УЧИ ОД ИСУС

„Ќе чуете за војни на разни места“

„Во текот на мојата кариера, која започна во 1960-ите, известував за повеќе од 40 војни ширум светот. Видов како Студената војна достигна критична точка, а потоа одненадеж тензијата спласна. Но, никогаш не сум видел толку загрижувачка година како 2025 — не само затоа што беснеат неколку големи конфликти, туку и затоа што станува сѐ појасно дека едниот од нив може да има многу лошо влијание врз голем дел од светот“ (Џон Симсон, уредник на Би-би-си за меѓународна политика; нагласено од нас).

Многу луѓе се загрижени поради војните што беснеат низ светот. Многумина се прашуваат дали работите некогаш ќе тргнат на подобро. Што поучувал Исус во врска со ова?

Што поучувал Исус

Исус претскажал во какви услови ќе живееме денес. Тој им рекол на своите следбеници: „Ќе чуете за војни на разни места“ (Матеј 24:6).

Иако војните и конфликтите многу нѐ потресуваат, имаме добра причина да не ја изгубиме надежта. Зошто може да го кажеме ова? Затоа што Исус зборувал за еден „знак“ по кој ќе може да препознаеме дека живееме во „свршетокот на овој поредок“. Тој знак се состои од повеќе работи, во кои спаѓаат опасните војни, условите во кои живееме и ставовите на луѓето (Матеј 24:3; Лука 21:7). Тоа значи дека ќе дојде ден кога Исус ќе се погрижи војните да бидат само минато. Како ќе го направи тоа?

Што ќе направи Исус

Во блиска иднина, Исус како Цар на Божјето Царство ќе им стави крај на војните по целата Земја (Псалм 46:9).

За да дознаеш нешто повеќе за тоа како ќе се постигне мир на Земјата и како ќе изгледа животот тогаш, прочитај ја статијата „Како ќе им дојде крај на војните и конфликтите“.