ഇൻഡ്യ​യി​ലെ കത്തോ​ലി​ക്കാ​സഭ—അത്‌ എങ്ങോട്ടു പോകു​ന്നു?

ഇൻഡ്യയിലെ ഉണരുക! ലേഖകൻ

അതു ജനസം​ഖ്യ​യു​ടെ ഒരു ചെറിയ ന്യൂന​പ​ക്ഷത്തെ പ്രതി​നി​ധാ​നം ചെയ്യുന്നു. മിക്ക​പ്പോ​ഴും അത്‌ ഒരു വിദേശ നുഴഞ്ഞു​ക​യ​റ്റ​ക്കാ​ര​നാ​യി വീക്ഷി​ക്ക​പ്പെ​ടു​ന്നു. ഇൻഡ്യൻ മണ്ണിൽ പിറന്ന​താ​യി പരിഗ​ണി​ക്ക​പ്പെ​ടുന്ന വിശ്വാ​സ​ങ്ങ​ളോ​ടു പറ്റി​നിൽക്കുന്ന ഭൂരി​പക്ഷം അതിനെ സംശയ​ത്തോ​ടെ​യാ​ണു നോക്കു​ന്നത്‌. എന്നാൽ ഇൻഡ്യ​യി​ലെ കത്തോ​ലി​ക്കാ സഭയ്‌ക്ക്‌ നിസ്സം​ശ​യ​മാ​യി ഈ ഉപഭൂ​ഖ​ണ്ഡ​ത്തിൽ ഒരു ചുവടുണ്ട്‌. അത്‌ അവിടെ ഉറച്ചു​നിൽക്കാൻ ആഗ്രഹി​ക്കു​ക​യും ചെയ്യുന്നു. ഈ ലക്ഷ്യത്തി​ലെ​ത്തു​ന്ന​തിന്‌ സഭ എന്താണു ചെയ്യു​ന്നത്‌? അതു വിജയി​ക്കു​മോ? ചുരു​ക്ക​ത്തിൽ സഭ എങ്ങോ​ട്ടാ​ണു പോകു​ന്നത്‌?

കത്തോ​ലി​ക്കാ​സഭ ഇൻഡ്യ​യി​ലെ മതങ്ങളിൽ ഏറ്റം പ്രധാ​ന​പ്പെ​ട്ട​ത​ല്ലാ​യി​രി​ക്കാം—14 ദശലക്ഷ​ത്തോ​ട​ടു​ത്തു വരുന്ന ഇവിടത്തെ അതിന്റെ അംഗങ്ങൾ രാഷ്‌ട്ര​ത്തി​ലെ നിവാ​സി​ക​ളു​ടെ 2 ശതമാ​ന​ത്തിൽ താഴെ മാത്രമേ ഉള്ളു. എന്നിരു​ന്നാ​ലും, 1986 ഫെബ്രു​വ​രി​യിൽ ജോൺ പോൾ രണ്ടാമൻ പാപ്പാ ഇൻഡ്യ​യിൽ ഒരു ദശദിന സന്ദർശനം നടത്തി​യ​പ്പോൾ ലോക​ക​ത്തോ​ലി​ക്കാ പ്രസ്ഥാ​ന​ത്തിൽ ഇൻഡ്യൻ കത്തോ​ലി​ക്കാ സഭക്കുള്ള പ്രാധാ​ന്യം ഉയർത്തി​ക്കാ​ണി​ക്ക​പ്പെട്ടു. അദ്ദേഹ​ത്തി​ന്റെ 14-നഗര പര്യട​ന​ത്തിൽ കേരള സംസ്ഥാ​ന​ത്തി​ലേ​ക്കുള്ള ഒരു സന്ദർശ​ന​വും ഉൾപ്പെ​ടു​ത്തി​യി​രു​ന്നു. ഇൻഡ്യ​യി​ലെ കത്തോ​ലി​ക്ക​രു​ടെ അധിക​പ​ങ്കും കേന്ദ്രീ​ക​രി​ച്ചി​രി​ക്കു​ന്നത്‌ അവി​ടെ​യാണ്‌.

