ഒരു കണ്ടുപി​ടു​ത്ത​ക്കാ​രൻ തന്റെ ഏറ്റവും മഹത്തായ കണ്ടുപി​ടു​ത്തം നടത്തുന്നു

ആ പ്രോ​ട്ട​സ്‌റ്റൻറ്‌ ഉണർവ്‌ ശുശ്രൂഷ അതിന്റെ പരമകാ​ഷ്‌ഠ​യി​ലേക്ക്‌ നീങ്ങു​ക​യാ​യി​രു​ന്നു. ഭ്രാന്ത​മായ വാചാ​ല​ത​യോ​ടെ സഞ്ചാര​പ്രാ​സം​ഗി​കൻ, ദുഷ്ടൻമാ​രെ എന്നെ​ന്നേ​ക്കും വറക്കുന്ന അഗ്നിന​ര​ക​ത്തി​ന്റെ ഭീകര​ത​കളെ വർണ്ണി​ക്കു​ക​യാ​യി​രു​ന്നു. അദ്ദേഹ​ത്തി​ന്റെ നാടകീ​യ​മായ അവതരണം സദസ്സിന്റെ ഭൂരി​ഭാ​ഗ​ത്തെ​യും സ്‌തബ്ധ​രാ​ക്കി​നിർത്തി. അപ്പോൾ അയാളു​ടെ ചുഴി​ഞ്ഞി​റ​ങ്ങുന്ന കണ്ണുകൾ ചിരി​ച്ചു​കൊ​ണ്ടി​രുന്ന രണ്ടു ചെറു​പ്പ​ക്കാ​രായ കുട്ടി​കളെ കണ്ടുപി​ടി​ച്ചു!—എന്റെ സഹോ​ദ​ര​നും ഞാനും. അയാളു​ടെ വാഗ്‌ധോ​രണി, ഞങ്ങളുടെ മേൽ ശാപവാ​ക്കു​കൾ ചൊരി​ഞ്ഞു​കൊണ്ട്‌ ക്രോ​ധ​മാ​യി മാറി. അത്‌ ഞങ്ങൾ ഭയഭക്തി കാണി​ക്കാ​ഞ്ഞി​ട്ടല്ല, ആ പ്രസം​ഗകൻ പറഞ്ഞതു​പോ​ലെ ദൈവ​ത്തിന്‌ അത്ര പൈശാ​ചി​ക​നാ​യി​രി​ക്കാൻ കഴിയു​മോ എന്ന്‌ ഞങ്ങൾ ഒന്നു സംശയി​ച്ചു.

കൂടാതെ ഞങ്ങളുടെ സഭയ്‌ക്കു പീഡനം വരാത്ത​തി​ലും എനിക്ക്‌ സംശയം തോന്നി​യി​രു​ന്നു. “നമ്മൾ എന്തു​കൊ​ണ്ടാണ്‌ പീഡി​പ്പി​ക്ക​പ്പെ​ടാ​ത്തത്‌?” എന്ന്‌ ഞാൻ എന്റെ അമ്മയോട്‌ ചോദി​ക്കു​മാ​യി​രു​ന്നു. “യേശു പറഞ്ഞു, ‘എന്നെ അവർ പീഡി​പ്പി​ച്ചി​രി​ക്കു​ന്നു​വെ​ങ്കിൽ നിങ്ങ​ളെ​യും അവർ പീഡി​പ്പി​ക്കും.’ പക്ഷേ നമ്മൾ പീഡി​പ്പി​ക്ക​പ്പെ​ടു​ന്നതേ ഇല്ല.”—യോഹ​ന്നാൻ 15:20.

ഞാൻ 1911-ൽ ഒഹാ​യോ​വി​ലെ സ്‌റ്റൗ​ട്ട്‌സ്‌ വില്ലി​ലാണ്‌ ജനിച്ചത്‌. എന്റെ ബാല്യ​കാ​ലം ഏകാന്ത​മാ​യി​രു​ന്നെന്ന്‌ ചിലർക്ക്‌ തോന്നി​യി​രി​ക്കാം. എന്റെ അടുത്ത​പ്രാ​യ​ക്കാ​രായ സഹോ​ദ​ര​ങ്ങ​ളാ​രും എനിക്കു​ണ്ടാ​യി​രു​ന്നില്ല. അയൽവാ​സി​ക​ളായ കുട്ടി​ക​ളു​മാ​യി കളിക്കാൻ എന്നെ അനുവ​ദി​ച്ചി​രു​ന്നില്ല. “അവർ ചീത്ത ഭാഷ പറയും,” എന്ന്‌ എന്റെ അമ്മ പറയു​മാ​യി​രു​ന്നു. അവൾ പറഞ്ഞത്‌ ശരിയാ​യി​രു​ന്നു, കാരണം അവർ അങ്ങനെ ചെയ്‌തി​രു​ന്നു. പക്ഷേ ഞാനൊ​രി​ക്ക​ലും ഏകനാ​യി​രു​ന്നില്ല. എനിക്ക്‌ ചെയ്യാൻ കൊച്ചു കൊച്ച്‌ പണിക​ളു​ണ്ടാ​യി​രു​ന്നു. പുതു​താ​യി വസ്‌തു​ക്കൾ കണ്ടുപി​ടി​ക്കു​ന്നത്‌ എനിക്ക്‌ ഇഷ്ടമാ​യി​രു​ന്നു. എനിക്ക്‌ എന്റെ തന്നെ കളിപ്പാ​ട്ടങ്ങൾ ഉണ്ടായി​രു​ന്നു. ഞാൻ ഒരു ചെറിയ പേപ്പർ മില്ല്‌ നിർമ്മിച്ച്‌ എനിക്കാ​വ​ശ്യ​മായ കടലാ​സും കവറു​ക​ളും ഉണ്ടാക്കി. ഞാൻ സ്വന്തമാ​യി ഒരു റേഡി​യോ സെറ്റ്‌ ഉണ്ടാക്കി. അതിലൂ​ടെ എനിക്ക്‌ ക്യൂബ​യിൽ നിന്നുള്ള പ്രക്ഷേ​പണം കിട്ടു​മാ​യി​രു​ന്നു.

എന്റെ പദ്ധതി​കൾക്ക്‌ ചെലവ​ഴി​ക്കാൻ പണത്തി​നു​വേണ്ടി ഞാൻ ചില ചില്ലറ​ജോ​ലി​കൾ ചെയ്‌തി​രു​ന്നു. എനിക്ക്‌ ഒരു ലോൺട്രി റൂട്ട്‌ ഉണ്ടായി​രു​ന്നു, മഞ്ഞുകാ​ലത്ത്‌ പള്ളിയി​ലെ നെരി​പ്പോട്‌ കത്തിച്ചി​രു​ന്നു, ഞായറാ​ഴ്‌ച​തോ​റും വലിയ പള്ളിമണി അടിച്ചി​രു​ന്നു—ഒരു ചെറു ബാലൻ ചെയ്‌തി​രുന്ന വലിയ മനുഷ്യ​രു​ടെ പണികൾ. മണിയ​ടി​ക്കു​ന്ന​തിന്‌, എനിക്ക്‌ മേല്‌പോട്ട്‌ ചാടി കയറിൽ പിടിച്ച്‌ താഴോട്ട്‌ തൂങ്ങണ​മാ​യി​രു​ന്നു. മണിയടി നിർത്തു​ന്ന​തിന്‌ കയറ്‌ മേല്‌പ്പോട്ട്‌ കയറ്റി വിടണ​മാ​യി​രു​ന്നു.

