നിങ്ങൾ നിങ്ങളു​ടെ അയൽക്കാ​ര​നു​മാ​യി സമാധാ​ന​ത്തി​ലാ​ണോ?

നിങ്ങളു​ടെ അയൽക്കാ​രനെ സ്‌നേ​ഹി​ക്കുക. നമ്മോട്‌ അങ്ങനെ പറയ​പ്പെ​ട്ടി​രി​ക്കു​ന്നു. അത്‌ എല്ലായ്‌പ്പോ​ഴും എളുപ്പമല്ല. സമാധാ​ന​ത്തി​ലി​രി​ക്കു​ന്ന​തു​തന്നെ പ്രയാ​സ​മാണ്‌. നിങ്ങളു​ടെ അയൽക്കാ​രന്റെ മുറി​യിൽനി​ന്നുള്ള റോക്ക്‌ സംഗീതം നിങ്ങളു​ടെ ചുവരു​കളെ പ്രകമ്പനം കൊള്ളി​ക്കു​ന്നു. അവരുടെ കുട്ടികൾ ഹാളിൽ നാശം വിതയ്‌ക്കു​ന്നു. തെരു​വിൽ നിങ്ങൾ കവർച്ച ചെയ്യ​പ്പെ​ടു​ന്നു. പെരു​വ​ഴി​യിൽ ഡ്രൈ​വർമാർ നിങ്ങളു​ടെ മുമ്പി​ലേക്ക്‌ ഓടി​ച്ചു​ക​യ​റ്റു​ന്നു—ഹോണ​ടി​ച്ചാൽ നിങ്ങൾക്ക്‌ വെടി​യേ​റ്റേ​ക്കാം! അതിശ​യോ​ക്തി​യോ? ചില സ്ഥലങ്ങളിൽ. എന്നാൽ വലിയ നഗരങ്ങ​ളിൽ അതിശ​യോ​ക്തി​യല്ല. നഗര​പ്രാ​ന്ത​ങ്ങ​ളി​ലും ഗ്രാമ​ങ്ങ​ളി​ലും അയൽ സ്‌നേഹം പ്രയാ​സ​മാ​ക്കി​ത്തീർക്കുന്ന പ്രത്യേക പ്രശ്‌ന​ങ്ങ​ളുണ്ട്‌.

സമ്മർദ്ദ​ത്തി​ല​ധി​ക​വും ഉണ്ടാകു​ന്നത്‌ ഈ ആധുനി​ക​മായ ഉയർന്ന, സാങ്കേ​തി​ക​വി​ദ്യാ​വ്യ​വ​സ്ഥി​തി​യിൽ നിന്നാണ്‌. ഒരു കുപ്പി​യിൽ തേളു​ക​ളെ​പ്പോ​ലെ ആയിരങ്ങൾ നഗരങ്ങ​ളിൽ തിങ്ങി​കൂ​ടു​ന്നു. അയൽക്കാ​രന്റെ കോഴി​കൾ കൃഷി​ന​ശി​പ്പി​ക്കു​മ്പോൾ ഗ്രാമീ​ണർ അലറി​ക്കൊണ്ട്‌ ഇറങ്ങി​വ​രു​ന്നു. കീടനാ​ശി​നി​കളെ ചെറുത്തു നിൽക്കുന്ന കീടങ്ങൾ തങ്ങളുടെ വിളവു​കളെ നശിപ്പി​ക്കു​മ്പോൾ കർഷകർ ദാരി​ദ്ര്യ​ത്തി​ലാ​ണ്ടു​പോ​കു​ന്നു. എല്ലായി​ട​ത്തും വ്യവസാ​യങ്ങൾ മലിന വസ്‌തു​ക്കൾ തുപ്പി​ക്കൊ​ണ്ടി​രി​ക്കു​ന്നു. വായു തവിട്ടു നിറം പ്രാപി​ക്കു​ന്നു, അമ്ല മഴ പെയ്യുന്നു, കായലു​ക​ളിൽ മത്സ്യങ്ങൾ ചത്തൊ​ടു​ങ്ങു​ന്നു, വിഷമ​യ​മായ രാസവ​സ്‌തു​ക്ക​ളു​ടെ കൂനക​ളാൽ ഭൂഗർഭ​ജ​ലം​പോ​ലും മലിന​മാ​കു​ന്നു. ആരോ​ഗ്യം മോശ​മാ​യി​ത്തീ​രു​ന്നു, ജീവൻ നഷ്ടപ്പെ​ടു​ന്നു.

വികാ​ര​ങ്ങൾ കൊടു​മ്പി​രി​ക്കൊ​ള്ളു​മ്പോൾ ഈ വിധത്തി​ലും മറ്റ​നേകം വിധങ്ങ​ളി​ലും ദശലക്ഷ​ങ്ങ​ളു​ടെ ജീവി​ത​ത്തിൽ സമ്മർദ്ദം വളരുന്നു, സ്‌ഫോ​ട​നാ​ത്മ​ക​മാ​യി​ത്തീ​രു​ന്നു—അവ പൊട്ടി​ത്തെ​റി​ക്കു​ക​തന്നെ ചെയ്യുന്നു. അനേകർ ജഡിക​വ്യാ​പാ​ര​ങ്ങ​ളിൽ മുഴുകി രക്ഷതേ​ടു​ന്നു. സ്വാർത്ഥ ഭൗതി​ക​ത്വം, സാമൂ​ഹിക മദ്യപാ​നങ്ങൾ, മയക്കു​മ​രു​ന്നു ലഹരി, വികട​ജീ​വിത ശൈലി​കൾ—തൻകാ​ര്യ​മ​ത​ത്തി​ലേക്ക്‌ പിൻവാ​ങ്ങു​ന്ന​തി​നുള്ള എന്തും. ജഡത്തെ അമിത​മാ​യി തീറ്റു​ക​യും ആത്മാവി​നെ പട്ടിണി​യി​ടു​ക​യും ചെയ്യു​മ്പോൾ സ്വസ്‌നേഹം അയൽസ്‌നേ​ഹത്തെ പുറന്ത​ള്ളു​ന്നു.

സമ്പൽസ​മൃ​ദ്ധി കുറഞ്ഞ രാഷ്‌ട്ര​ങ്ങ​ളിൽ ജഡവും ആത്മാവും പട്ടിണി​യി​ലാണ്‌. വിപ്ലവങ്ങൾ ജനതതി​യെ​ത​കർത്തു തരിപ്പ​ണ​മാ​ക്കു​ന്നു, പകർച്ച​വ്യാ​ധി​കൾ ജീവഹാ​നി വരുത്തു​ന്നു, ക്ഷാമം ദേശത്തു തേർവാഴ്‌ച നടത്തുന്നു, പ്രത്യാശ മൃതി​യ​ട​യു​ന്നു, നിരാശ വാഴ്‌ച​ന​ട​ത്തു​ന്നു.

ഇല്ല, ഈ ആധുനി​ക​വ്യ​വ​സ്ഥി​തി​യിൽ നിങ്ങളു​ടെ അയൽക്കാ​രനെ സ്‌നേ​ഹി​ക്കു​ന്നത്‌ എല്ലായ്‌പ്പോ​ഴും എളുപ്പമല്ല. എന്നിലു​ന്നാ​ലു, അയൽസ്‌നേഹം സ്ഥിതി​ചെ​യ്യു​ക​തന്നെ ചെയ്യുന്നു, അനേകർ തങ്ങളുടെ അയൽക്കാ​രു​മാ​യി തീർച്ച​യാ​യും സമാധാ​ന​ത്തി​ലി​രി​ക്കു​ന്നു. (g86 1/22)