സഭയുടെ ദൃഷ്ടി​യിൽ കേരളം ഒരു രത്‌നം പോലെ തിളങ്ങു​ന്നു. അത്‌ ഇൻഡ്യ​യി​ലെ കത്തോ​ലി​ക്കാ​ശ​ക്തി​യു​ടെ ഇരിപ്പി​ട​മാണ്‌. സഭ സംസ്ഥാ​നത്തെ ഏറ്റം വലിയ സംഘടിത സ്ഥാപന​ങ്ങ​ളി​ലൊ​ന്നു​മാണ്‌. കേരളം രാഷ്‌ട്ര​ത്തി​ലെ ക്രിസ്‌ത്യാ​നി​ത്വ​ത്തി​ന്റെ ഭവനമാ​യും വിചാ​രി​ക്ക​പ്പെ​ടു​ന്നു. പരമ്പരാ​ഗത വിശ്വാ​സ​മ​നു​സ​രിച്ച്‌ യേശു​ക്രി​സ്‌തു​വി​ന്റെ 12 അപ്പോ​സ്‌ത​ലൻമാ​രിൽ ഒരുവ​നായ തോമസ്‌ മശിഹാ​യു​ടെ മരണ​ശേഷം കേരള​ത്തി​ലെ മലബാർ തീരത്ത്‌ വന്നെത്തി.

എന്നിരു​ന്നാ​ലും, ഏതാണ്ടു 14 നൂറ്റാ​ണ്ടു​കൾക്കു ശേഷമേ റോമൻ കത്തോ​ലി​ക്കാ സഭ ഇൻഡ്യ​യിൽ വന്നുള്ളു. പോർട്ടു​ഗീസ്‌ പര്യ​വേ​ക്ഷ​ക​രും അവരെ പിന്തു​ടർന്ന മിഷന​റി​മാ​രും ഇൻഡ്യ​യു​ടെ പശ്ചിമ തീരത്തെ ഒരു മുൻ പോർട്ടു​ഗീസ്‌ കോള​നി​യായ ഗോവ​യി​ലേക്കു റോമാ​സ​ഭയെ കൊണ്ടു​വന്നു. അവി​ടെ​നിന്ന്‌ വിശ്വാ​സി​കൾ തെക്കോ​ട്ടു യാത്ര ചെയ്‌ത്‌ കേരള​ത്തിൽ വന്നു.

കത്തോ​ലി​ക്കാ​സഭ തദ്ദേശ​വാ​സി​ക​ളു​ടെ ദൃഷ്ടി​യിൽ ദീർഘ​നാൾ ഒരു വിരോ​ധാ​ഭാ​സ​മാ​യി നില​കൊ​ണ്ടു. ധാരാ​ള​മാ​ളു​കൾ സഭയെ രാജ്യ​ത്തെ​മ്പാ​ടു​മുള്ള അതിന്റെ വിദ്യാ​ഭ്യാ​സ, സാമൂ​ഹിക, വൈദ്യ സേവന​ങ്ങൾക്കാ​യി പുകഴ്‌ത്തു​മ്പോൾത്തന്നെ, സഭയുടെ സാന്നി​ദ്ധ്യ​ത്തി​ന്റെ പിമ്പിലെ യഥാർത്ഥ ഉദ്ദേശ്യ​മെന്ന്‌ അവർ കാണുന്ന മതപരി​വർത്ത​നത്തെ അവർ പുച്ഛി​ക്കു​ന്നു.

‘മതപരി​വർത്തന’മാണോ ലക്ഷ്യം?