ഞാൻ വായന​യും വളരെ ഇഷ്ടപ്പെ​ട്ടി​രു​ന്നു. ഞങ്ങളുടെ ബുക്ക്‌ ഷെൽഫിൽ വളരെ കുറച്ചു പുസ്‌ത​ക​ങ്ങളെ ഉണ്ടായി​രു​ന്നു​ള്ളു, പക്ഷെ ബൈബിൾ എപ്പോ​ഴും പുറത്ത്‌ മേശമേൽ ഉണ്ടായി​രി​ക്കു​മാ​യി​രു​ന്നു. അത്‌ ഗ്രഹി​ക്കാൻ എനിക്ക്‌ അതീവ വാഞ്‌ഛ​യു​ണ്ടാ​യി​രു​ന്നു. ഞാൻ പ്രത്യേ​കിച്ച്‌ സുവി​ശേ​ഷ​ങ്ങ​ളും വെളി​പ്പാ​ടും ആവർത്തി​ച്ചാ​വർത്തിച്ച്‌ വായി​ച്ചി​രു​ന്നു. ഓ, വെളി​പ്പാ​ടിൽ ദൈവം എന്താണ്‌ നമ്മോട്‌ പറഞ്ഞി​രു​ന്നത്‌ എന്നറി​യാൻ ഞാൻ എത്ര ആഗ്രഹി​ച്ചി​രു​ന്നു! സൺഡേ സ്‌കൂൾ റ്റീച്ചർ, അവൾ തെര​ഞ്ഞെ​ടുത്ത 30 വാക്യങ്ങൾ കാണാതെ പറയു​ന്ന​വർക്ക്‌ ഒരു സൗജന്യ ബൈബിൾ വാഗ്‌ദാ​നം ചെയ്‌ത​പ്പോൾ ബൈബി​ളി​ലുള്ള എന്റെ താല്‌പ​ര്യം പെട്ടെന്ന്‌ വർദ്ധിച്ചു. ഞാൻ അത്‌ ചെയ്‌തു, അങ്ങനെ അഭിമാ​ന​ത്തോ​ടെ എന്റെ സ്വന്തം ബൈബി​ളി​ന്റെ ഉടമസ്ഥ​നാ​യി​ത്തീർന്നു.

അവളുടെ ലിസ്‌റ്റി​ലെ ഒരു തിരു​വെ​ഴുത്ത്‌ വർഷങ്ങ​ളാ​യി എന്നോട്‌ പറ്റി നിന്നി​ട്ടുണ്ട്‌—സങ്കീർത്തനം 34:7: “കർത്താ​വി​ന്റെ ദൂതൻ അവനെ ഭയപ്പെ​ടു​ന്ന​വ​രു​ടെ ചുറ്റും പാളയ​മി​റങ്ങി അവരെ വിടു​വി​ക്കു​ന്നു.” (ജെയിംസ്‌ രാജാ​വി​ന്റെ ഭാഷാ​ന്തരം) ആ വാക്യ​ത്തെ​ക്കു​റി​ച്ചുള്ള എന്റെ ഓർമ്മ എന്റെ ഒൻപതാ​മത്തെ വയസ്സു വരെ ചെല്ലുന്നു. അന്നെനിക്ക്‌ ഡബിൾ ലോബർ ന്യൂ​മോ​ണിയ പിടി​പെ​ട്ടി​രു​ന്നു. ഏതാനും വർഷങ്ങൾക്ക്‌ മുൻപ്‌ എന്റെ പെങ്ങൾ ഇതു പിടി​പെട്ട്‌ മരിച്ചു​പോ​യി​രു​ന്നു. അക്കാലത്ത്‌ ആൻറി​ബ​യോ​ട്ടി​ക്കു​കൾ ഇല്ലാ​തെ​യി​രു​ന്ന​തു​കൊണ്ട്‌ ഞാനും അവളുടെ പിന്നാലെ പോകു​മാ​യി​രു​ന്നു എന്ന്‌ തോന്നി. എന്റെ ആസന്നമ​ര​ണ​ത്തെ​ക്കു​റി​ച്ചു ഡോക്ടർ എന്റെ അമ്മയുടെ ചെവി​യിൽ മന്ത്രി​ക്കു​ന്നത്‌ ഞാൻ കേൾക്കു​ക​യു​ണ്ടാ​യി. “എന്നിരു​ന്നാ​ലും, “അദ്ദേഹം കൂട്ടി​ച്ചേർത്തു, “ഇവൻ ഒരു രണ്ടു മണിക്കൂ​റു​കൾ കൂടി അതിജീ​വി​ക്കു​ക​യാ​ണെ​ങ്കിൽ, ഇവൻ ജീവി​ച്ചേ​ക്കും.” ആ രണ്ടു മണിക്കൂർ ഞാൻ ജീവിച്ചു, കൂടെ വേറെ ഏതാനും ശത സഹസ്രം മണിക്കൂ​റു​ക​ളും.

ഇതിന്‌ ഏതാനും വർഷങ്ങൾക്കു​ശേഷം ഞങ്ങളുടെ സഭാശു​ശ്രൂ​ഷകൻ ഞങ്ങളെ സന്ദർശി​ക്കാൻ വന്നു. അദ്ദേഹം തനിക്ക്‌ ബൈബി​ളി​ന്റെ അമേരി​ക്കൻ പ്രമാ​ണ​ഭാ​ഷാ​ന്ത​ര​ത്തി​ന്റെ 1911-ലെ പതിപ്പ്‌ ലഭിച്ച കാര്യം പറഞ്ഞു. എന്നിട്ട്‌ അദ്ദേഹം എന്റെ കാതു​കളെ തരിപ്പിച്ച ഒരു കാര്യം പറഞ്ഞു: “ദൈവ​ത്തി​ന്റെ നാമം, യഹോവ, പഴയനി​യ​മ​ത്തി​ലു​ട​നീ​ളം ഉപയോ​ഗി​ച്ചി​രി​ക്കു​ന്നു.” ദൈവ​ത്തിന്‌ പേരോ? അവന്റെ പേര്‌ യഹോവ എന്നോ? ഇത്‌ അറിഞ്ഞ​പ്പോൾ ഞാൻ വളരെ ഉദ്വേ​ഗ​ഭ​രി​ത​നാ​യി. പക്ഷേ, “ഞാൻ കൂടുതൽ ഇഷ്ടപ്പെ​ടു​ന്നത്‌ ‘ദൈവം’ ആണ്‌” എന്ന്‌ എന്റെ അമ്മ പറഞ്ഞ​പ്പോൾ ഞാൻ നിരാ​ശ​നാ​യി. എനിക്ക്‌ ബൈബി​ളിൽ വളരെ താല്‌പ​ര്യം തോന്നു​ക​യും ഒരു ശുശ്രൂ​ഷ​ക​നാ​യി​ത്തീ​രാൻ ആഗ്രഹി​ക്കു​ക​യും ചെയ്‌തു. പക്ഷെ എനിക്ക്‌ ഞങ്ങളുടെ സഭാ പഠിപ്പി​ക്ക​ലു​ക​ളോട്‌ യോജി​ക്കാൻ കഴിഞ്ഞി​രു​ന്നില്ല. അതു​കൊണ്ട്‌ ഞാൻ ശാസ്‌ത്ര പഠനത്തിന്‌ കോള​ജിൽ പ്രവേ​ശി​ച്ചു.

