളവാ​ക്കി​യി​ട്ടുണ്ട്‌. കമ്പ്യൂ​ട്ട​റു​കൾ മനുഷ്യ​നെ​പ്പോ​ലെ, അല്ലെങ്കിൽ മനുഷ്യ​നെ​ക്കാൾ സമർത്ഥ​മാ​യി​ത്തീ​രു​മോ?

എന്തെങ്കി​ലും പരിധി​യു​ണ്ടോ?

വിദഗ്‌ദ്ധ​ക​മ്പ്യൂ​ട്ടർ സിസ്‌റ​റങ്ങൾ കൊണ്ട്‌ ശാസ്‌ത്ര​ജ്ഞൻമാർക്ക്‌ ചെയ്യാൻ കഴിഞ്ഞി​ട്ടു​ള്ളത്‌ യഥാർത്ഥ​ത്തിൽ മതിപ്പു​ള​വാ​ക്കു​ന്ന​താണ്‌. എന്നിരു​ന്നാ​ലും, നിർണ്ണാ​യ​ക​മായ ചോദ്യം അവശേ​ഷി​ക്കു​ന്നു: ഈ സിസ്‌റ​റങ്ങൾ യഥാർത്ഥ​ത്തിൽ ബുദ്ധി​യു​ള്ള​വ​യാ​ണോ? ദൃഷ്ടാ​ന്ത​മാ​യി, ഊററ​മായ ചതുരം​ഗം കളിക്കാൻ കഴിയു​മെ​ങ്കി​ലും മറെറാ​ന്നും പഠിക്കാ​നോ ചെയ്യാ​നോ കഴിയാത്ത ഒരാ​ളെ​ക്കു​റിച്ച്‌ നാം എന്തു പറയും? അയാളെ ബുദ്ധി​മാൻ എന്നു നാം യഥാർത്ഥ​ത്തിൽ പരിഗ​ണി​ക്കു​മോ? ഇല്ലെന്നു സ്‌പഷ്ടം. “ഒരു ബുദ്ധി​ശാ​ലി ഒരു മണ്ഡലത്തിൽ എന്തെങ്കി​ലും പഠിക്കു​ക​യും മററു മണ്ഡലങ്ങ​ളി​ലെ പ്രശ്‌ന​ങ്ങൾക്ക്‌ അത്‌ ബാധക​മാ​ക്കു​ക​യും ചെയ്യുന്നു” എന്ന്‌ ശാസ്‌ത്ര​ലേഖന പുരോ​ഗ​തി​ക്കു​വേ​ണ്ടി​യുള്ള കൗൺസി​ലി​ന്റെ എക്‌സെ​ക്ക​ട്ടീവ്‌ ഡയറക്ടർ വില്യം ജെ. ക്രോമി വിശദീ​ക​രി​ക്കു​ന്നു. അപ്പോൾ സംഗതി​യു​ടെ സാരം ഇതാണ്‌: കമ്പ്യൂ​ട്ട​റു​കളെ മനുഷ്യ​രിൽ കാണുന്ന ബുദ്ധി​യു​ടെ തലത്തോട്‌ അടുപ്പി​ക്കാൻ കഴിയു​മോ? മററു വാക്കു​ക​ളിൽ പറഞ്ഞാൽ യഥാർഥ​ത്തിൽ കൃത്രി​മ​മാ​യി ബുദ്ധി​യു​ണ്ടാ​ക്കാൻ കഴിയു​മോ?

