ദൈവം യഥാർത്ഥ​ത്തിൽ അവൻ സ്ഥിതി​ചെ​യ്യു​ന്നു​വോ?

സമാധാ​ന​ത്തി​ന്റെ ഒരു ദൈവ​മു​ണ്ടോ? അനേകരെ സംബന്ധിച്ച്‌ ആ ചോദ്യം കുറേ​ക്കൂ​ടെ കൃത്യ​മാ​യി​രി​ക്കണം—യഥാർത്ഥ​ത്തിൽ ഒരു ദൈവ​മു​ണ്ടോ?

ദശലക്ഷ​ക്ക​ണ​ക്കിന്‌ നിരീ​ശ്വ​രൻമാർ ഇല്ല എന്ന്‌ ഉത്തരം പറയുന്നു! അജ്ഞേയ​വാ​ദി​കൾ “(ദൈവ​ത്തെ​പ്പോ​ലെ​യുള്ള) ഏതെങ്കി​ലും ആത്യന്തിക യാഥാർത്ഥ്യം അറിയ​പ്പെ​ടു​ന്നില്ല, സാദ്ധ്യ​ത​യ​നു​സ​രിച്ച്‌ അറിയാൻ കഴിക​യു​മില്ല എന്ന വീക്ഷണം പുലർത്തു​ന്നു.” എന്നിരു​ന്നാ​ലും നൂറ്റി​യ​മ്പതു കോടി​യിൽപരം മതവി​ശ്വാ​സി​കൾ ഒരു ദൈവ​മു​ണ്ടെന്നു പറയുന്നു, അവനെ സംബന്ധി​ച്ചുള്ള അവരുടെ വിശ്വാ​സങ്ങൾ ഗുരു​ത​ര​മാ​യി വിഭി​ന്ന​മാ​ണെ​ങ്കി​ലും.

ഈ ചോദ്യ​ത്തിന്‌ തൃപ്‌തി​ക​ര​മായ ഉത്തരം കിട്ടാൻ മാർഗ്ഗ​മു​ണ്ടോ? തൃപ്‌തി​ക​ര​മായ ഉത്തരം എന്നതി​നാൽ ഞങ്ങൾ അർത്ഥമാ​ക്കു​ന്നത്‌ നമ്മുടെ ചിന്താ​ശ​ക്തി​ക്കും വികാ​ര​ത്തി​നും ആകർഷ​ക​മായ ഉത്തരം എന്നാണ്‌.

അപ്പോൾ, ദൈവ​വി​ശ്വാ​സ​ത്തിന്‌ തടസ്സമാ​യി നിൽക്കുന്ന ചില കാര്യങ്ങൾ എന്തൊ​ക്കെ​യാണ്‌? യോഹ​ന്നാൻ എന്ന ബൈബി​ളെ​ഴു​ത്തു​കാ​രന്റെ വാക്കു​ക​ളിൽ ഒരു തടസ്സം നമുക്കു കാണാം. “യാതൊ​രു മനുഷ്യ​നും ഒരു സമയത്തും ദൈവത്തെ കണ്ടിട്ടി​ല്ലാ​ത്ത​തു​കൊണ്ട്‌ അവൻ സ്ഥിതി​ചെ​യ്യു​ന്നി​ല്ലെന്ന്‌ ദശലക്ഷങ്ങൾ ന്യായ​വാ​ദം ചെയ്യുന്നു. “കാഴ്‌ച​യാണ്‌ വിശ്വാ​സം” എന്ന്‌ അവർ പറയുന്നു. എന്നാൽ അത്‌ കൃത്യ​മാ​യി സയുക്തി​ക​മാ​ണോ?

യഥാർത്ഥ​ത്തിൽ, നമ്മളൊ​രി​ക്ക​ലും കണ്ടിട്ടി​ല്ലാ​ത്ത​വ​യിൽ നമ്മളെ​ല്ലാം വിശ്വ​സി​ക്കു​ന്നുണ്ട്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ സാഹചര്യ തെളി​വി​നാ​ലും അനുമാ​ന​ത്താ​ലും അങ്ങനെ​യു​ള്ളവ സ്ഥിതി​ചെ​യ്യേ​ണ്ട​താ​ണെന്ന്‌ നാം അറിയു​ന്നു. ദൃഷ്ടാ​ന്ത​ത്തിന്‌, റേഡി​യോ വീചി​ക​ളോ റ്റെലി​വി​ഷൻ തരംഗ​ങ്ങ​ളോ എക്‌സ്‌റേ​ക​ളോ ആർ കണ്ടിരി​ക്കു​ന്നു? എന്നാൽ ഒരു റേഡി​യോ​യി​ലോ ഒരു റ്റെലി​വി​ഷൻ സെറ്റി​ലോ ഒരു എക്‌സ്‌റേ​പ്ലേ​റ്റി​ലോ ഉളവാ​ക്ക​പ്പെ​ടുന്ന ഫലങ്ങളാൽ അവ സ്ഥിതി​ചെ​യ്യു​ന്നു​ണ്ടെന്ന്‌ നാം അറിയു​ന്നു. അതു​പോ​ലെ​തന്നെ, ദൈവ​ത്തി​ന്റെ അസ്‌തി​ത്വം സ്ഥാപി​ക്കാൻ നമുക്ക്‌ സാഹചര്യ തെളി​വും അനുമാ​ന​വും ഉപയോ​ഗി​ക്കാൻ കഴിയും.