എന്റെ കോളജ്‌ ജീവിതം അതു ആരംഭി​ക്കു​ന്ന​തിന്‌ മുമ്പ്‌ തന്നെ ഏതാണ്ട്‌ അവസാ​നി​ക്കു​ക​യും ചെയ്‌തു. യാത്ര​ച്ചെ​ലവ്‌ കുറയ്‌ക്കു​ന്ന​തിന്‌ ഞാൻ ഒരു മോ​ട്ടോർ സൈക്കിൾ വാങ്ങി​ക്കു​ക​യും അതിൽ എന്റെ സഹപാ​ഠി​യു​മൊത്ത്‌ കോള​ജി​ലേക്ക്‌ പോകു​മ്പോൾ പെട്ടെന്ന്‌ നിർത്തി​യി​ട്ടി​രി​ക്കുന്ന ഒരു ട്രക്കിന്റെ സമീപ​മെത്തി. അതിനെ ഒഴിവാ​ക്കു​വാൻ വേണ്ടി ഞാൻ വെട്ടി​ച്ച​പ്പോൾ ഒരു 40-അടി (12 മീ.) കുന്നിന്റെ മുകളിൽ നിന്നും താഴേക്ക്‌ വീണു. എന്നോട്‌ പാഞ്ഞടു​ക്കുന്ന ആ പാറ​ക്കെ​ട്ടു​നി​റഞ്ഞ അടിവാ​രം ഇന്നും എന്റെ കൺമു​മ്പിൽ എനിക്ക്‌ കാണാൻ കഴിയും.

അവിടെ കൂടിവന്ന ജനക്കൂ​ട്ട​ത്തിൽ, കറുത്ത വസ്‌ത്രം ധരിച്ച്‌ ഉയരമുള്ള അപരി​ചി​ത​നായ ഒരു മനുഷ്യൻ എന്റെ അടുത്ത്‌ വന്ന്‌, മങ്ങിയ സ്വരത്തിൽ, എന്നിൽ മായാത്ത മുദ്ര​യേ​കിയ ചില വാക്കുകൾ ഉച്ചരിച്ചു: “നിന്റെ ദൈവം ഇന്നു നിന്നെ രക്ഷിച്ചി​രി​ക്കു​ന്നു. അവൻ ആരാ​ണെന്ന്‌ കണ്ടെത്തി അവനെ സേവി​ക്കുക” എന്നെ വിസ്‌മ​യി​പ്പി​ച്ചു​കൊണ്ട്‌ അയാൾ പൊടു​ന്നനെ തിരിഞ്ഞ്‌ നടന്നകന്നു.

ബിരു​ദാ​ന​ന്ത​രം എനിക്ക്‌ വിദ്യാ​ഭ്യാ​സ വകുപ്പിൽ ഒരു അഡ്‌മി​നി​സ്‌ടേ​റ്റീവ്‌ പോസ്‌റ്റ്‌ ലഭിച്ചു. ഒരിക്കൽ ഒരു നൂറ്‌ അപേക്ഷ​ക​രിൽ നിന്നും ഒരു പുതിയ അദ്ധ്യാ​പി​കയെ എനിക്ക്‌ തെര​ഞ്ഞെ​ടു​ക്കേ​ണ്ട​താ​യി വന്നു. അപേക്ഷ​ക​ളു​ടെ കൂട്ടത്തിൽ, എന്റെ ആജീവ​നാന്ത സഖിയെ ആണ്‌ നോക്കു​ന്നത്‌ എന്ന്‌ എനിക്ക്‌ തോന്നിയ ഒരു ചിത്രം ഞാൻ കണ്ടു. അവളെ എടുക്കാൻ ഞാൻ നിർദ്ദേ​ശി​ച്ചു. അവളുടെ പേര്‌ റോബർട്ടാ എന്നായി​രു​ന്നു. ഒരു വർഷത്തി​നകം ഞാൻ അവളെ വിവാഹം ചെയ്‌തു. അവളെന്റെ ആജീവ​നാന്ത സഖിയാ​യി​ത്തീ​രു​ക​യും ചെയ്‌തു. അതും കൂടാതെ, ബൈബിൾ ഗ്രഹി​ക്കുക എന്ന എന്റെ ബാല്യ​കാല വാഞ്‌ഛയെ നിവർത്തി​ക്കു​ന്ന​തിൽ അവൾ കാരണ​മാ​യി​രി​ക്കു​ക​യും ചെയ്‌തു.

ഞാൻ ഒഹായോ സ്‌റ്റേറ്റ്‌ യൂണി​വേ​ഴ്‌സി​റ്റി​യിൽ ശാസ്‌ത്ര​ത്തിൽ ഡോക്ടറൽ ഡിഗ്രി​ക്കു​വേണ്ടി പഠിച്ചു​കൊ​ണ്ടി​രി​ക്കു​ക​യാ​യി​രു​ന്നു, എങ്കിലും ദൈവ​ത്തോ​ടും ബൈബി​ളി​നോ​ടു​മുള്ള എന്റെ സ്‌നേഹം ഞാൻ മറന്നു​ക​ള​ഞ്ഞി​രു​ന്നില്ല. ഞാൻ അപ്പോ​ഴും ഇടയ്‌ക്കി​ടെ ബൈബിൾ വായി​ച്ചി​രു​ന്നു, പക്ഷെ ഗ്രഹി​ച്ചു​കൊ​ണ്ടാ​യി​രു​ന്നില്ല. 1944-ൽ ഇതിന്‌ മാറ്റം​വന്നു. ഒരു സ്‌ത്രീ റോബർട്ടയെ സന്ദർശിച്ച്‌ ചിൽഡ്രൻ എന്ന അഭിധാ​ന​ത്തിൽ ഒരു മതപ്പു​സ്‌തകം കൊടു​ത്തിട്ട്‌ പോയി. ആ സ്‌ത്രീ അതു​കൊണ്ട്‌ എന്റെ ഭാര്യ​യു​മാ​യി ഒരു പഠനവും ആരംഭി​ച്ചു.

“ആ പഠനം നിർത്തൂ!” എന്ന്‌ അത്‌ യഹോ​വ​യു​ടെ സാക്ഷി​ക​ളു​മൊ​ത്തു​ള്ള​താ​ണെ​ന്ന​റിഞ്ഞ​പ്പോൾ ഞാൻ എന്റെ ഭാര്യ​യോട്‌ ആജ്ഞാപി​ച്ചു. “അവർ നല്ല ആളുകളല്ല. അവർ തങ്ങളുടെ രാഷ്‌ട്ര​ത്തി​നു​വേണ്ടി പോരാ​ടാ​ത്ത​വ​രാണ്‌.”

എന്നാൽ റോബർട്ടാ പഠനം നിർത്തി​യില്ല. അതു​കൊണ്ട്‌ ഞാൻ ഒന്നു പരി​ശോ​ധി​ക്കാൻ നിശ്ചയി​ച്ചു. എന്നെ അതിശ​യി​പ്പി​ക്കു​മാറ്‌, നരകം ചൂടു​ള്ള​ത​ല്ലെ​ന്നും ദേഹി അമർത്യ​മ​ല്ലെ​ന്നും ത്രിത്വം സത്യമ​ല്ലെ​ന്നും ഞാൻ മനസ്സി​ലാ​ക്കി. (സങ്കീർത്തനം 16:10; യെഹെ​സ്‌ക്കേൽ 18:4; യോനാ 2:2; യോഹ​ന്നാൻ 14:28) ദൈവം ഏക ദൈവ​മാണ്‌, അവന്റെ നാമം യഹോ​വ​യെ​ന്നാണ്‌, വളരെ പണ്ട്‌ എന്റെ കാതു​കളെ തരിപ്പിച്ച നാമം. ഞാൻ കൂടുതൽ പരി​ശോ​ധി​ക്കു​ന്തോ​റും കൂടുതൽ ചെതുമ്പൽ എന്റെ കണ്ണിൽനിന്ന്‌ വീണു. ഇത്‌ എന്റെ ജീവിതം സമർപ്പി​ക്കാൻ പറ്റിയ ദൈവ​മാ​യി​രു​ന്നു. നിത്യ​മാ​യി ആളുകളെ തീയി​ലും ഗന്ധകത്തി​ലും ഇട്ടു ദണ്ഡിപ്പി​ക്കുന്ന ഒരു ക്രൂര​നാ​യി​രു​ന്നില്ല. സൗമ്യർ ഭൂമിയെ അവകാ​ശ​മാ​ക്കും എന്നു വാഗ്‌ദാ​നം ചെയ്‌തിട്ട്‌ അതിനെ കത്തിച്ചു​ക​ള​യുന്ന ഒരു നൂണയ​നാ​യി​രു​ന്നില്ല.—സഭാ​പ്ര​സം​ഗി 1:4, 9; 5:10; റോമർ 6:23.

