„Тоа е дело на Јехова“

Така гласеше насловот на една статија во весникот El Norte од Монтереј (Мексико). Статијата беше во врска со една нова конгресна сала на Јеховините сведоци.

Монтереј е град во северниот дел од Мексико со 2.300.000 жители (заедно со предградијата) и со 19.200 објавители на Царството. Во рок од околу година и пол, Сведоците ги обединија своите напори за да изградат една прекрасна и практична конгресна сала со 3.000 удобни седишта и со клима уреди. Локалните Сведоци се радуваа кога еден член на Водечкото тело на Јеховините сведоци го изнесе говорот за свеченото отворање. Во програмата беше вклучена кратка историја на делото во Монтереј, како и интервјуа со оние кои учествуваа во изградбата. Потоа, 4.500-те лица кои присуствуваа на состанокот, уживаа во предавањето за свеченото отворање.

Ова е третата однеодамна изградените конгресни сали во Мексико во, како што се опишува, кампањата за „Повеќе, поголеми и подобри конгресни сали и Сали на Царството“.

Со преку 443.000 објавители во Мексико и со 1.492.500 присутни на Споменот во 1995 година, новите конгресни сали, како оваа во Монтереј, сигурно ќе ѝ послужат на божествената намера.