ഹൈന്ദവ മൗലി​ക​വാദ സംഘട​നകൾ പാപ്പാ​യു​ടെ സാന്നി​ദ്ധ്യം​തന്നെ ക്രിസ്‌ത്യാ​നി​ത്വ​ത്തി​ലേക്ക്‌ കൂട്ട​ത്തോ​ടെ​യുള്ള പരിവർത്ത​നത്തെ പ്രോൽസാ​ഹി​പ്പി​ക്കു​മെന്ന്‌ മുന്നറി​യി​പ്പു​കൊ​ടു​ത്ത​പ്പോൾ സഭ ഇൻഡ്യാ​ക്കാ​രെ പരിവർത്തനം ചെയ്യി​ക്കാൻ ആഗ്രഹി​ക്കു​ന്നു​വെന്ന ആശയ​ത്തോട്‌ അകന്നു​നിൽക്കാൻ അതു സാദ്ധ്യ​മാ​യ​തെ​ല്ലാം ചെയ്‌തു. “ആരും ഭയപ്പെ​ടേ​ണ്ട​തില്ല” എന്ന്‌ ഇൻഡ്യ​യി​ലെ കാത്തലിക്ക്‌ ബിഷപ്പ്‌സ്‌ കോൺഫ​റൻസി​ന്റെ പ്രസി​ഡണ്ട്‌ പറഞ്ഞു. “പരിശുദ്ധ പിതാവ്‌ ആളുക​ളു​ടെ മതം മാറ്റാ​നല്ല വരുന്നത്‌.” അല്‌പ​വും കൂടെ ദൃഢത​യു​ള്ള​താ​യി​രു​ന്നു ഒരു ഇൻഡ്യൻ ആർച്ച്‌ ബിഷപ്പി​ന്റെ പ്രസ്‌താ​വന: “കത്തോ​ലി​ക്കാ​സഭ മതപരി​വർത്ത​നത്തെ ശക്തമായി എതിർക്കു​ന്നു. അത്‌ മതസ്വാ​ത​ന്ത്ര്യ​ത്തി​ലേ​ക്കുള്ള കൈക​ട​ത്ത​ലാണ്‌. ഞങ്ങൾ അതിനെ അപലപി​ക്കു​ന്നു, കുറ്റ​പ്പെ​ടു​ത്തു​ന്നു.”

പോപ്പി​നെ​ത്ത​ന്നെ സംബന്ധി​ച്ചെന്ത്‌? “കത്തോ​ലി​ക്കാ​സഭ ഇൻഡ്യ​യി​ലെ മതപാ​ര​മ്പ​ര്യ​ങ്ങ​ളിൽ ഉൾക്കൊ​ണ്ടി​രി​ക്കുന്ന സത്യങ്ങളെ തിരി​ച്ച​റി​യു​ന്നു, ഈ തിരി​ച്ച​റിവ്‌ യഥാർത്ഥ സംഭാ​ഷ​ണത്തെ സാദ്ധ്യ​മാ​ക്കു​ന്നു”വെന്ന്‌ ഹിന്ദു​മ​ത​ത്തെ​യും സൊരാ​ഷ്‌ട്ര​മ​ത​ത്തെ​യും ബുദ്ധമ​ത​ത്തെ​യും ജൈന​മ​ത​ത്തെ​യും സിക്ക്‌മ​ത​ത്തെ​യും യഹൂദ​മ​ത​ത്തെ​യും ഇസ്ലാം മതത്തെ​യും ക്രിസ്‌ത്യാ​നി​ത്വം അവകാ​ശ​പ്പെ​ടുന്ന ചില​രെ​യും പ്രതി​നി​ധാ​നം ചെയ്യുന്ന ഒരു സദസ്സി​നോ​ടു അദ്ദേഹം പറഞ്ഞു. മറ്റൊ​രു സന്ദർഭ​ത്തിൽ “ഞങ്ങളുടെ ഹിന്ദു മുസ്ലീം സഹോ​ദ​രീ​സ​ഹോ​ദ​രൻമാ​രോ​ടും മറ്റു മതപാ​ര​മ്പ​ര്യ​ങ്ങ​ള​നു​സ​രി​ക്കു​ന്ന​വ​രോ​ടു​മുള്ള ഞങ്ങളുടെ ഐക്യ​ദാർഢ്യ​ത്തെ ഞങ്ങൾ വിളം​ബരം ചെയ്യുന്നു” എന്നു പ്രസ്‌താ​വി​ച്ചു​കൊണ്ട്‌ അദ്ദേഹം മറ്റു വിശ്വാ​സ​ങ്ങളെ സംബന്ധിച്ച ഒരു സമാനമന:സ്ഥിതി അവകാ​ശ​പ്പെട്ടു.”

