ചെറു​പ്പ​ക്കാർ ചോദി​ക്കു​ന്നു. . . 

ദൈവ​ത്തി​ന്റെ സുഹൃ​ത്താ​യി​രി​ക്കു​ന്ന​തിൽ കാര്യ​മു​ണ്ടോ?

ഒരു സുഹൃത്ത്‌ ഒരു പ്രത്യേക വ്യക്തി​യാണ്‌. ഒരു യഥാർത്ഥ സുഹൃത്ത്‌ ഒരു സഹോ​ദ​ര​നേ​ക്കാൾ അടുപ്പ​മു​ള്ള​വ​നാ​ണെ​ന്നും തന്റെ വിശ്വ​സ്‌ത​ത​യി​ലും സൗഹൃ​ദ​ത്തി​ലും സ്ഥിരത​യു​ള്ള​വ​നാ​ണെ​ന്നും കഷ്ടതക​ളിൽ തന്റെ സുഹൃ​ത്തി​ന്റെ സഹായ​ത്തി​നെ​ത്തു​ന്ന​വ​നാ​ണെ​ന്നും വിശ്വ​സ്‌ത​ത​യോ​ടെ ബുദ്ധ്യു​പ​ദേശം നൽകു​ന്ന​വ​നാ​ണെ​ന്നും ബൈബിൾ വർണ്ണി​ക്കു​ന്നു. (സദൃശ​വാ​ക്യ​ങ്ങൾ 17:17; 18:24; 27:6, 9) ഇതി​നേ​ക്കാൾ മികച്ച ഏതെങ്കി​ലും ബന്ധം ഉണ്ടായി​രി​ക്കാൻ കഴിയു​മോ?

ദൈവ​ത്തി​ന്റെ ഒരു സുഹൃ​ത്താ​യി​രി​ക്കു​ന്നത്‌ ഇതിലും ഏറെ പ്രയോ​ജ​ന​ക​ര​മാ​ണെന്ന്‌ അനേകം ചെറു​പ്പ​ക്കാർ ആത്‌മാർത്ഥ​മാ​യി വിശ്വ​സി​ക്കു​ന്നു. എന്നാൽ ദൈവ​വു​മാ​യുള്ള അത്തര​മൊ​രു ബന്ധം അസാദ്ധ്യ​മോ അപ്രാ​യോ​ഗി​ക​മോ ആണെന്ന്‌ വിശ്വ​സി​ക്കുന്ന മറ്റു​ള്ള​വ​രോട്‌ നിങ്ങൾ ഒരുപക്ഷേ യോജി​ച്ചേ​ക്കാം. ‘അനേകർ തങ്ങൾ ദൈവ​ത്തിൽ വിശ്വ​സി​ക്കു​ന്നു എന്ന്‌ അവകാ​ശ​പ്പെ​ടു​ന്നു. എന്നിരു​ന്നാ​ലും വിശ്വാ​സി​കൾ അവിശ്വാ​സി​ക​ളെ​പ്പോ​ലെ തന്നെ കഷ്‌ട​പ്പെ​ടു​ക​യും അവരു​ടേ​തു​പോ​ലെ​യുള്ള ഒരു ജീവിതം നയിക്കു​ക​യും ചെയ്യുന്നു’ എന്ന്‌ അവർ പറഞ്ഞേ​ക്കാം.