മൂല്യ​മേ​റി​യ മുത്ത്‌ ഞങ്ങൾ കണ്ടെത്തി​യി​രി​ക്കു​ന്നു എന്ന്‌ ഞാനും റോബർട്ട​യും അംഗീ​ക​രി​ച്ചു. (മത്തായി 13:45, 46) 1945-ൽ യഹോ​വ​യു​ടെ സാക്ഷി​ക​ളാ​യി ദൈ​വേഷ്ടം ചെയ്യു​വാ​നുള്ള ഞങ്ങളുടെ സമർപ്പ​ണ​ത്തി​ന്റെ പ്രതീ​ക​മാ​യി ഞങ്ങളി​രു​വ​രും സ്‌നാ​ന​മേറ്റു. ഡോക്ട​റ്റേ​റി​നു​വേ​ണ്ടി​യുള്ള എന്റെ പഠനവും ഒരു കോളജ്‌ പ്രൊ​ഫസർ ആയിത്തീ​രു​വാ​നുള്ള എന്റെ പരിപാ​ടി​യും ഞാൻ ഉപേക്ഷി​ച്ചു. ഒരു വലിയ ഗവേഷ​ണ​സ്ഥാ​പ​ന​ത്തിൽ എനിക്ക്‌ ജോലി ലഭിക്കു​ക​യും ഞാൻ കണ്ടുപി​ടു​ത്ത​ത്തി​ന്റെ ഒരു വൃത്തി ആരംഭി​ക്കു​ക​യും ചെയ്‌തു. എന്റെ ബാല്യ​കാല വാസനകൾ രണ്ടും വീണ്ടും ഉയർന്നു​വന്നു.—വസ്‌തു​ക്കൾ കണ്ടുപി​ടി​ക്കു​ക​യും ബൈബിൾ ഗ്രഹി​ക്കു​ക​യും.

വർഷങ്ങൾ കടന്നു​പോ​യ​പ്പോൾ, അനവധി രസകര​ങ്ങ​ളായ കണ്ടുപി​ടു​ത്തങ്ങൾ ഉണ്ടായി. ഒന്ന്‌ ഹെലി​കോ​പ്‌ട​റു​കളെ സംബന്ധി​ച്ച​താ​യി​രു​ന്നു. അവയുടെ ബേഡ്‌ളു​ക​ളു​ടെ പിച്ച്‌ വളരെ​യ​ധി​കം ആണെങ്കിൽ തകരാറ്‌ സംഭവി​ക്കു​ന്നു, എഞ്ചിൻ നിലയ്‌ക്കു​ക​യും നിങ്ങൾ ഒരു പാറക്കല്ലു പോലെ നിലം​പ​തി​ക്കു​ക​യും ചെയ്യുന്നു. ഇതു സംഭവി​ക്കു​ന്നത്‌ തടയാൻ എന്തെങ്കി​ലും ആവശ്യ​മാ​യി​രു​ന്നു. ഞാൻ ഒരിഞ്ചി​ന്റെ ഇരുപ​തി​നാ​യി​ര​ത്തി​ലൊന്ന്‌ മാത്രം കനമുള്ള ഒരു ചെറിയ മർദ്ദമാ​പി​നി കണ്ടുപി​ടി​ച്ചു. ഈ ഡി​സൈ​നിൽ നിർമ്മിച്ച മാപി​നി​കൾ കറങ്ങുന്ന ബേഡ്‌ളു​ക​ളു​ടെ പ്രതല​ത്തിൽ പിടി​പ്പി​ക്കും. ബേഡ്‌ളു​കൾ കറങ്ങു​മ്പോൾ, അവയുടെ മേലുള്ള മാറി​ക്കൊ​ണ്ടി​രി​ക്കുന്ന മർദ്ദത്തെ ഈ മാപി​നി​കൾ സൂചി​പ്പി​ക്കും. തകരാറ്‌ നേരേ​യാ​ക്കു​ന്ന​തി​നും എൻജിൻ നിലയ്‌ക്കു​ന്നത്‌ തടയു​ന്ന​തി​നും ഈ പ്രധാ​ന​പ്പെട്ട വിവരം ഡി​സൈ​നർമാ​രെ സഹായി​ച്ചു. ഈ കണ്ടുപി​ടു​ത്തം ലോക​വ്യാ​പക ശ്രദ്ധ പിടി​ച്ചു​പറ്റി.

ഈ ചെറു മർദ്ദമാ​പി​നി​കൾ ചികി​ത്സാ​പ​ര​മാ​യും ഉപയോ​ഗി​ക്ക​പ്പെട്ടു. ചില​പ്പോ​ഴൊ​ക്കെ ആളുകൾക്ക്‌ ഹൃ​ദ്രോ​ഗ​ത്തിന്‌ മരുന്ന്‌ കൊടു​ക്കുന്ന സന്ദർഭ​ങ്ങ​ളിൽ യഥാർത്ഥ കുഴപ്പം അന്നവാ​ഹി​നി​യി​ലെ സങ്കോ​ച​മാ​യി​രി​ക്കും. രണ്ടു സംഗതി​യി​ലും, നെഞ്ചി​നും ഇടത്തെ കൈയ്‌ക്കും വേദന അനുഭ​വ​പ്പെ​ടു​ന്നു. ഈ ചെറു മർദ്ദ​സെൻസ​റു​കൾ മൂന്നെണ്ണം ഘടിപ്പിച്ച ഒരു കുഴൽ അന്നവാ​ഹി​നി​യി​ലേക്ക്‌ കടത്തു​മ്പോൾ, വേദന അനുഭ​വ​പ്പെ​ടു​ന്നത്‌ സങ്കോ​ചി​ക്കുന്ന അന്നവാ​ഹി​നി നിമി​ത്ത​മാ​ണോ എന്ന്‌ വിവരം നൽകുന്നു. അന്നവാ​ഹി​നി​യിൽ നിന്ന്‌ അതിന്‌ ഹൃദയ​മി​ടിപ്പ്‌ പരി​ശോ​ധി​ക്കാൻ കഴിയും. കൂടാതെ വ്യക്തി ഉച്ഛ്വസി​ക്കു​മ്പോ​ഴുള്ള ശ്വാസ​കോ​ശ​മർദ്ദം അളന്നു​കൊണ്ട്‌, അമിത​മാ​യി വായു പ്രവേ​ശി​ക്കു​ന്നതു നിമി​ത്ത​മുള്ള വീർക്കൽ കണ്ടുപി​ടി​ക്കു​ന്ന​തി​നും അതെ​ത്ര​മാ​ത്രം വർദ്ധി​ച്ചി​ട്ടു​ണ്ടെന്ന്‌ അറിയു​ന്ന​തി​നും ഇതിന്‌ കഴിയു​ന്നു. ഈസോ​ഫാ​ഗൽ മോട്ടി​ലി​റ്റി പ്രോബ്‌ എന്നു വിളി​ക്ക​പ്പെട്ട ഈ ഉപകരണം ആശുപ​ത്രി​ക​ളിൽ ഉപയോ​ഗി​ക്ക​പ്പെ​ടു​ക​യും ലോക​ത്തി​ലെ​ങ്ങും കാണി​ക്ക​പ്പെ​ടു​ക​യും ചെയ്‌തു.