ഈ പ്രഖ്യാ​പിത ഐക്യ​ദാർഢ്യം വാക്കു​ക​ളിൽ മാത്രമല്ല പ്രകട​മാ​യത്‌. പാപ്പാ​യു​ടെ സന്ദർശ​ന​വേ​ള​യിൽ കൽക്കട്ട​യി​ലെ കാളി​ഘ​ട്ടി​ലുള്ള പ്രസിദ്ധ കാളീ​ക്ഷേ​ത്ര​ത്തി​ലെ പുരോ​ഹി​തൻ അദ്ദേഹത്തെ ഹാരമ​ണി​യി​ച്ചു.a മറ്റൊ​രു സമയത്ത്‌ അദ്ദേഹം തന്റെ നെറ്റി​യിൽ ഒരു ഹൈന്ദവ പുരോ​ഹി​ത​നിൽ നിന്ന്‌ വിഭൂതി അഥവാ വിശു​ദ്ധ​ഭ​സ്‌മം സ്വീക​രി​ക്കു​ക​യും ഇസ്ലാമിക വിശ്വാ​സ​ത്തി​ന്റെ പ്രതീ​കങ്ങൾ പ്രദർശി​പ്പിച്ച ഒരു മുസ്ലീം പൊന്നാട ധരിക്കു​ക​യും ചെയ്‌തു.

ഇതൊ​ക്കെ​യാ​ണെ​ങ്കി​ലും, പാപ്പാ ഇൻഡ്യൻ ബിഷപ്പൻമാ​രെ അഭിസം​ബോ​ധന ചെയ്‌ത​പ്പോൾ ഇൻഡ്യ​യി​ലെ സഭയുടെ ക്ഷേമത്തെ ബാധി​ക്കുന്ന മുഖ്യ​പ്ര​ശ്‌ന​ങ്ങ​ളി​ലൊ​ന്നാ​യി അദ്ദേഹം “സുവി​ശേ​ഷ​ഘോ​ഷണ”ത്തെ വിവരി​ക്കു​ക​യു​ണ്ടാ​യി. എന്നാൽ ഏതുതരം സുവി​ശേ​ഷ​ഘോ​ഷ​ണ​മാണ്‌ പോപ്പി​ന്റെ മനസ്സി​ലു​ണ്ടാ​യി​രു​ന്നത്‌? സാമൂ​ഹി​ക​നീ​തി​ക്കും സാമ്പത്തിക പുരോ​ഗ​തി​ക്കും വേണ്ടി​യുള്ള പരിപാ​ടി​ക​ളി​ലൂ​ടെ വേണം സുവി​ശേ​ഷ​വ്യാ​പനം നടക്കാൻ എന്ന്‌ അദ്ദേഹം ഊന്നി​പ്പ​റ​ഞ്ഞത്‌ ആശ്ചര്യമല്ല.

“സഭയുടെ സുവി​ശേ​ഷീ​കരണ ദൗത്യ​ത്തിൽ നീതി​ക്കും സമാധാ​ന​ത്തി​നും സംയോ​ജിത മാനവ വളർച്ച​ക്കും വേണ്ടി​യുള്ള സ്ഥായി​യായ ഊർജ്ജിത പ്രവർത്തനം ഉൾപ്പെ​ടു​ന്നു. ഈ പ്രവൃ​ത്തി​കൾ സുവി​ശേ​ഷീ​ക​ര​ണ​വേ​ലയെ തള്ളിപ്പ​റ​യാ​നാ​ണെന്ന്‌ സങ്കൽപ്പി​ക്ക​രുത്‌; അത്‌ യേശു​വി​ന്റെ ദൃഷ്ടാ​ന്ത​ത്തോ​ടുള്ള അവിശ്വ​സ്‌ത​ത​യാ​യി​രി​ക്കും” എന്ന്‌ പാപ്പാ പ്രസ്‌താ​വി​ച്ചു.

“തങ്ങളുടെ സഹോ​ദ​രീ​സ​ഹോ​ദ​രൻമാ​രു​ടെ മാന്യ​ത​യേ​യും സ്വാത​ന്ത്ര്യ​ത്തേ​യും ഉന്നമി​പ്പി​ച്ചി​ട്ടുള്ള എല്ലാവ​രും ക്രിസ്‌തു​വി​ന്റെ ദൃഷ്ടി​യിൽ അനുഗൃ​ഹീ​ത​രാണ്‌” എന്നു പാപ്പാ പ്രഖ്യാ​പി​ച്ചു. അതു​കൊണ്ട്‌, ഇൻഡ്യൻ പ്രസ്സ്‌ ഉചിത​മാ​യി ഇങ്ങനെ പ്രസ്‌താ​വി​ച്ചു: “ഇപ്പോൾ ഒരു മതമെന്ന നിലയിൽ ക്രിസ്‌ത്യാ​നി​ത്വ​ത്തെ വ്യാപി​പ്പി​ക്കു​ക​യെന്ന ഇടുങ്ങിയ അക്ഷരാർത്ഥ​ത്തിൽ സുവാർത്ത പ്രസം​ഗി​ക്കു​ന്ന​തി​നെ​ക്കു​റിച്ച്‌ ആരും തന്നെ—അത്യന്തം യാഥാ​സ്ഥി​തി​ക​രും സഭാപു​രോ​ഹി​താ​ധി​പ​ത്യ​ത്തി​ലെ പാരമ്പ​ര്യാ​നു​കൂ​ലി​ക​ളു​മാ​യ​വർപോ​ലും—സംസാ​രി​ക്കു​ന്നില്ല.”