അതു​കൊണ്ട്‌ എന്താണ്‌ വ്യത്യാ​സം? ദൈവ​ത്തോ​ട​ടു​ക്കു​ന്ന​തിൽ കാര്യ​മു​ണ്ടോ? ദൈവ​സു​ഹൃ​ത്താ​യി​രി​ക്കു​ന്നത്‌ ഏതെങ്കി​ലും വിധത്തിൽ നിങ്ങൾക്ക്‌ ഗുണം ചെയ്യു​മോ? ദൈവ​വു​മാ​യുള്ള അടുപ്പം അനുപ​മ​മാ​ണെ​ന്നും മറ്റേ​തൊ​രു സുഹൃ​ത്തു​മാ​യി വികസി​പ്പി​ക്കാ​വു​ന്ന​തി​ലും ഏറ്റം മികച്ച ഒരു ബന്ധം ദൈവ​വു​മാ​യി വികസി​പ്പി​ക്കാ​മെ​ന്നും ഇന്നത്തെ ചില ചെറു​പ്പ​ക്കാ​രു​ടെ അനുഭവം കാണി​ക്കു​ന്നു. അതെങ്ങനെ?

സമ്മർദ്ദത്തെ നേരി​ടു​ന്നു

ശത്രുതാ മനോ​ഭാ​വങ്ങൾ നിയ​ന്ത്രി​ക്കു​ന്ന​തിൽ ദൈവ​വു​മാ​യുള്ള സുഹൃ​ദ്‌ബന്ധം തങ്ങളെ സഹായി​ച്ചി​ട്ടു​ണ്ടെന്ന്‌ ഇപ്പോൾ ദൈവ​വു​മാ​യി അടുത്ത ബന്ധത്തി​ലാ​യി​രി​ക്കുന്ന ചില ചെറു​പ്പ​ക്കാർ പറയുന്നു. തന്റെ മാതാ​പി​താ​ക്ക​ളു​ടെ വേർപെടൽ നിമിത്തം ആഴമായി ബാധി​ക്ക​പ്പെട്ട 18 വയസ്സു​കാ​രി വിർജീ​നിയ ഇപ്രകാ​രം സമ്മതിച്ചു പറയുന്നു: “എനി​ക്കെന്റെ പിതാ​വി​നോട്‌ വെറു​പ്പു​തോ​ന്നി. എനിക്ക്‌ എപ്പോ​ഴും ദേഷ്യ​മാ​യി​രു​ന്നു. അതിന്റെ ഫലമായി ഞാൻ മറ്റു​ള്ള​വ​രെ​യും വെറുത്തു തുടങ്ങി. ഞാൻ എന്റെ കൂട്ടു​കാ​രെ കഷ്ടപ്പെ​ടു​ത്താൻ പരി​ശ്ര​മി​ച്ചു. ഞാൻ അനുഭ​വി​ക്കു​ന്നത്‌ മറ്റു​ള്ള​വ​ര​നു​ഭ​വി​ക്കാൻ ഞാൻ ആഗ്രഹി​ച്ചു!”

ദൈവ​വ​ച​നം പഠിച്ചു കഴിഞ്ഞ​പ്പോൾ വിർജീ​നിയ സന്തോ​ഷ​പൂർവ്വം ഇപ്രകാ​രം സമ്മതിച്ചു പറഞ്ഞു: “എനി​ക്കെ​ന്തോ​രു മാറ്റ​മാ​ണു​ണ്ടാ​യി​രി​ക്കു​ന്നത്‌! ഞാൻ എന്റെ ഡാഡിയെ ഇനി ദ്വേഷി​ക്ക​യില്ല. അദ്ദേഹം പിശാ​ചായ സാത്താ​നാൽ പ്രേരി​ത​നാ​യി​രി​ക്കുന്ന ഒരു നശിച്ച വ്യവസ്ഥി​തി​യു​ടെ ഇര മാത്ര​മാ​ണെന്ന്‌ ഞാൻ മനസ്സി​ലാ​ക്കി. ഞാൻ ഇപ്പോൾ അദ്ദേഹത്തെ ആദരി​ക്ക​യും എല്ലാവ​രു​മാ​യി ഇണങ്ങി​ക്ക​ഴി​യു​ക​യും ചെയ്യുന്നു.” അതെ, ഇന്നത്തെ നിരാ​ശ​ക​ളു​ടെ കാരണ​വും അവ അഭിമു​ഖീ​ക​രി​ക്കേണ്ട വിധവും ഗ്രഹി​ക്കാൻ വിർജീ​നി​യാ​യേ​പ്പോ​ലുള്ള ഇന്നത്തെ ചെറു​പ്പ​ക്കാ​രെ ബൈബി​ളി​ന്റെ അറിവ്‌ സഹായി​ക്കു​ന്നു.