തലച്ചോ​റിൽ വീക്കമു​ള്ള​പ്പോൾ അതിലെ മർദ്ദം അളക്കു​ന്ന​തിന്‌ ഈ മർദ്ദമാ​പി​നി​കൾ ഉപയോ​ഗി​ക്കാ​റുണ്ട്‌. കണ്ണിന്റെ കാചപ​ട​ല​ത്തോട്‌ അമർത്തി​പി​ടി​ക്കു​മ്പോൾ, ഹൃദയ​മി​ടി​പ്പിന്‌ അനുസ​രി​ച്ചു​ണ്ടാ​കുന്ന മർദ്ദവ്യ​തി​യാ​നം അവ അളക്കുന്നു. ഈ വ്യതി​യാ​നങ്ങൾ ഗ്രീവാ​ധ​മ​നി​ക​ളി​ലെ മർദ്ദത്തെ സൂചി​പ്പി​ക്കു​ക​യും ഭാഗീ​ക​മാ​യി വരാവുന്ന തടസ്സത്തെ കണ്ടുപി​ടി​ക്കു​ക​യും ചെയ്യുന്നു.

മറ്റൊരു പദ്ധതി, പ്രസവ​ത്തിന്‌ ഉപയോ​ഗി​ക്കുന്ന ചെറു​കൊ​ടി​ലി​ന്റെ പ്രയോ​ഗം സംബന്ധി​ച്ച​താ​യി​രു​ന്നു. ഈ കൊടിൽ പ്രയോ​ഗി​ക്കു​മ്പോൾ, ശിശു​വി​ന്റെ ശിരസ്സിൽ എത്രമാ​ത്രം മർദ്ദം താൻ പ്രയോ​ഗി​ക്കു​ന്നു​ണ്ടെന്ന്‌ ഡോക്ടർക്ക്‌ മനസ്സി​ലാ​ക്കാൻ കഴിയു​ന്നു.

ഒരിക്കൽ, ഒരു ഡോക്ടർ, പുക നിശ്വ​സി​ക്കു​മ്പോൾ ശ്വാ​സോ​പ​നാ​ള​ങ്ങ​ളിൽ എന്തു സംഭവി​ക്കു​ന്നു എന്നറി​യാൻ ആഗ്രഹം പ്രകടി​പ്പി​ച്ചു. അത്‌ ഫൈബർ ഓപ്‌റ്റി​ക്‌സ്‌ മുഖേ​ന​യാണ്‌ സാധി​ച്ചത്‌. എന്റെ ഒരു സഹപ്ര​വർത്തകൻ സാമുവൽ ചെയിം​ബേ​ഴ്‌സ്‌ ആയിരു​ന്നു അതിന്റെ രൂപക​ല്‌പന തയ്യാറാ​ക്കി​യത്‌. (അദ്ദേഹ​വും ഒരു യഹോ​വ​യു​ടെ സാക്ഷി ആയിരു​ന്നു) ആ ഉപകരണം ഉണ്ടാക്കു​ക​യും ശ്വാ​സോ​പ​നാ​ള​ത്തി​ലൂ​ടെ ഇറക്കു​ക​യും ചെയ്‌തു. നേരിയ നാരു​ക​ളായ സീലിയ പതുക്കെ ചലിക്കു​ന്ന​താ​യും ശ്വാസ​നാ​ളത്തെ പൊടി​അ​ഴു​ക്കു​ക​ളിൽനി​ന്നും ശുചി​യാ​ക്കു​ന്ന​താ​യും ഞങ്ങൾക്ക്‌ കണാൻ കഴിഞ്ഞു. പക്ഷെ പുക നിശ്വ​സി​ച്ച​പ്പോൾ അത്‌ സീലി​യ​യിൽ തട്ടുക​യും അവ ആട്ടം നിർത്തു​ക​യും ചെയ്‌തു! പുക ശ്വാസ​നാ​ളം ശുചി​യാ​ക്കു​ന്ന​തി​നുള്ള പ്രകൃ​തി​യു​ടെ ക്രമീ​ക​ര​ണത്തെ മന്ദീഭ​വി​പ്പി​ച്ചു.

ചെയിം​ബേ​ഴ്‌സി​നോ​ടൊ​പ്പം ഞാനും ഒരു പ്രത്യേ​ക​തരം നടക്രമ ഉപകരണം വികസി​പ്പി​ച്ചെ​ടു​ത്തു. ഹൃദയ​ത്തി​ലേക്ക്‌ കടത്തു​മ്പോൾ അത്‌ ഹൃദയത്തെ സ്‌പന്ദി​പ്പി​ക്കു​ന്ന​തോ​ടൊ​പ്പം ഹൃദയ​ത്തി​നു​ള്ളി​ലെ മർദ്ദം അളക്കു​ക​യും ചെയ്യും. അതുപ​യോ​ഗി​ച്ചു നിങ്ങൾക്ക്‌ ഹൃദയ​ത്തി​ലേക്ക്‌ മരുന്ന്‌ നിവേ​ശി​പ്പി​ക്കു​ന്ന​തി​നോ രക്തത്തിന്റെ സാമ്പിൾ പുറ​ത്തേക്ക്‌ എടുക്കു​ന്ന​തി​നോ കഴിയും. ഇതു ആശുപ​ത്രി​ക​ളിൽ ഉപയോ​ഗി​ക്ക​പ്പെട്ടു.

ഒരു സമയത്ത്‌, ഞാൻ കെട്ടി​ട​ങ്ങ​ളിൻമേ​ലുള്ള യാന്ത്രിക വൈകൃ​തം അളക്കു​ന്ന​തി​നുള്ള പുതിയ മാർഗ്ഗ​ങ്ങ​ളെ​ക്കു​റിച്ച്‌ ഒരു ലേഖന പരമ്പര എഴതു​ക​യാ​യി​രു​ന്നു. മാക്‌ഗ്രോ-ഹിൽ പബ്ലി​ഷേ​ഴ്‌സി​നു​വേണ്ടി എഴുതി​യി​രുന്ന ഈ ലേഖനങ്ങൾ വളരെ ശ്രദ്ധ പിടിച്ചു പറ്റുക​യും ഒടുവിൽ ഒരു പുസ്‌ത​ക​ത്തിൽ കലാശി​ക്കു​ക​യും ചെയ്‌തു. ഇത്‌ കുറച്ചു കാലം ഒരു കോളജ്‌ പാഠ്യ​പു​സ്‌ത​ക​മാ​യി ഉപയോ​ഗി​ക്ക​പ്പെ​ടു​ക​യും ചെയ്‌തു.

ഞാൻ ഇത്‌ എഴുതി​യി​രുന്ന സമയത്ത്‌, ഒഹായോ സ്‌റ്റേറ്റ്‌ യൂണി​വേ​ഴ്‌സി​റ്റി ഹോസ്‌പി​റ്റ​ലി​ലെ ഒരു ഡോക്ട​റു​മാ​യി രക്തപ്പകർച്ച​യെ​ക്കു​റിച്ച്‌ സംസാ​രി​ക്കു​ക​യു​ണ്ടാ​യി. അയാൾ സാക്ഷികൾ ആരുമല്ല എന്ന രീതി​യിൽ അവരെ വിലയി​ടിച്ച്‌ സംസാ​രി​ക്കു​ക​യും, വാച്ച്‌റ്റവർ സൊ​സൈറ്റി പ്രസി​ദ്ധീ​ക​രിച്ച രക്തം ചെറു​പു​സ്‌തകം ഒരു ഡോക്ടറെ വ്യാജ​മാ​യി ഉദ്ധരിച്ചു എന്ന്‌ ആരോ​പി​ക്കു​ക​യും ചെയ്‌തു.