ഇതുവരെ ശാസ്‌ത്ര​ജ്ഞൻമാ​രി​ലൊ എൻജി​നി​യർമാ​രി​ലോ ആർക്കും ആ ലാക്കി​ലെ​ത്താൻ കഴിഞ്ഞി​ട്ടില്ല. 30 വർഷം​മുമ്പ്‌ ചതുരം​ഗം​ക​ളി​ക്കുന്ന കമ്പ്യൂ​ട്ട​റു​ക​ളെ​ക്കു​റിച്ച്‌ നടത്തിയ പ്രവച​ന​മു​ണ്ടെ​ങ്കി​ലും വേൾഡ്‌ ചാമ്പ്യൻ ഇപ്പോ​ഴും ഒരു മനുഷ്യ​നാണ്‌. ഇംഗ്ലീ​ഷി​ലോ മററു സ്വാഭാ​വി​ക​ഭാ​ഷ​ക​ളി​ലോ ഉള്ള സംഭാ​ഷ​ണങ്ങൾ മനസ്സി​ലാ​ക്കാൻ കമ്പ്യൂ​ട്ട​റു​കൾക്കു സാധി​ക്കു​മെ​ന്നുള്ള അവകാ​ശ​മു​ണ്ടെ​ങ്കി​ലും ഇപ്പോ​ഴും ഇത്‌ ഒരു ശൈശ​വ​ദ​ശ​യിൽത്ത​ന്നെ​യാണ്‌. സാമാ​ന്യ​ത​യു​ടെ ഗുണം ഒരു കമ്പ്യൂ​ട്ട​റിൽ പണിതു​ചേർക്കാൻ ആരും പഠിച്ചി​ട്ടില്ല.

ഉദാഹ​ര​ണ​ത്തിന്‌ ഭാഷയു​ടെ കാര്യ​മെ​ടു​ക്കുക. ലളിത​മായ സംസാ​ര​ത്തി​ന്റെ കാര്യ​ത്തിൽപോ​ലും ആയിര​ക്ക​ണ​ക്കിന്‌ വാക്കുകൾ ലക്ഷക്കണ​ക്കിന്‌ സംയു​ക്ത​ങ്ങ​ളിൽ കോർത്തി​ണ​ക്ക​പ്പെ​ടു​ന്നു. കമ്പ്യൂ​ട്ട​റിന്‌ ഒരു വാക്യം മനസ്സി​ലാ​ക്കു​ന്ന​തിന്‌ ഒരേ സമയത്ത്‌ ഒരു വാക്യ​ത്തി​ലെ ഓരോ വാക്കി​ന്റെ​യും സാദ്ധ്യ​മായ സംയു​ക്ത​ങ്ങ​ളെ​ല്ലാം പരി​ശോ​ധി​ക്കു​ന്ന​തിന്‌ അതു പ്രാപ്‌ത​മാ​യി​രി​ക്കണം. അതിന്‌ അതിന്റെ സ്‌മൃ​തി​യിൽ നിരവധി നിയമ​ങ്ങ​ളും നിർവ​ച​ന​ങ്ങ​ളും സംഭരി​ക്ക​പ്പെ​ടണം. ഇത്‌ ഇപ്പോ​ഴത്തെ കമ്പ്യൂ​ട്ട​റു​കൾക്ക്‌ ചെയ്യാൻക​ഴി​യു​ന്ന​തിന്‌ വളരെ അതീത​മാണ്‌. എന്നിരു​ന്നാ​ലും ഒരു കുട്ടി​ക്കു​പോ​ലും ഇതെല്ലാം സാധി​ക്കും, വാക്കി​ന​തീ​ത​മായ അർത്ഥമാ​റ​റങ്ങൾ ഗ്രഹി​ക്കാ​നും കഴിയും. ഒരു സംസാ​രി​യെ വിശ്വ​സി​ക്കാൻക​ഴി​യു​മോ അതോ അയാൾ കാപട്യം​കാ​ണി​ക്കു​ക​യാ​ണോ എന്നും ഒരു പ്രസ്‌താ​വന അക്ഷരീ​യ​മാ​യി അഥവാ തമാശ​യാ​യി എടു​ക്കേ​ണ്ട​താ​ണോ​യെ​ന്നും അവന്‌ വിവേ​ചി​ക്കാൻ കഴിയും. കമ്പ്യൂ​ട്ട​റിന്‌ ഈ വെല്ലു​വി​ളി​കളെ വെല്ലാൻ കഴിഞ്ഞി​ട്ടില്ല.