ഒരു ഹിന്ദു—കത്തോ​ലി​ക്കാ​സഭ

കത്തോ​ലി​ക്കാ​സ​ഭ​യു​ടെ വിദേ​ശീയ അംശം കുറച്ച്‌ കൂടുതൽ ഭാരതീ​യ​മാ​ക്കാൻ സഭ അതിന്റെ ആരാധ​ന​യിൽ ഒരു അനുകൂ​ല​ന​പ​രി​പാ​ടി​ക്കു പ്രോൽസാ​ഹി​പ്പി​ച്ചി​രി​ക്കു​ന്നു. അങ്ങനെ ചില കത്തോ​ലി​ക്കാ പുരോ​ഹി​തൻമാർ ഒരു ഹൈന്ദ​വാ​ശ്ര​മ​ത്തി​ലെ​ന്ന​പോ​ലെ തറയി​ലി​രുന്ന്‌ പ്രാർത്ഥ​നകൾ വായി​ക്കും; പാശ്ചാ​ത്യ​കീർത്ത​ന​ങ്ങൾക്കു​പ​കരം വേദമ​ന്ത്രങ്ങൾ ഉപയോ​ഗി​ക്ക​പ്പെ​ട്ടേ​ക്കാം. പല ചടങ്ങു​കൾക്കും മുമ്പ്‌ ഹൈന്ദവ നിലവി​ളക്കു കത്തി​ച്ചേ​ക്കാം.

ഒരു കത്തോ​ലി​ക്കാ അൽമാ​യ​ക്കാ​രൻ പറയു​ന്ന​ത​നു​സ​രിച്ച്‌ “ഹിന്ദു മതത്തി​ലെ​യും മറ്റു മതങ്ങളി​ലെ​യും സാർവ്വ​ത്രിക ഘടകങ്ങളെ തിരി​ച്ച​റി​യു​ക​യും അവയോ​ടു ബന്ധപ്പെട്ട പ്രതീ​ക​ങ്ങ​ളെ​യും കർമ്മങ്ങ​ളെ​യും നമ്മുടെ ആരാധ​ന​യിൽ ഉൾപ്പെ​ടു​ത്തു​ക​യും ചെയ്‌ത്‌ അതിനെ പൂർണ്ണ​മാ​ക്കു​ക​യും പിന്താ​ങ്ങു​ക​യും ചെയ്യു​ക​യെ​ന്ന​താണ്‌ ആശയം.” കേരള​ത്തി​ലെ അനേകം പള്ളിക​ളിൽ നടക്കുന്ന മതകർമ്മ​ങ്ങ​ളും ആരാധ​നാ​രീ​തി​ക​ളും കത്തോ​ലി​ക്കാ പാരമ്പ​ര്യ​ങ്ങ​ളു​ടെ​യും ഹൈന്ദ​വാ​ചാ​ര​ങ്ങ​ളു​ടെ​യും ഒരു സുനി​ശ്ചിത സങ്കലന​മാണ്‌.

സഭ എങ്ങോട്ടു പോകു​ന്നു?