ദൈവ​വു​മാ​യു​ള്ള അടുപ്പം വലിയ സമ്മർദ്ദത്തെ വിജയ​ക​ര​മാ​യി നേരി​ടാൻ നിങ്ങളെ സഹായി​ക്കും. 19 വയസ്സുള്ള ജൂവാ​ന​യു​ടെ പിതാവ്‌ ഒരു മദ്യപാ​നി​യാണ്‌. “ചില​പ്പോൾ ഡാഡി കുടി​ച്ചി​ട്ടു​വന്ന്‌ ഞങ്ങളെ​യെ​ല്ലാം തല്ലും” എന്നവൾ പറയുന്നു. അവൾ ഈ സാഹച​ര്യം എങ്ങനെ​യാണ്‌ കൈകാ​ര്യം ചെയ്യു​ന്നത്‌? “എനിക്ക്‌ നിരാശ തോന്നു​മ്പോൾ പ്രാർത്ഥ​ന​യിൽ യഹോ​വ​യാം ദൈവ​ത്തി​ന്റെ അടു​ത്തേക്ക്‌ പോകു​ന്ന​തി​നും ശക്തിയാർജ്ജി​ക്കു​ന്ന​തി​നും കഴിയു​മെന്ന്‌ എനിക്ക​റി​യാം.” ദൈവത്തെ അറിയു​ന്ന​തും ദീർഘ​ക്ഷ​മ​യും സൗമ്യ​ത​യും പോലുള്ള അവന്റെ സദ്‌ഗു​ണങ്ങൾ അനുക​രി​ക്കു​ന്ന​തും തന്റെ പിതാ​വു​മാ​യി എങ്ങനെ ഇടപെ​ട​ണ​മെ​ന്ന​റി​യാൻ ജൂവാ​നയെ സഹായി​ച്ചു.—ഗലാത്യർ 5:22, 23.

നിങ്ങളു​ടെ മാതാ​പി​താ​ക്കളെ ആദരി​ക്കു​ന്ന​തും അവർക്കു​വേണ്ട ബഹുമതി നൽകു​ന്ന​തും എല്ലായ്‌പ്പോ​ഴും അത്രകണ്ട്‌ എളുപ്പ​മാ​യി​രി​ക്ക​യില്ല. എന്നാൽ ദൈവ​വ​ച​ന​മാ​യി​രി​ക്കുന്ന ബൈബി​ളി​ന്റെ ശക്തിയി​ലുള്ള നിങ്ങളു​ടെ ബോദ്ധ്യ​മാണ്‌ നിങ്ങളെ സഹായി​ക്കു​ന്നത്‌. അപ്പോ​സ്‌ത​ല​നായ യോഹ​ന്നാൻ എഴുതിയ സഭയിലെ ആത്മീയ​മാ​യി ബലിഷ്‌ഠ​രാ​യി​രുന്ന “ചെറു​പ്പ​ക്കാർ” “ദുഷ്ടനെ ജയിച്ചി​രി​ക്കു​ന്നു” എന്തു​കൊ​ണ്ടെ​ന്നാൽ ‘അവരിൽ ദൈവ​വ​ച​ന​മു​ണ്ടാ​യി​രു​ന്നു’ എന്ന്‌ അവൻ പറയുന്നു. (1 യോഹ​ന്നാൻ 2:14) അതു​കൊണ്ട്‌ പിൻവ​രു​ന്ന​തു​പോ​ലുള്ള ബൈബിൾ ബുദ്ധി​യു​പ​ദേശം ജൂവാ​ന​യെ​യും വിർജീ​നി​യാ​യെ​യും​പോ​ലുള്ള ചെറു​പ്പ​ക്കാ​രെ സഹായി​ച്ചി​ട്ടുണ്ട്‌. “ഞങ്ങളോട്‌ പ്രതി​കാ​രം ചെയ്യു​മ്പോൾ ഞങ്ങൾ അനു​ഗ്ര​ഹി​ക്കു​ന്നു; ഉപദ്ര​വി​ക്കു​മ്പോൾ ഞങ്ങൾ സഹിക്കു​ന്നു; ദുഷി​ക്കു​മ്പോൾ ഞങ്ങൾ അഭ്യർത്ഥി​ക്കു​ന്നു.”—1 കൊരി​ന്ത്യർ 4:12,13.