മോ​ട്ടോർവാ​ഹ​ന​നിർമ്മാ​ണ​ത്തി​ലു​പ​യോ​ഗി​ക്കുന്ന റോ​ബോ​ട്ടു​ളെ​പ്പോ​ലെ “കാണാൻ”കഴിയുന്ന വിദഗ്‌ദ്ധ​സി​സ്‌റ​റ​ങ്ങ​ളെ​സം​ബ​ന്ധിച്ച്‌ ഇതുതന്നെ പറയാൻക​ഴി​യും. ത്രിമാ​ന​കാ​ഴ്‌ച​യോ​ടു​കൂ​ടിയ പുരോ​ഗ​മിച്ച ഒരു സിസ്‌ററം ഒരു വസ്‌തു​വി​നെ തിരി​ച്ച​റി​യാൻ 15 സെക്കണ്ട്‌ എടുക്കു​ന്നു. അതുതന്നെ ചെയ്യാൻ മനുഷ്യ നേത്ര​ത്തി​നും തലച്ചോ​റി​നും ഒരു സെക്കണ്ടി​ന്റെ ആയിര​ത്തി​ലൊന്ന്‌ അംശമേ വേണ്ടു. മനുഷ്യ​നേ​ത്ര​ത്തിന്‌ പ്രാധാ​ന്യ​മു​ള്ള​തെ​ന്തെന്നു കാണാ​നും അത്യന്താ​പേ​ക്ഷി​ത​മ​ല്ലാ​ത്തത്‌ അരിച്ചു​മാ​റ​റാ​നു​മുള്ള സഹജമായ പ്രാപ്‌തി​യുണ്ട്‌. കമ്പ്യൂട്ടർ അത്‌ “കാണുന്ന” വിശദാം​ശ​ങ്ങ​ളു​ടെ ആധിക്യ​ത്തിൽ കേവലം മുക്ക​പ്പെ​ടു​ക​യാണ്‌.

അങ്ങനെ കൃത്രി​മ​ബു​ദ്ധി​യി​ലെ വൈദ​ഗ്‌ദ്ധ്യ​ത്തി​ന്റെ പുരോ​ഗ​തി​ക​ളും വാഗ്‌ദാ​ന​ങ്ങ​ളു​മു​ണ്ടെ​ങ്കി​ലും “കമ്പ്യൂട്ടർ സിസ്‌റ​റ​ത്തിന്‌ മനുഷ്യർക്കുള്ള ബുദ്ധി​യു​ടെ​യും പ്രേര​ണാ​ശ​ക്തി​യു​ടെ​യും വൈദ​ഗ്‌ദ്ധ്യ​ങ്ങ​ളു​ടെ​യും സൃഷ്ടി​പ​ര​ത​യു​ടെ​യും വിശാലത ഒരിക്ക​ലും കൈവ​രു​ക​യി​ല്ലെന്ന്‌ മിക്ക ശാസ്‌ത്ര​ജ്ഞൻമാ​രും വിശ്വ​സി​ക്കു​ന്നു” എന്ന്‌ ക്രോമി പറയുന്നു. അതു​പോ​ലെ​തന്നെ, സുപ്ര​സി​ദ്ധ​ശാ​സ്‌ത്ര ലേഖക​നായ ഐസക്ക്‌ അസി​മോവ്‌ ഇങ്ങനെ പ്രസ്‌താ​വി​ക്കു​ന്നു: “കമ്പ്യൂട്ടർ ശ്രദ്ധേ​യ​മായ മനുഷ്യ​മ​ന​സ്സി​ന്റെ പഠന​പ്രാ​പ്‌തി​ക്കും സർഗ്ഗാ​ത്മ​ക​ശ​ക്തി​ക്കു​മൊ​പ്പം എന്നെങ്കി​ലും എത്തി​ച്ചേ​രു​മെ​ന്നു​ള്ള​തിൽ എനിക്കു സംശയ​മുണ്ട്‌.”