ഇൻഡ്യ​യി​ലാ​യി​രു​ന്ന​പ്പോൾ, “ലോക​പ്ര​ശ്‌ന​ങ്ങ​ളു​ടെ പരിഹാ​രം മാനു​ഷ​ഹൃ​ദ​യ​ത്തി​ലാ​ണു സ്ഥിതി​ചെ​യ്യു​ന്ന​തെന്ന്‌ സകല ജനങ്ങളു​ടെ​യും നേതാ​ക്കൻമാർ വിശ്വ​സി​ക്കു​ക​യും ആ വിശ്വാ​സ​പ്ര​കാ​രം പ്രവർത്തി​ക്കു​ക​യും ചെയ്യേ​ണ്ട​താണ്‌” എന്ന്‌ പാപ്പാ മോഹൻദാസ്‌ ഗാന്ധി​യു​ടെ ഉപദേ​ശ​ങ്ങളെ പരാമർശി​ച്ചു​കൊണ്ട്‌ വാദി​ക്കു​ക​യു​ണ്ടാ​യി. “‘ശാശ്വത ജ്ഞാനവും സത്യവും’ ഉൾക്കൊ​ള്ളു​ന്ന​തും ജീവി​ത​ത്തിൽ മുന്നേ​റു​ന്ന​തിന്‌ തങ്ങളെ പ്രചോ​ദി​പ്പി​ക്കു​ന്ന​തു​മായ പൂർവ്വിക യോഗി​വ​ര്യൻമാ​രു​ടെ ഉപദേ​ശങ്ങൾ പിൻപ​റ്റാൻ” അദ്ദേഹം യുവാ​ക്ക​ളെ​യും പ്രോൽസാ​ഹി​പ്പി​ച്ചു.

ഇതെല്ലാം യേശു​ക്രി​സ്‌തു പഠിപ്പി​ച്ച​തിൽനിന്ന്‌ എത്രയോ വ്യത്യ​സ്‌ത​മാണ്‌! അവന്റെ പഠിപ്പി​ക്ക​ലു​ക​ളു​ടെ മുഖ്യ​വി​ഷയം, ദാരി​ദ്ര്യ​വും രോഗ​വും സാമൂ​ഹ്യാ​നീ​തി​യു​മെ​ല്ലാം പൂർണ്ണ​മാ​യി തുടച്ചു​നീ​ക്കുന്ന ഒരു ലോക​ഗ​വൺമെൻറ്‌, വരാനി​രി​ക്കുന്ന ഒരു ദൈവ​രാ​ജ്യം, ആയിരു​ന്നു. (മത്തായി 9:35) മനുഷ്യ​വർഗ്ഗ​ത്തി​ന്റെ പ്രശ്‌ന​ങ്ങ​ളു​ടെ ഏകപരി​ഹാ​ര​മാ​യി മുഴു​ബൈ​ബി​ളും ഊന്നി​പ്പ​റ​യു​ന്നത്‌ ഈ രാജ്യ​ത്തെ​യാണ്‌. തന്റെ പ്രാർത്ഥ​ന​യിൽ “നിന്റെ വചനം സത്യമാ​കു​ന്നു” എന്ന്‌ പറഞ്ഞ​പ്പോൾ യേശു ദൈവ​ത്തി​ന്റെ വാഗ്‌ദ​ത്ത​ത്തിൽ സമ്പൂർണ്ണ​മായ ആശ്രയം പ്രകട​മാ​ക്കി. (യോഹ​ന്നാൻ 17:17) കൂടാതെ “ഒന്നാമതു രാജ്യ​വും അവന്റെ നീതി​യും അന്വേ​ഷി​ച്ചു​കൊ​ണ്ടേ​യി​രി​ക്കുക” എന്ന്‌ അവൻ തന്റെ അനുഗാ​മി​കളെ ശക്തമായി ഉപദേ​ശി​ച്ചു.—മത്തായി 6:33.

മറ്റു വിശ്വാ​സ​ങ്ങ​ളു​മാ​യി സഹകരി​ച്ചുള്ള പ്രവർത്ത​നത്തെ സംബന്ധി​ച്ചെന്ത്‌? ബൈബിൾ സത്യവി​ശ്വാ​സി​കൾക്ക്‌ വ്യക്തമായ മുന്നറി​യി​പ്പു കൊടു​ക്കു​ന്നു: “അവിശ്വാ​സി​ക​ളു​മാ​യി ഇണയി​ല്ലാ​പ്പിണ കൂടരുത്‌. എന്തെന്നാൽ നീതി​ക്കും അധർമ്മ​ത്തി​നും തമ്മിൽ എന്തു കൂട്ടാ​യ്‌മ​യാ​ണു​ള്ളത്‌?”—2 കൊരി​ന്ത്യർ 6:14; ആവർത്തനം 12:30,31.