“വ്യാജ ഉദ്ധരണി​ക​ളെ​ക്കു​റിച്ച്‌ എന്നോട്‌ സംസാ​രി​ക്കാ​തെ, ഡോക്ടർ!” ഞാൻ ചൊടി​ച്ചു. “വ്യാജ ഉദ്ധരണി​കൾ എന്താ​ണെന്ന്‌ എനിക്ക​റി​യാം. എല്ലാ മാസവും ലേഖനങ്ങൾ പ്രസി​ദ്ധീ​ക​രി​ക്കു​ന്ന​വ​നാണ്‌ ഞാൻ. ആ ഡോക്ടറെ വ്യാജ​മാ​യി ഉദ്ധരി​ച്ചതല്ല, അത്‌ നിങ്ങൾക്ക്‌ നന്നായി അറിയു​ക​യും ചെയ്യാം!” ഞാനല്‌പം ചൂടായി, എന്നിട്ട്‌ തുടർന്നു: “നിങ്ങൾ ഡോക്ടർമാർ, ജോർജ്ജ്‌ വാഷിം​ഗ്‌ടനെ അദ്ദേഹ​ത്തി​ന്റെ രക്തം ഊറ്റി പുറ​ത്തെ​ടു​ത്താ​യി​രി​ക്കാം കൊന്നത്‌, എന്നാൽ ഇപ്പോൾ നിങ്ങൾ ജനങ്ങളെ മലിന​മായ രക്തം അകത്ത്‌ കുത്തി​ക്കേറ്റി കൊല്ലു​ന്നു!” ഏതായാ​ലും അതു കഴിഞ്ഞ്‌ ഞങ്ങൾ വളരെ നല്ല സംഭാ​ഷ​ണ​ത്തി​ലേർപ്പെട്ടു.

സമാന​മാ​യ മറ്റൊരു സംഭവം. യഹോ​വ​യു​ടെ സാക്ഷി​യായ ഒരു പ്രായം ചെന്ന സ്‌ത്രീ ഒരു കാറപ​ക​ട​ത്തിൽ അകപ്പെ​ടു​ക​യും, അവളെ ഒഹായോ സ്‌റ്റേറ്റ്‌ യൂണി​വേ​ഴ്‌സി​റ്റി ഹോസ്‌പി​റ്റ​ലിൽ അഡ്‌മിറ്റ്‌ ചെയ്യു​ക​യും ചെയ്‌തു. അവിടത്തെ ഡോക്ടർ അവളെ ഒരു രക്തപ്പകർച്ച സ്വീക​രി​ക്കാൻ നിർബ​ന്ധി​ക്കു​ക​യാ​യി​രു​ന്നു. അദ്ദേഹ​വു​മാ​യി ന്യായ​വാ​ദം ചെയ്യാൻ എന്നെ വിളി​ച്ചു​വെ​ങ്കി​ലും അദ്ദേഹം, വൈദ്യ​സം​ബ​ന്ധ​മാ​യി ഒന്നും അറിയാ​തെ ഡോക്ടർമാ​രെ പഠിപ്പി​ക്കാൻ ശ്രമി​ക്കുന്ന സാക്ഷി​കളെ നിന്ദിച്ച്‌ സംസാ​രി​ച്ചു​കൊണ്ട്‌ എന്റെ ന്യായ​വാ​ദ​ങ്ങളെ തള്ളിക്ക​ളഞ്ഞു.

“ഈസോ​ഫാ​ഗൽ പ്രോ​ബി​നെ​ക്കു​റിച്ച്‌ നിങ്ങൾക്ക്‌ എന്തെങ്കി​ലും അറിയാ​മോ?” ഞാൻ ചോദി​ച്ചു. ആ ഉപകരണം കണ്ടുപി​ടി​ച്ചത്‌ ഞാനാ​ണെ​ന്നും, ഒരിക്കൽ അതിന്റെ ഉപയോ​ഗത്തെ കുറിച്ച്‌ അവരുടെ സ്‌റ്റാഫ്‌ മീറ്റിം​ഗിൽ വെച്ച്‌ ആശുപ​ത്രി സ്‌റ്റാ​ഫി​നോട്‌ വിശദീ​ക​രി​ച്ചു എന്നും ഞാൻ അദ്ദേഹ​ത്തോട്‌ പറഞ്ഞു. അദ്ദേഹ​ത്തി​ന്റെ മനോ​ഭാ​വ​ത്തി​നു കാര്യ​മായ മാറ്റം വരുക​യും സംഘർഷം കെട്ടട​ങ്ങു​ക​യും ചെയ്‌തു.

ബഹിരാ​കാ​ശ പരിപാ​ടി​യി​ലെ ഒരു വിഷമ​പ്ര​ശ്‌നം പരിഹ​രി​ക്കു​ന്ന​തിൽ എനിക്ക്‌ ഒരു പങ്കുണ്ടാ​യി​രു​ന്നു. റോക്ക​റ്റി​ന്റെ നാസാ​ഗ്ര​ങ്ങ​ളി​ലെ മർദ്ദം അളക്കാൻ എന്തെങ്കി​ലും നാസ (NASA) യ്‌ക്കു ആവശ്യ​മാ​യി വന്നു. അതിനു​ള്ളി​ലെ ഊഷ്‌മാ​വിന്‌ സൂര്യോ​പ​രി​ത​ല​ത്തി​ലേ​തി​നോട്‌ അടുത്ത്‌ വരെ വരാം. മറ്റ്‌ മർദ്ദ സംവേ​ദ​കങ്ങൾ നന്നായി പ്രവർത്തി​ക്കു​മാ​യി​രു​ന്നില്ല.

എന്റെ മേധാ​വി​യും ഞാനും റോക്കറ്റ്‌ ഗവേഷണം നടന്നു കൊണ്ടി​രുന്ന അലബാ​മ​യി​ലെ ഹൺട്‌സ്‌വി​ല്ലി​ലേക്ക്‌ പോയി. അവിടെ ഞങ്ങൾ ഈ പ്രോ​ജ​ക്‌റ്റി​ന്റെ ചാർജ്‌ വഹിച്ചി​രുന്ന ഒരു ജർമ്മൻകാ​രനെ കണ്ടു. അദ്ദേഹം മുറി​യിൽ പ്രവേ​ശി​ച്ചിട്ട്‌ പൊടു​ന്നനെ ചോദി​ച്ചു: “ആകട്ടെ, നിങ്ങ​ളെ​ങ്ങ​നെ​യാണ്‌ ഇത്‌ ചെയ്യു​ന്നത്‌?” യാതൊ​രു പ്രാരം​ഭ​ശ്ര​മ​ങ്ങ​ളും പാടില്ല.

ഞങ്ങളുടെ ആശയം അവതരി​പ്പി​ക്കാൻ എന്നോട്‌ ആവശ്യ​പ്പെട്ടു. അത്‌, കത്താത്ത​തും തണുപ്പി​ക്കു​വാൻ ഉതകു​ന്ന​തു​മായ ഒരു ദ്രാവകം ഉപയോ​ഗി​ച്ചു കൊണ്ടുള്ള ഒരു ചെറു​പ്രഷർ സെൻസർ നിർമ്മി​ക്കുക എന്നതാ​യി​രു​ന്നു.