സൂചനകൾ പിന്തു​ട​രൽ

ഇന്ന്‌ സൗരയൂ​ഥത്തെ നാം സംശയി​ക്കാ​തെ അംഗീ​ക​രി​ക്കു​ന്നു. എന്നിരു​ന്നാ​ലും, വെറും 140 വർഷം മുമ്പ്‌ അതിനെ സംബന്ധിച്ച മനുഷ്യ​ന്റെ ഗ്രാഹ്യം പരിമി​ത​മാ​യി​രു​ന്നു. ആ കാലത്ത്‌ ഭൂമി​യിൽനി​ന്നും സൂര്യ​നിൽനി​ന്നും ഏറ്റവും അകലത്തി​ലുള്ള നെപ്‌റ്റ്യൂ​ണി​ന്റെ അസ്‌തി​ത്വ​ത്തെ​ക്കു​റിച്ച്‌ സംശയ​മു​ണ്ടാ​യി​രു​ന്നു. എന്തു​കൊണ്ട്‌? അതിന്റെ അസ്‌തി​ത്വ​ത്തി​ലേക്ക്‌ വിരൽ ചൂണ്ടിയ സൂചനകൾ—ഫലങ്ങൾ നിമിത്തം തന്നെ.

നാഷനൽ ജ്യോ​ഗ്രാ​ഫിക്ക്‌ ഇങ്ങനെ വിശദീ​ക​രി​ക്കു​ന്നു: “ഒരു അറിയ​പ്പെ​ടാത്ത [അങ്ങനെ വിദൂ​ര​ത്തിൽ കാണാതെ സ്ഥിതി​ചെ​യ്യുന്ന] ഗ്രഹത്തി​ന്റെ ഗുരു​ത്വാ​കർഷണം യുറാ​നസ്‌ അതിന്റെ മുൻകൂ​ട്ടി പറയപ്പെട്ട ഭ്രമണ​പ​ഥ​ത്തിൽ നിന്ന്‌ മാറി​പ്പോ​കാൻ നിർബ്ബ​ന്ധി​ത​മാ​ക്കു​ന്നു​വെന്ന്‌ 1840-കളിൽ വെവ്വേറെ ഗവേഷണം നടത്തി​ക്കൊ​ണ്ടി​രുന്ന ഒരു ഫ്രഞ്ചു​കാ​ര​നും ഒരു ഇംഗ്ലീ​ഷു​കാ​ര​നും നിഗമനം ചെയ്‌തു.” അതു​കൊണ്ട്‌ അവർ എന്തു ചെയ്‌തു? കാണാതെ കിടക്കുന്ന ഗ്രഹം എവി​ടെ​യാ​യി​രി​ക്കേ​ണ്ട​താ​ണെന്ന്‌ അവർ കണക്കു​കൂ​ട്ടി, “ഒരു മണിക്കൂർ നേരത്തെ അന്വേ​ഷ​ണ​ഫ​ല​മാ​യി നെപ്‌റ്റ്യൂൺ കണ്ടുപി​ടി​ക്ക​പ്പെട്ടു.”

മറ്റു പല സംഗതി​ക​ളി​ലെ​ന്ന​പോ​ലെ, ജ്യോ​തി​ശാ​സ്‌ത്ര​ജ്ഞൻമാർ കാര്യ​ങ്ങളെ അഥവാ സൂചന​കളെ പഠിക്കു​ക​യും അനന്തരം ഗവേഷ​ണ​ത്താൽ കാരണം കണ്ടുപി​ടി​ക്കു​ക​യും ചെയ്‌തു. മനുഷ്യ​ന്റേ​തി​നെ​ക്കാൾ ഉയർന്ന ഒരു ബുദ്ധി​ശ​ക്തി​യു​ടെ അസ്‌തി​ത്വം സ്ഥാപി​ക്കാൻ എന്തെങ്കി​ലും ഫലങ്ങൾ ഉണ്ടോ? (g86 2/22)

[3-ാം പേജിലെ ചിത്രം]

നെപ്‌റ്റ്യൂൺ കാണ​പ്പെ​ടു​ന്ന​തി​നു മുമ്പു​പോ​ലും യുറാ​ന​സിൻമേ​ലുള്ള അതിന്റെ ഗുരു​ത്വാ​കർഷ​ണ​ത്താൽ അതിന്റെ അസ്‌തി​ത്വം സൂചി​പ്പി​ക്ക​പ്പെ​ട്ടി​രു​ന്നു. സമാന​മായ ഒരു വിധത്തിൽ, ദൈവ​ത്തി​ന്റെ അസ്‌തി​ത്വം സ്ഥാപി​ക്കാൻ കഴിയു​മോ?