അപ്പോൾ ഇൻഡ്യ​യി​ലെ കത്തോ​ലി​ക്കാ സഭ അതു സുനി​ശ്ചി​ത​മെന്നു കരുതുന്ന ഒരു ദിശയിൽ—അതിന്റെ ഇവിടത്തെ നില ഭദ്രമാ​ക്കുന്ന ഒന്നി​ലേക്ക്‌—നീങ്ങു​മ്പോൾ അത്‌ യഥാർത്ഥ​ത്തിൽ ബൈബിൾ സത്യത്തിൽ നിന്ന്‌ കൂടുതൽ അകലു​ക​യാണ്‌. എന്നിരു​ന്നാ​ലും, അത്‌ അങ്ങനെ ചെയ്യു​മ്പോൾത്തന്നെ, യേശു​വി​ന്റെ ഉപദേ​ശ​ങ്ങ​ളും കത്തോ​ലി​ക്കാ​സ​ഭ​യു​ടെ ഉപദേ​ശ​ങ്ങ​ളും തമ്മിലുള്ള വ്യത്യാ​സം കാണാൻ അധിക​മ​ധി​ക​മാ​ളു​കൾ ആഹ്വാനം ചെയ്യ​പ്പെ​ടു​ക​യാണ്‌. ഏതു വിധത്തിൽ?

ഇപ്പോൾ, ഇൻഡ്യ​യി​ലു​ട​നീ​ള​മുള്ള 8,000-ത്തിലധി​കം യഹോ​വ​യു​ടെ സാക്ഷികൾ ഏകമന​സ്സോ​ടെ ബൈബിൾ സത്യത്തെ ഉയർത്തി​പ്പി​ടി​ക്കു​ന്നു. ദൈവ​ത്തി​ന്റെ രാജ്യ​ഭ​ര​ണ​ത്തിൻ കീഴിലെ അനന്തസ​മാ​ധാ​ന​ത്തി​ന്റെ വാഗ്‌ദ​ത്തത്തെ വിലമ​തി​ക്കു​ന്ന​തിന്‌ താൽപ്പ​ര്യ​ക്കാ​രെ സഹായി​ക്കാൻ അവർ ആഗ്രഹി​ക്കു​ന്നു. കത്തോ​ലി​ക്കാ​സ​ഭ​യിൽ നിന്നും മറ്റു മതങ്ങളിൽ നിന്നും വ്യത്യ​സ്‌ത​മാ​യി അവർ രാഷ്‌ട്ര​ങ്ങ​ളു​ടെ യുദ്ധങ്ങ​ളി​ലോ രാഷ്‌ട്രീയ വിവാ​ദ​ങ്ങ​ളി​ലോ പങ്കെടു​ക്കു​ന്നില്ല. (യെശയ്യാവ്‌ 2:2-4) സാക്ഷികൾ എന്തു​കൊ​ണ്ടാ​ണു വ്യത്യ​സ്‌ത​രാ​യി​രി​ക്കു​ന്ന​തെ​ന്നും ബൈബി​ളി​നോട്‌ അനുരൂ​പ​പ്പെ​ടാൻ അവർക്ക്‌ എങ്ങനെ കഴിയു​ന്നു​വെ​ന്നും അറിയാൻ നിങ്ങളാ​ഗ്ര​ഹി​ക്കു​ന്നു​വെ​ങ്കിൽ ഈ മാസി​ക​യു​ടെ പ്രസാ​ധ​ക​രോട്‌ എഴുതി ചോദി​ക്കുക. (g87 9/22)

[അടിക്കു​റി​പ്പു​കൾ]

[14-ാം പേജിലെ ചിത്രങ്ങൾ]

ഹൈന്ദവയോഗാസനത്തിലിരിക്കുന്ന യേശു​ക്രി​സ്‌തു​വി​ന്റെ പ്രതിമ. താഴെ ‘ഓം’ മന്ത്രം എഴുതി​യി​രി​ക്കു​ന്നു, അതിനു​താ​ഴെ ദാവീ​ദി​ന്റെ നക്ഷത്രം

നെറ്റിയിൽ തിലക​മ​ണിഞ്ഞ്‌ സാരി​യു​ടു​ത്തി​രി​ക്കുന്ന മറിയ​യു​ടെ പ്രതിമ