“അതു നടക്കും,” ആ ജർമ്മൻകാ​രൻ പറഞ്ഞു. കോൺഫ​റൻസ്‌ അതോടെ കഴിഞ്ഞു—ഞാൻ പങ്കെടു​ത്തി​ട്ടു​ള്ള​തി​ലേക്ക്‌ ഏറ്റവും ഹ്രസ്വ​മാ​യത്‌! ആ ഉപകരണം നിർമ്മി​ക്ക​പ്പെട്ടു, അത്‌ നന്നായി പ്രവർത്തി​ക്കു​ക​യും ചെയ്‌തു. ഞാൻ അങ്ങനെ ഒരു നാസ അവാർഡിൽ പങ്കാളി​യാ​കു​ക​യും ചെയ്‌തു. എന്റെ 25 വർഷത്തെ ഗവേഷ​ണ​ത്തിൽ എനിക്ക്‌ 30-ലധികം പേറ്റൻറു​കൾ ലഭിക്കു​ക​യു​ണ്ടാ​യി.

എന്നിരു​ന്നാ​ലും, എന്റെ ഏറ്റവും മഹത്തായ കണ്ടുപി​ടു​ത്തം ഒരു കണ്ടുപി​ടു​ത്ത​ക്കാ​രൻ എന്ന നിലയി​ലാ​യി​രു​ന്നില്ല. അത്‌ സത്യ​ദൈ​വ​മായ യഹോ​വ​യു​ടെ വ്യക്തി​ത്വം, ആ നാമം അർത്ഥമാ​ക്കിയ എല്ലാറ്റി​നോ​ടു​മുള്ള വിലമ​തി​പ്പോട്‌ കൂടി വീണ്ടും കണ്ടെത്തി​യ​പ്പോ​ഴാ​യി​രു​ന്നു. (സങ്കീർത്തനം 83:18) ഞാൻ എന്റെ സഹപ്ര​വർത്ത​ക​രോട്‌ അവനെ​ക്കു​റിച്ച്‌ സംസാ​രി​ച്ചു. അതിൽ ചില​രോ​ടും അവരുടെ കുടും​ബ​ങ്ങ​ളോ​ടു​മൊത്ത്‌ ഞാൻ ഭവന​ബൈ​ബിൾ അദ്ധ്യയ​നങ്ങൾ നടത്തു​ക​യും ചെയ്‌തു. അങ്ങനെ​യുള്ള ഒരദ്ധ്യ​യ​ന​ത്തിൽ 17 പേർ പങ്കെടു​ത്തു, മറ്റൊ​ന്നിൽ 19 പേരും.

ഞാൻ ജോലി ചെയ്‌തി​രു​ന്നി​ടത്തെ മിക്കവാ​റും എല്ലാവർക്കും​തന്നെ ഞാൻ യഹോ​വ​യു​ടെ സാക്ഷി​ക​ളിൽ ഒരുവ​നാ​ണെന്ന്‌ അറിയാ​മാ​യി​രു​ന്നു. ഉച്ചഭക്ഷണ സമയത്ത്‌, സാക്ഷ്യം കൊടു​ക്കാ​മ​ല്ലോ എന്ന ഉദ്ദേശ്യ​ത്തിൽ ഞാൻ അരികെ ഇരിക്കാൻ ഏതെങ്കി​ലും പുതിയ ആളെ തെര​ഞ്ഞെ​ടു​ക്കു​മാ​യി​രു​ന്നു. ഒരു ദിവസം ഞാൻ ഒരാ​ളോട്‌ ചോദി​ച്ചു: “ഞാൻ ഇവിടെ ഇരിക്കു​ന്ന​തിൽ വിരോ​ധ​മി​ല്ല​ല്ലോ?” “ഉണ്ട്‌!” അയാൾ പറഞ്ഞു. എനിക്ക്‌ ചിരി​വന്നു. അയാൾ എന്നെക്കു​റിച്ച്‌ കേട്ടി​രു​ന്നു, കൂടാതെ തന്നോട്‌ സാക്ഷീ​ക​രി​ക്കു​ന്നത്‌ അയാൾക്ക്‌ ഇഷ്ടമാ​യി​രു​ന്നി​ല്ല​താ​നും.

ഒരിക്കൽ ഒഹായോ ഗവർണ്ണർ എന്റെ ജോലി​സ്ഥലം സന്ദർശി​ക്കു​ക​യു​ണ്ടാ​യി. അദ്ദേഹ​ത്തോട്‌ സംസാ​രി​ക്കാ​നുള്ള നിയോ​ഗം എനിക്കാ​യി​രു​ന്നു. അതെനിക്ക്‌ ഒരു സൗകര്യ​മാ​യി ഭവിച്ചു. എനിക്ക്‌ ഒഹായോ സ്‌റ്റേറ്റ്‌ മാക്‌സി​മം സെക്യൂ​രി​റ്റി ജയിലിൽ ഒരു അദ്ധ്യയ​ന​മു​ണ്ടാ​യി​രു​ന്നു. ഒരു സന്ദർഭ​ത്തിൽ എന്നോ​ടൊത്ത്‌ ബൈബിൾ പഠിച്ചി​രുന്ന ഒരു തടവു​കാ​രനെ സ്‌നാ​ന​പ്പെ​ടു​ത്താൻ അവിടത്തെ പ്രൊ​ട്ട​സ്‌റ്റൻറ്‌ സൈനീക പുരോ​ഹി​തൻ സമ്മതി​ച്ചില്ല. ഞാൻ അയാ​ളോട്‌ പറഞ്ഞു: “നിങ്ങൾക്ക​റി​യാ​മോ, കഴിഞ്ഞ​യാഴ്‌ച ഞാൻ ഗവർണ്ണ​റോട്‌ സംസാ​രി​ച്ച​തേ​യു​ള്ളു. നിങ്ങൾക്ക്‌ സഹായം വേണ​മെന്ന്‌ എനിക്ക്‌ തോന്നു​ന്നു.” മാറ്റം പൊടു​ന്ന​നെ​യാ​യി​രു​ന്നു: “ശരി, ഒരു മിനിറ്റ്‌ ഒന്നു ക്ഷമിക്കൂ!” അയാൾ പറഞ്ഞു. “അത്‌ ഞങ്ങളേറ്റു!” അയാൾ അതു ചെയ്‌തു, ഞാൻ എന്റെ ബൈബിൾ വിദ്യാർത്ഥി​യെ കാണാൻ അകത്തു​ക​ടന്നു.

കൊളം​ബ​സി​ലെ രാജ്യ​ഹോ​ളിൽ പോയി​ത്തു​ട​ങ്ങി​യ​പ്പോൾ, രണ്ടു സഭകൾ ഉണ്ടായി​രു​ന്നു. ഇരുപ​ത്തി​യഞ്ചു വർഷങ്ങൾക്ക്‌ ശേഷം 24 എണ്ണം ഉണ്ടായി​രു​ന്നു. ആ സമയത്ത്‌ ഞാൻ നഗര​മേൽവി​ചാ​ര​ക​നാ​യി സേവന​മ​നു​ഷ്‌ഠി​ക്കു​ക​യാ​യി​രു​ന്നു. ആ പ്രദേ​ശത്ത്‌ ഒരു അസംബ്ലി ഹോളി​ന്റെ നിർമ്മാ​ണ​മാ​യി​രു​ന്നു ഒരു പ്രധാ​ന​പ്പെട്ട അനുഭവം. ഞാൻ നോർമൻ വാട്‌സ​ണു​മാ​യി അദ്ധ്യയനം നടത്തു​ക​യാ​യി​രു​ന്നു. ഒരു ദിവസം ഞങ്ങൾക്ക്‌ അസംബ്ലി ഹോളി​നു​വേണ്ടി സ്ഥലം വേണം എന്ന്‌ ഞാൻ അദ്ദേഹ​ത്തോട്‌ പറഞ്ഞു.