മനുഷ്യ​മ​നസ്സ്‌ യഥാർത്ഥ​ത്തിൽ എങ്ങനെ പ്രവർത്തി​ക്കു​ന്നു​വെന്ന്‌ യാതൊ​രു ശാസ്‌ത്ര​ജ്ഞ​നും കമ്പ്യൂട്ടർ എൻജീ​നി​യർക്കും പൂർണ്ണ​മാ​യി മനസ്സി​ലാ​കു​ന്നി​ല്ലെ​ന്നുള്ള വസ്‌തു​ത​യാണ്‌ കൃത്രി​മ​മാ​യി യഥാർത്ഥ​ബു​ദ്ധി നേടു​ന്ന​തി​ലുള്ള അടിസ്ഥാന തടസ്സം. തലച്ചോ​റും മനസ്സും തമ്മിലുള്ള ബന്ധം അഥവാ തലച്ചോ​റിൽ സംഭരി​ക്ക​പ്പെ​ടുന്ന വിവര​ങ്ങളെ തീരു​മാ​നങ്ങൾ ചെയ്യു​ന്ന​തി​നോ പ്രശ്‌ന​ങ്ങളെ പരിഹ​രി​ക്കു​ന്ന​തി​നോ മനസ്സ്‌ ഉപയോ​ഗി​ക്കുന്ന വിധം ആർക്കും അറിയാൻപാ​ടില്ല. “[ഞാൻ എന്റെ മനസ്സു​കൊണ്ട്‌ ചില കാര്യങ്ങൾ] എങ്ങനെ ചെയ്യു​ന്നു​വെന്ന്‌ എനിക്ക​റി​യാൻ പാടി​ല്ലാ​ത്ത​തു​കൊണ്ട്‌ ഞാൻ ചെയ്യു​ന്നത്‌ പുനരുൽപ്പാ​ദി​പ്പി​ക്കാൻ ഒരു കമ്പ്യൂ​ട്ട​റി​നെ പ്രോ​ഗ്രാം​ചെ​യ്യാൻ എനിക്ക്‌ സാദ്ധ്യമല്ല” എന്ന്‌ അസി​മോവ്‌ ഏററു​പ​റ​യു​ന്നു. മറെറാ​രു വിധത്തിൽ പറഞ്ഞാൽ യഥാർത്ഥ​ത്തിൽ ബുദ്ധി എന്താ​ണെന്ന്‌ ആർക്കും അറിയാൻ പാടി​ല്ലെ​ങ്കിൽ അത്‌ ഒരു കമ്പ്യൂ​ട്ട​റിൽ പണിതു ചേർക്കാൻ എങ്ങനെ കഴിയും?

മഹാവി​ദ​ഗ്‌ദ്ധൻമാ​രും അതിമ​ഹാ​വി​ദ​ഗ്‌ദ്ധ​നും

പതി​നെ​ട്ടാം നൂററാ​ണ്ടി​ന്റെ ഒടുവി​ലും 19-ാംനൂ​റ​റാ​ണ്ടി​ന്റെ തുടക്ക​ത്തി​ലും മേരിയാ തെരേസാ എഡ്‌ഗാർ അലെൻ പോ നെപ്പോ​ളി​യൻ ബോണ​പ്പാർട്ട്‌ എന്നിങ്ങ​നെ​യുള്ള പ്രശസ്‌ത​വ്യ​ക്തി​കൾ ഉൾപ്പെ​ടെ​യുള്ള മാനുഷ എതിർക​ക്ഷി​കളെ തോൽപ്പി​ച്ചു​കൊണ്ട്‌ ചതുരം​ഗ​ക്ക​ളി​യ​ന്ത്രം എല്ലായി​ട​ത്തു​മുള്ള സദസ്യരെ പുളകം​കൊ​ള്ളി​ച്ചു. ഒടുവിൽ യന്ത്രം കൃത്രി​മ​മാ​ണെന്ന്‌ തുറന്നു​കാ​ട്ട​പ്പെട്ടു. ഒരു മനുഷ്യൻ ഉള്ളിലു​ണ്ടാ​യി​രു​ന്നു!

ഇന്നത്തെ ചെസ്‌ക​ളി​യ​ന്ത്ര​ത്തി​ന​ക​ത്തും ഒരു മനുഷ്യ​നുണ്ട്‌; അയാൾ വളരെ വിദഗ്‌ദ്ധ​മാ​യി ഒളിച്ചി​രി​ക്കു​ന്നു​വെ​ന്നു​മാ​ത്രം. അത്‌ പ്രോ​ഗ്രാ​മർ അല്ലാതെ ആരുമല്ല. സകല മഹാവി​ദ​ഗ്‌ദ്ധൻമാ​രു​മാ​യി സ്വന്തമാ​യി കളിക്കാൻ കഴിയ​ത്ത​ക്ക​വണ്ണം കമ്പ്യൂ​ട്ട​റിൽ ചതുരം​ഗം​ക​ളി​യു​ടെ സകലനി​യ​മ​ങ്ങ​ളും അവ ഉപയോ​ഗി​ക്കു​ന്ന​തു​സം​ബ​ന്ധിച്ച നിർദ്ദേ​ശ​ങ്ങ​ളും അതിൽ ശ്രമക​ര​മാ​യി സംഭരി​ച്ച​തിന്‌ ഉത്തരവാ​ദി അയാളാണ്‌.