കൂടാതെ, നല്ല ഒരു മാതൃക—“നിർമ്മല നടത്തയും ആഴമായ ബഹുമാ​ന​വും”—നിങ്ങളു​ടെ​മേൽ സമ്മർദ്ദം വരുത്തു​ന്ന​വരെ ആദ്യഘ​ട്ട​ത്തിൽ തന്നെ വിജയി​ക്കാൻ സഹായി​ച്ചേ​ക്കാ​മെന്ന്‌ അപ്പോ​സ്‌ത​ല​നായ പത്രോസ്‌ പറയുന്നു. (1 പത്രോസ്‌ 3:1, 2) പത്രോ​സി​ന്റെ ഈ വാക്കുകൾ ക്രിസ്‌തീയ ഭാര്യ​മാ​രെ ഉദ്ദേശി​ച്ചു​ള്ള​താ​ണെ​ങ്കി​ലും നിങ്ങൾക്കും ഈ ബുദ്ധ്യു​പ​ദേ​ശ​ത്തിൽ നിന്ന്‌ പ്രയോ​ജനം നേടാ​വു​ന്ന​താണ്‌.

നിശ്ചയ​മാ​യും സമ്മർദ്ദം സഹിക്കുക എല്ലായ്‌പ്പോ​ഴും അത്ര എളുപ്പമല്ല. എന്നാൽ ശരിയായ ആന്തര​ത്തോ​ടെ യഹോ​വ​യോട്‌ ഹൃദയം തുറന്ന്‌ പ്രാർത്ഥി​ക്കു​ന്നത്‌ നിങ്ങളു​ടെ പിരി​മു​റു​ക്കം കുറക്കും. യഹോവ നമ്മെ സഹായി​ക്കാ​നാ​ഗ്ര​ഹി​ക്കു​ന്നു​വെ​ന്നും “നമുക്ക്‌ ചോദി​ക്കാ​വു​ന്ന​തി​ലും ചിന്തി​ക്കാ​വു​ന്ന​തി​ലും കൂടുതൽ” ശക്തി അവനു​ണ്ടെ​ന്നും അറിയു​ന്നത്‌ എത്ര നവോൻമേഷ സന്ദായ​ക​മാണ്‌! (എഫേസ്യർ 3:20, റ്റു​ഡേസ്‌ ഇംഗ്ലീഷ്‌ വേർഷൻ, യിരെ​മ്യാവ്‌ 9:24) കൂടാതെ, ദൈവം “നമ്മിൽ നിന്ന്‌ വിദൂ​ര​ത്തി​ലല്ല” എന്ന്‌ ബൈബിൾ നമുക്ക്‌ ഉറപ്പു​നൽകു​ന്നു. (പ്രവൃത്തി 17:27) അതെ, എപ്പോ​ഴും സമീപ​സ്‌ഥ​നാ​യി​രി​ക്കുന്ന ഒരു സുഹൃത്ത്‌ നിങ്ങൾക്കു​ണ്ടാ​യി​രി​ക്കാ​വു​ന്ന​താണ്‌.