“നമുക്ക്‌ പോയി കുറച്ചു സ്ഥലം നോക്കാം,” അദ്ദേഹം ഉടനെ പറഞ്ഞു. അദ്ദേഹം എന്നെ അനവധി സ്ഥലങ്ങൾ കാണി​ച്ചിട്ട്‌ ചോദി​ച്ചു: “നിങ്ങൾക്ക്‌ ഇതി​ലേ​താണ്‌ വേണ്ടത്‌?” ഒഹാ​യോ​വി​ലെ ലണ്ടനിൽ അദ്ദേഹം ഞങ്ങൾക്ക്‌ ഒരു നല്ലസ്ഥലം തന്നു. അദ്ദേഹം പിന്നീട്‌ സ്‌നാ​ന​മേൽക്കു​ക​യു​ണ്ടാ​യി.

അസംബ്ലി​ഹോൾ നിർമ്മി​ക്കാൻ ഞങ്ങൾ 14 മാസങ്ങൾ എടുത്തു. ഓരോ ആഴ്‌ച​യി​ലും നിർമ്മാണ കമ്മിറ്റി പണം കൂട്ടി​നോ​ക്കാൻ കൂടി​വ​രു​മാ​യി​രു​ന്നു. ഇനി ഒരാഴ്‌ച​ക്കു​കൂ​ടി പണം തികയു​മോ? എല്ലാ ആഴ്‌ച​യി​ലും ഇതു സംഭവി​ച്ചു, എല്ലാ ആഴ്‌ച​യി​ലും നിർമ്മാ​ണം തുടരാ​നാ​വ​ശ്യ​ത്തി​നു​ള്ളത്‌ യഹോവ പ്രദാനം ചെയ്‌തു. സമർപ്പണ പരിപാ​ടിക്ക്‌ ബ്രൂക്ലിൻ ഹെഡ്‌ക്വാർട്ടേ​ഴ്‌സിൽനിന്ന്‌ നോർ സഹോ​ദ​ര​നും സ്യൂട്ടർ സഹോ​ദ​ര​നും വരുക​യു​ണ്ടാ​യി.

യഹോ​വ​യെ അറിയാൻ മറ്റുള്ള​വരെ സഹായി​ക്കു​ന്ന​തിന്‌ ധാരാളം സന്തോ​ഷ​ക​ര​മായ വർഷങ്ങൾ റോബർട്ട​യും ഞാനും ആസ്വദി​ച്ചി​ട്ടുണ്ട്‌. ഞങ്ങൾ ആദ്യമാ​യി സത്യം പങ്കുവെച്ച വ്യക്തി​ക​ളിൽ ഒരാൾ—അത്‌ എനിക്ക്‌ ഒരു പ്രത്യേക ആനന്ദം കൈവ​രു​ത്തി—എന്റെ സഹോ​ദരൻ വോൺ ക്രൈ​റ്റ്‌സ്‌ ആയിരു​ന്നു. കുറേ വർഷങ്ങൾക്ക്‌ മുമ്പ്‌ എന്നോ​ടൊ​ത്തു​ണ്ടാ​യി​രുന്ന അവനാണ്‌, നമ്മുടെ സ്‌നേ​ഹ​വാ​നായ ദൈവ​ത്തി​നെ​തി​രെ​യുള്ള ആ ഉണർവ്വ്‌ പ്രാസം​ഗി​കന്റെ അഗ്നിനരക ദൂഷണങ്ങൾ കേട്ട്‌ പരിഹ​സി​ച്ച​പ്പോൾ അയാളെ ക്രൂദ്ധ​നാ​ക്കി​യത്‌. പ്രായാ​ധി​ക്യ​ത്തി​ലാ​യി​രുന്ന എന്റെ അമ്മയും ദൈവ​നാ​മായ യഹോ​വയെ സ്‌നേ​ഹി​ക്കു​ന്ന​തി​നി​ട​യാ​യി 90-ാം വയസ്സിൽ ഒരു സാക്ഷി​യാ​കണം എന്ന തന്റെ അഭിലാ​ഷം പ്രകടി​പ്പി​ച്ചു​കൊണ്ട്‌ അമ്മ മരിച്ചു. ഇപ്പോൾ റോബർട്ട​യും ഞാനും ഫ്‌ളോ​റി​ഡ​യി​ലെ സെബ്രിം​ങ്ങി​ലുള്ള സഭയിൽ യഹോ​വയെ സേവി​ക്കു​ന്ന​തി​നുള്ള പദവി ആസ്വദി​ച്ചു​കൊ​ണ്ടി​രി​ക്കു​ന്നു.

ഒടുവിൽ പീഡി​പ്പി​ക്ക​പ്പെ​ടാത്ത ഒരു മതത്തിൽ ആയിരി​ക്കാ​ഞ്ഞ​തിൽ എനിക്കു​ണ്ടാ​യി​രുന്ന ബാല്യ​കാല ദുഃഖം കഴിഞ്ഞ​കാല സംഗതി​യാ​യി മാറി​യി​രി​ക്കു​ന്നു. സാക്ഷികൾ ഭൂവ്യാ​പ​ക​മാ​യി പീഡി​പ്പി​ക്ക​പ്പെ​ട്ടു​കൊ​ണ്ടാ​ണി​രിക്കു​ന്നത്‌. ആ പീഡന​ത്തോ​ടൊ​പ്പം ഒരു ചെറു​ബാ​ല​നാ​യി​രു​ന്ന​പ്പോൾ ഞാൻ പഠിച്ച വാക്യ​ത്തി​ന്റെ സത്യം അവർ അനുഭ​വി​ക്കു​ക​യു​മാണ്‌: “യഹോ​വ​യു​ടെ ദൂതൻ അവനെ ഭയപ്പെ​ടു​ന്ന​വ​രു​ടെ ചുറ്റും പാളയ​മി​റങ്ങി അവരെ വിടു​വി​ക്കു​ന്നു.”—നെൽസൺ ക്രൈ​റ്റ്‌സ്‌ പറഞ്ഞ​പ്ര​കാ​രം (g86 11/22)

[21-ാം പേജിലെ ആകർഷ​ക​വാ​ക്യം]

“നിന്റെ ദൈവം ഇന്നു നിന്നെ രക്ഷിച്ചി​രി​ക്കു​ന്നു. അവനാ​രാ​ണെന്ന്‌ കണ്ടെത്തി അവനെ സേവി​ക്കുക”

[22-ാം പേജിലെ ആകർഷ​ക​വാ​ക്യം]

“ആ പഠനം നിർത്തൂ!” എന്ന്‌, അതു യഹോ​വ​യു​ടെ സാക്ഷി​ക​ളു​മൊ​ത്തു​ള്ള​താ​ണെ​ന്ന​റിഞ്ഞ​പ്പോൾ ഞാൻ എന്റെ ഭാര്യ​യോട്‌ ആജ്ഞാപി​ച്ചു

[23-ാം പേജിലെ ആകർഷ​ക​വാ​ക്യം]

പുക, ശ്വാസ​നാ​ളം ശുചി​യാ​ക്കു​ന്ന​തി​നുള്ള പ്രകൃ​തി​യു​ടെ ക്രമീ​ക​ര​ണത്തെ മന്ദീഭ​വി​പ്പി​ച്ചു!

[23-ാം പേജിലെ ആകർഷ​ക​വാ​ക്യം]

ആ ഉപകരണം നിർമ്മി​ക്ക​പ്പെട്ടു, അത്‌ നന്നായി പ്രവർത്തി​ക്കു​ക​യും ചെയ്‌തു. ഞാൻ അങ്ങനെ ഒരു നാസ (NASA) അവാർഡിൽ പങ്കാളി​യാ​കു​ക​യും ചെയ്‌തു.

[20-ാം പേജിലെ ചിത്രം]

നെൽസണും ഭാര്യ റോബർട്ട​യും പഠനത്തിൽ

[24-ാം പേജിലെ ചിത്രം]

നെൽസൺ ക്രൈ​റ്റ്‌സ്‌ മർദ്ദമാ​പി​നി​യും കൊണ്ട്‌