ജാഗ്രത!—‘അനുക​ര​ണഫല’ത്തെകു​റിച്ച്‌

ടെലി​വി​ഷന്‌ വിദ്യാ​ഭ്യാ​സ​പ​ര​മായ ഒരു ഉപകര​ണ​മാ​യി​രി​ക്കാൻ കഴിയും. അതിന്‌ സാധാരണ കാഴ്‌ച​യ്‌ക്ക​തീ​ത​മാ​യി വളരെ വിദൂ​ര​സ്ഥാ​ന​ങ്ങ​ളിൽ നടക്കുന്ന സംഭവങ്ങൾ നമ്മെ കാണി​ക്കാൻ കഴിയും. ചില​പ്പോൾ അത്‌ ഉൻമേ​ഷ​ദാ​യ​ക​മായ വിനോ​ദം നൽകുന്നു. എന്നിരു​ന്നാ​ലും ഭീകര​സ​മു​ദാ​യം എന്ന ഗ്രന്‌ഥ​ത്തി​ന്റെ കർത്താ​വാ​യി​രി​ക്കുന്ന എറിക്ക്‌ മൂൺമൻ പറയു​ന്ന​ത​നു​സ​രിച്ച്‌ ആധുനിക കാലത്തെ ക്രമസ​മാ​ധാ​ന​ത്തി​ന്റെ തകർച്ച​യിൽ ടെലി​വി​ഷ​നും ഒരു പങ്കു വഹിക്കു​ന്നുണ്ട്‌. ലണ്ടൻ ഇൻഡി​പ്പെൻഡൻറിൽ അക്രമ​ത്തോ​ടുള്ള ടെലി​വി​ഷന്റെ ബന്ധത്തെ​ക്കു​റിച്ച്‌ എഴുതു​ക​യിൽ മൂൺമൻ പറയുന്നു: “മറെറ​ല്ലാ​റ​റി​നു​മു​പരി, അതുല്യ​മായ ഒരു സ്വാധീ​ന​ശ​ക്തി​യു​ണ്ടെ​ങ്കിൽ അത്‌ ടി.വിയുടെ അനുകരണ അഥവാ പരിവേഷ ഫലമാ​ണെന്ന്‌ ഗവേഷണം ചൂണ്ടി​ക്കാ​ണി​ക്കു​ന്നു.” അദ്ദേഹം എന്താണ്‌ അർത്ഥമാ​ക്കു​ന്നത്‌?

“ആയിര​ത്തി​ത്തൊ​ള്ളാ​യി​രത്തി എൺപത്തി​യൊ​ന്നിൽ [ഇംഗ്ലണ്ടിൽ] നടന്ന [നഗരത്തി​നു​ള്ളി​ലെ] കലാപങ്ങൾ, അവ നടന്ന സമയത്തു​തന്നെ ടെലി​വി​ഷ​നിൽ പ്രദർശി​പ്പി​ച്ചു. അവയുടെ മാതൃക ദിനം​തോ​റും ആവർത്തി​ക്ക​പ്പെട്ടു. ഞാൻ നിരവധി കലാപ​സ്ഥാ​നങ്ങൾ സന്ദർശി​ച്ചു. അവിടെ ചെറു​പ്പ​ക്കാ​രു​മാ​യുള്ള അഭിമു​ഖ​സം​ഭാ​ഷ​ണ​ങ്ങ​ളിൽനിന്ന്‌ ടിവിയെ അനുക​രിച്ച അക്രമ​ത്തി​ന്റെ പ്രാധാ​ന്യം എനിക്ക്‌ വ്യക്തമാ​യി. ടെലി​വി​ഷൻ സംഗതി​യെ സരളമാ​ക്കി. ഏത്‌ തരത്തി​ലുള്ള കാര്യങ്ങൾ ചെയ്യണ​മെന്ന്‌ അവർ മനസ്സി​ലാ​ക്കി” എന്ന്‌ അദ്ദേഹം വിശദീ​ക​രി​ച്ചു. കലാപ​ങ്ങൾക്കു​ശേഷം, “ടെലി​വി​ഷ​നിൽ പ്രദർശി​പ്പിച്ച ദൃശ്യ​ങ്ങ​ളു​ടെ വ്യക്തമായ ഒരു പ്രതി​ഫ​ലനം ദേശത്തി​ന്റെ ഇതര ഭാഗങ്ങ​ളി​ലെ തെരു​വു​ക​ളിൽ നടന്ന അക്രമ​ങ്ങ​ളു​ടെ ഇരച്ചു​ക​യ​റ​റ​ത്തിൽ കാണാ​മാ​യി​രു​ന്നു” എന്ന്‌ മൂൺമൻ കുറി​ക്കൊ​ണ്ടു.—ഇററാ​ലി​ക്‌സ്‌ ഞങ്ങളു​ടേത്‌.