മികച്ച ധാർമ്മി​ക​നി​ല​വാ​രങ്ങൾ

ദൈവ​ത്തി​ന്റെ സുഹൃ​ത്താ​യി​രി​ക്കു​ന്നത്‌ മന:സമാധാ​ന​വും സംതൃ​പ്‌തി​യും കൈവ​രു​ത്തുന്ന മികച്ച ധാർമ്മിക നിലവാ​രങ്ങൾ വികസി​പ്പി​ച്ചെ​ടു​ക്കാ​നും ചെറു​പ്പ​ക്കാ​രെ സഹായി​ച്ചി​ട്ടുണ്ട്‌. (മത്തായി 6:13; സങ്കീർത്തനം 141:3,4) തനിക്ക്‌ 14 വയസ്സു​ണ്ടാ​യി​രു​ന്ന​പ്പോൾ ഒരാൺകു​ട്ടി​യു​മാ​യി താൻ ലൈം​ഗിക ബന്ധത്തി​ലേർപ്പെ​ട്ടെന്ന്‌ 16 വയസ്സുള്ള സോഫിയ സമ്മതിച്ചു പറയുന്നു. പിൻതി​രി​ഞ്ഞു നോക്കി​ക്കൊണ്ട്‌ സോഫിയ ഇപ്രകാ​രം പറയുന്നു: “ഞാൻ ബൈബിൾ പഠിക്കാൻ തുടങ്ങി​യ​പ്പോൾ അവനു​മാ​യി ഡയിറ്റിം​ഗി​ലേർപ്പെ​ടു​ന്നത്‌ നിർത്താൻ തീരു​മാ​നി​ച്ചു.” അന്നുമു​തൽ അവൾ അധാർമ്മിക നടത്ത ഒഴിവാ​ക്കി​യെ​ന്നും ബൈബിൾ പരിജ്ഞാ​നം യഹോ​വ​യു​മാ​യുള്ള തന്റെ ബന്ധത്തെ സംരക്ഷി​ച്ചെ​ന്നും അവൾ പറയുന്നു.

വിവാ​ഹ​ത്തി​നു​മു​മ്പുള്ള ലൈം​ഗിക ബന്ധം ലോക​ത്തി​ന്റെ പല ഭാഗങ്ങ​ളി​ലും സർവ്വസാ​ധാ​ര​ണ​മാണ്‌. മെക്‌സി​ക്കോ​യിൽ തന്നെ വിവാ​ഹ​ത്തി​നു മുമ്പ്‌ ലൈം​ഗിക ബന്ധത്തിൽ ഏർപ്പെ​ട്ട​താ​യി 90 ശതമാനം ചെറു​പ്പ​ക്കാർ വിവരി​ക്കു​ന്നു! പരിണ​ത​ഫ​ല​മാ​യി പല ചെറു​പ്പ​ക്കാ​രും സമയത്തി​നു​മു​മ്പേ വിവാ​ഹി​ത​രാ​വു​ക​യോ അവിഹി​ത​മാ​യി ഗർഭം ധരിക്കു​ക​യോ ചെയ്‌തി​ട്ടുണ്ട്‌. ഒരു വർഷത്തി​നു​ള്ളിൽ മെക്‌സി​ക്കോ​യിൽതന്നെ കൗമാ​ര​പ്രാ​യ​ത്തി​ലുള്ള പെൺകു​ട്ടി​കൾ 10 ലക്ഷത്തി​ല​ധി​കം കുട്ടി​കളെ പ്രസവി​ച്ചി​ട്ടുണ്ട്‌!