മറെറല്ലാ വിദഗ്‌ദ്ധ​സി​സ്‌റ​റ​ങ്ങ​ളും കൃത്രി​മ​ബു​ദ്ധി​യു​ടെ മണ്ഡലത്തി​ലെ സകല നേട്ടങ്ങ​ളും സംബന്ധിച്ച്‌ അതുതന്നെ പറയാൻക​ഴി​യും. അവക്കു രുപകൽപ്പന ചെയ്‌ത ശാസ്‌ത്ര​ജ്ഞൻമാർക്കും എൻജി​നി​യർമാർക്കു​മാണ്‌ ബഹുമതി ചെല്ലേ​ണ്ടത്‌. അതേ കാരണ​ത്താൽ, മനുഷ്യ മനസ്സിന്റെ യഥാർത്ഥ ബുദ്ധി​ക്കുള്ള ബഹുമതി നാം ആർക്കാണ്‌ കൊടു​ക്കേ​ണ്ടത്‌? ഇവിടെ നാം സ്രഷ്ടാ​വായ യഹോ​വ​യാം ദൈവ​ത്തോട്‌ ഒരു കവിതാ​രീ​തി​യിൽ ഇങ്ങനെ പറയാൻ പ്രേരി​ത​നായ പുരാതന ഇസ്രാ​യേ​ലി​ലെ ദാവീ​ദു​രാ​ജാ​വി​ന്റെ വാക്കുകൾ കടമെ​ടു​ക്കേ​ണ്ടി​യി​രി​ക്കു​ന്നു: “ഞാൻ ഭയജന​ക​മായ ഒരു വിധത്തിൽ അത്ഭുത​ക​ര​മാ​യി സൃഷ്ടി​ക്ക​പ്പെ​ട്ടി​രി​ക്കു​ന്ന​തു​കൊണ്ട്‌ ഞാൻ നിന്നെ കീർത്തി​ക്കും. എന്റെ ദേഹിക്ക്‌ നന്നായി അറിയാ​വു​ന്ന​തു​പോ​ലെ നിന്റെ പ്രവൃ​ത്തി​കൾ അത്ഭുത​ക​ര​മാ​കു​ന്നു.”—സങ്കീർത്തനം 119:14 (g88 7/8)

[13-ാം പേജിലെ ചതുരം]

എന്നിരുന്നാലും, കമ്പ്യൂ​ട്ട​റും മനുഷ്യ​പ്രാ​പ്‌തി​ക​ളും അടിസ്ഥാ​ന​പ​ര​മാ​യി വ്യത്യ​സ്‌ത​മാ​ണെ​ന്നും മുൻകൂ​ട്ടി​ക്കാ​ണാ​വുന്ന ഭാവി​യിൽ മനുഷ്യ​സ​മാന റോ​ബോട്ട്‌ ഉണ്ടാകാ​നി​ട​യി​ല്ലെ​ന്നു​മുള്ള വസ്‌തുത സ്ഥിതി​ചെ​യ്യു​ന്നു.”—കമ്പ്യൂ​ട്ട​റും സമുദാ​യ​വും, പേജ്‌ 14.

[15-ാം പേജിലെ ചിത്രം]

കുട്ടിക്കും കമ്പ്യൂ​ട്ട​റി​നും വിവിധ തോതിൽ ഭാഷ മനസ്സി​ലാ​കും, എന്നാൽ കുട്ടിക്ക്‌ ഉദ്ദേശ്യ​ങ്ങ​ളും വിശ്വാ​സ്യ​ത​യും മനുഷ്യ​വി​കാ​ര​ങ്ങ​ളും കണ്ടുപി​ടി​ക്കാൻക​ഴി​യും