ആളുക​ളു​ടെ കിടപ്പു​മു​റി​ക്കു​ള്ളിൽത്തന്നെ ലോക​ത്തി​ലെ അന്തർദ്ദേ​ശീയ പോരാ​ട്ടങ്ങൾ ദൃശ്യ​മാ​യി​രി​ക്കു​ന്ന​തി​നാൽ, ഈ സംഭവങ്ങൾ നടക്കു​ന്ന​താ​യി അവർ നിരീ​ക്ഷി​ക്കു​മ്പോൾ സമ്മർദ്ദം വർദ്ധി​ക്കു​ന്നു. “ഒരു യുദ്ധത്തിൽ ആര്‌ വിജയി​ക്കു​മെന്ന്‌ തീരു​മാ​നി​ക്കാൻ ടെലി​വി​ഷന്‌ ഇതുവരെ കഴിഞ്ഞി​ട്ടില്ല” എന്നത്‌ സത്യം തന്നെ. “എന്നാൽ അതിന്‌ ആർ വിജയി​ക്കു​മെന്നു നാം വിചാ​രി​ക്കു​ന്നു എന്ന്‌ തീരു​മാ​നി​ക്കാൻ ഇപ്പോൾത്തന്നെ കഴിയും” എന്ന്‌ മൂൺമൻ വിശദീ​ക​രി​ക്കു​ന്നു.

ടെലി​വി​ഷ​ന്റെ സാദ്ധ്യ​മായ ദുഷിച്ച ഫലങ്ങളിൽനിന്ന്‌ നിങ്ങളു​ടെ കുടും​ബത്തെ നിങ്ങൾക്കെ​ങ്ങനെ സംരക്ഷി​ക്കാൻ കഴിയും? ആദ്യമാ​യി, നിങ്ങളു​ടെ റെറലി​വി​ഷൻകാ​ഴ്‌ച​ക്കു​വേണ്ടി വ്യക്തമായ ഒരു കുടും​ബ​നയം സ്ഥാപി​ക്കുക. അതിനു​ശേഷം, വീക്ഷി​ക്ക​പ്പെ​ടു​ന്ന​തി​ന്റെ ഉള്ളടക്ക​വും ഗുണവും സംബന്ധിച്ച്‌ ഉചിത​മായ പരിധി​കൾ വെക്കുക. അക്രമം ചിത്രീ​ക​രി​ക്കുന്ന വാർത്താ​ദൃ​ശ്യ​ങ്ങൾ പ്രത്യ​ക്ഷ​പ്പെ​ടു​മ്പോൾ, ലോക​ത്തി​ന്റെ അധർമ്മം അനുക​ര​ണാർഹ​മ​ല്ലെ​ന്നോർക്കുക. ഈ മുന്നറി​യി​പ്പിന്‌ ചെവി​കൊ​ടു​ക്കുക: “തിൻമ​യു​ടെ കാര്യ​ത്തിൽ ശിശുക്കൾ ആയിരി​പ്പിൻ, അതേസ​മയം ഗ്രഹണ​ശ​ക്തി​ക​ളിൽ പൂർണ്ണ​വ​ളർച്ച​യെ​ത്തി​യ​വ​രാ​കു​വിൻ.”—1 കൊരി​ന്ത്യർ 14:20. (g88 5/8)