ഇന്ന്‌ ചെറു​പ്രാ​യ​ത്തിൽ തന്നെ ലൈം​ഗി​ക​ബ​ന്ധ​ത്തി​ലേർപ്പെ​ടാ​നുള്ള വലി​യോ​രു സമ്മർദ്ദ​മുണ്ട്‌. എന്നാൽ ലൈം​ഗിക ദുർമ്മാർഗ്ഗ​ത്തി​ലേർപ്പെ​ടു​ന്ന​തി​നു പകരം ആദ്യം​തന്നെ അതിന്റെ പരിണത ഫലങ്ങ​ളെ​ക്കു​റിച്ച്‌ എന്തു​കൊണ്ട്‌ ചിന്തി​ച്ചു​കൂ​ടാ? നമുക്കു​ണ്ടാ​കുന്ന ശാരീ​രിക കുഴപ്പ​ങ്ങൾക്കു പുറമേ നാം ദൈവ​നി​യമം ലംഘി​ക്കു​മ്പോൾ അവനെ അത്‌ ബാധി​ക്കു​ന്ന​തെ​ങ്ങ​നെ​യെന്ന്‌ ചിന്തി​ക്കുക. പരി​ശോ​ധി​ക്ക​പ്പെ​ട്ടാൽ മനുഷ്യർ ദൈവ​ത്തോട്‌ വിശ്വസ്‌തരായിരിക്കയില്ലെന്നവകാശപ്പെട്ടുകൊണ്ട്‌ പിശാച്‌ അവനെ വെല്ലു​വി​ളി​ച്ചു. അതു​കൊണ്ട്‌ ദൈവം ഇപ്രകാ​രം ബുദ്ധ്യു​പ​ദേ​ശി​ക്കു​ന്നു: “മകനേ, എന്നെ നിന്ദി​ക്കു​ന്ന​വ​നോട്‌ ഞാൻ ഒരുത്തരം പറയേ​ണ്ട​തിന്‌ ജ്ഞാനി​യാ​യി​രുന്ന്‌ എന്റെ ഹൃദയത്തെ സന്തോ​ഷി​പ്പി​ക്കുക.” (സദൃശ​വാ​ക്യം 27:11) ഇതി​നെ​ക്കു​റിച്ച്‌ ചിന്തി​ക്കുക: നിങ്ങൾ ദൈവ​നി​യമം ലംഘി​ച്ചു​കൊണ്ട്‌ പിശാ​ചി​നെ സന്തോ​ഷി​പ്പി​ക്കു​ക​യും ദൈവത്തെ ദു:ഖിപ്പി​ക്കു​ക​യും ചെയ്യു​മോ?—സങ്കീർത്തനം 78:38-41 താരത​മ്യ​പ്പെ​ടു​ത്തുക.

അധാർമ്മി​ക​ത​ക്കെ​തി​രെ​യുള്ള ഏറ്റവും വലിയ സംരക്ഷണം യഹോ​വ​യു​മാ​യി അടുത്ത വ്യക്തി​പ​ര​മായ ഒരു ബന്ധം വികസി​പ്പി​ക്കു​ക​യെ​ന്ന​താണ്‌.

മനുഷ്യാ​തീത പരി​ശോ​ധ​ന​യി​ല്ല

നേരെ​മ​റിച്ച്‌, ചില ചെറു​പ്പ​ക്കാർ ദൈവ​വു​മാ​യി അടുക്കു​ന്ന​തിൽ മടിയു​ള്ള​വ​രാണ്‌. “ദൈവ​വു​മാ​യി അടുക്കു​ന്നത്‌ എനിക്ക്‌ ഭയമാണ്‌. കാരണം അവൻ എന്റെമേൽ പൂർണ്ണ​മാ​യി സ്വാധീ​നം ചെലു​ത്തും. ഹൃദയം തുറന്നു പറഞ്ഞാൽ ഞാൻ സ്വത​ന്ത്ര​നാ​യി​രി​ക്കാൻ ആഗ്രഹി​ക്കു​ന്ന​വ​നാണ്‌. ഞാൻ വാസ്‌ത​വ​ത്തിൽ കുഴപ്പ​ത്തി​ലും നിരാ​ശ​യി​ലു​മാണ്‌. എനിക്ക്‌ പതുക്കെ പഠിച്ചു തുടങ്ങു​ന്ന​തി​നാ​ഗ്ര​ഹ​മുണ്ട്‌. ഞാൻ തിടുക്കം കൂട്ടി​യാൽ പേടിച്ച്‌ പഠിത്തം ഉപേക്ഷി​ക്കു​മോ എന്ന്‌ ഭയപ്പെ​ടു​ന്നു.” നിങ്ങൾ ഈ വിധത്തിൽ ചിന്തി​ക്കാ​റു​ണ്ടോ?

ഉണ്ടെങ്കിൽ, ഏതു​പ്ര​ശ്‌ന​ത്തി​ലും ദൈവം നിങ്ങളെ സഹായി​ക്കു​മെ​ന്നുള്ള യാഥാർത്ഥ്യ​ത്താൽ നിങ്ങൾക്കാ​ശ്വാ​സം കണ്ടെത്താ​വു​ന്ന​താണ്‌. “നിങ്ങളു​ടെ പരി​ശോ​ധന മനുഷ്യാ​തീ​തമല്ല. നിങ്ങളു​ടെ ശക്തിക്ക​തീ​ത​മാ​യി പരീക്ഷി​ക്ക​പ്പെ​ടാ​തി​രി​ക്കാ​നും അതിൽനിന്ന്‌ രക്ഷപ്പെ​ടാ​നും, അങ്ങനെ ഉറച്ചു നിൽക്കു​ന്ന​തി​നും ദൈവത്തെ ആശ്രയി​ക്കാ​വു​ന്ന​താണ്‌” എന്ന്‌ ബൈബിൾ പറയുന്നു. (1 കൊരി​ന്ത്യർ 10:13, ഒരു അമേരി​ക്കൻ പരിഭാഷ) നിങ്ങൾക്ക്‌ മറ്റെന്തു കൂടെ ചോദി​ക്കാ​വു​ന്ന​താണ്‌?

സഹായ​ത്തി​നു​വേണ്ടി പ്രാർത്ഥി​ക്കു​ക​യും അതേ സമയം ദുഷിച്ച പുസ്‌ത​കങ്ങൾ വായി​ക്കു​ന്ന​തി​നും ദുഷിച്ച ചലച്ചി​ത്ര​ങ്ങൾക്ക്‌ പോകു​ന്ന​തി​നും വിപരീ​ത​ലിം​ഗ​ത്തിൽപ്പെട്ട ആരെ​യെ​ങ്കി​ലും ദിവാ​സ്വ​പ്‌നം കാണു​ന്ന​തി​നും അവരു​മാ​യി മേളാ​ങ്കി​ക്കു​ന്ന​തി​നും സാദ്ധ്യമല്ല. പ്രാർത്ഥ​നക്ക്‌ വലിയ ഒരു പ്രാമു​ഖ്യ​ത​യു​ണ്ടെ​ങ്കി​ലും—ഏത്‌ വ്യക്തി ബന്ധത്തി​ലും ആശയ വിനി​യമം അത്യന്താ​പേ​ക്ഷി​ത​മാ​യി​രി​ക്കു​ന്ന​തു​പോ​ലെ—നിങ്ങൾ പ്രാർത്ഥ​ന​യിൽ അപേക്ഷി​ക്കു​ന്ന​തി​നു​വേണ്ടി നിങ്ങൾ പ്രവർത്തി​ക്കേ​ണ്ട​താണ്‌!—ലൂക്കോസ്‌ 11:9, 13.

ശോഭ​ന​മായ ഒരു ഭാവി

എന്നാൽ ദൈവം വാഗ്‌ദാ​നം ചെയ്‌തി​രി​ക്കുന്ന നിരവധി ഭാവി അനു​ഗ്ര​ഹ​ങ്ങ​ളു​മാ​യി താരത​മ്യം ചെയ്യു​മ്പോൾ നിങ്ങൾ കൊടു​ക്കേണ്ട വില—ദൈവ​വു​മാ​യുള്ള നിങ്ങളു​ടെ സുഹൃ​ദ്‌ബന്ധം നിലനിർത്താ​നുള്ള നിങ്ങളു​ടെ ശ്രമം—വളരെ തുച്ഛമാണ്‌. “യഹോവ നമുക്ക്‌ ശോഭ​ന​മായ ഒരു ഭാവി വച്ചു നീട്ടുന്നു: ഒരു പരദീ​സ​യി​ലെ നിത്യ​സ​ന്തു​ഷ്ടി​യുള്ള ഒരു ജീവിതം! ഇത്‌ യാതൊ​രു മനുഷ്യ​നും വാഗ്‌ദാ​നം ചെയ്യാൻ കഴിയാ​ത്ത​താണ്‌!” എന്ന്‌ 17 വയസുള്ള നോയി പറയുന്നു.

“അൽപ്പകാ​ലം കൂടെ കഴിഞ്ഞാൽ ദുഷ്ടൻ ഉണ്ടായി​രി​ക്കു​ന്നതല്ല . . . നീതി​മാൻ ഭൂമിയെ അവകാ​ശ​മാ​ക്കു​ക​യും അതിൽ എന്നേക്കും വസിക്കു​ക​യും ചെയ്യും.” (സങ്കീർത്തനം 37:10, 29) “സകല നല്ല ദാനങ്ങ​ളു​ടെ​യും സകല സമ്പൂർണ്ണ വരങ്ങളു​ടെ​യും” ദാതാ​വെന്ന നിലയിൽ യഹോവ തന്റെ വിശ്വസ്‌ത യുവസാ​ക്ഷി​കൾക്ക്‌ അനു​ഗ്രഹം നൽകു​ന്ന​തിൽ സന്തുഷ്ട​നാണ്‌.—യാക്കോബ്‌ 1:5, 17; സങ്കീർത്തനം 35:27; 84:11, 12; 149:4.

അതു​കൊണ്ട്‌ ദൈവ​ത്തി​ന്റെ സുഹൃ​ത്താ​യി​രി​ക്കു​ന്ന​തിൽ കാര്യ​മുണ്ട്‌. ദൈവം നിങ്ങൾക്കു​വേണ്ടി കരുതു​ന്നു. നിങ്ങൾക്കൊ​രു പ്രശ്‌ന​മു​ള്ള​പ്പോൾ അവൻ സഹായി​ക്കാ​നാ​ഗ്ര​ഹി​ക്കു​ന്നു. അവൻ എപ്പോ​ഴും ലഭ്യനാണ്‌. ജീവി​ത​ത്തി​ലെ ഏതൊരു പ്രശ്‌ന​ത്തി​ലും നിങ്ങളെ സഹായി​ക്കാൻ അവന്‌ ശക്തിയുണ്ട്‌. യഹോ​വക്കു മാത്രമേ നിങ്ങൾക്ക്‌ നിത്യ​ജീ​വൻ തരാൻ സാധി​ക്ക​യു​ള്ളു. അത്‌ ദൈവ​സു​ഹൃ​ത്തു​ക്ക​ളു​ടെ മാത്രം സ്വത്താണ്‌.—വെളി​പ്പാട്‌ 21:3, 4; മത്തായി 25:46. (g87 11/22)

[25-ാം പേജിലെ ചിത്രം]

“അബ്രഹാം ‘യഹോ​വ​യു​ടെ സ്‌നേ​ഹി​തൻ’ എന്ന്‌ വിളി​ക്ക​പ്പെട്ടു. യേശു തന്റെ അനുഗാ​മി​കളെ ‘എന്റെ സ്‌നേ​ഹി​തൻ’ എന്നു വിളിച്ചു . . . അതു​കൊണ്ട്‌ എനിക്കും അവരുടെ സ്‌നേ​ഹി​ത​നാ​കാൻ കഴിയും!”