Gâd ra kakaira takaia dukiara taim sâks

Gâd ra kakaira takaia dukiara taim sakisma kaka, rayakam ra kau lilia kama, kan spirit lainka ra nitkam nani ba brima. Kaiks naha dukiara Jisas dîa smalkan ba.

Jisas dîa smalkan ba

“Lilia pali sa baha nani Gâd ra kakaira takaia nit sa ai dara wali ba” (Matiu 5:3, TNM).

• Yawan lilia kaia dukiara, nit pali sa naha makabi walanka nani ba nu takaia: ¿dîa muni yawan raya sa?, ¿dîa muni upla ailal ban panis wahwisa? bara ¿upla kum pruisa taim dîa takisa?

“Upla ba brit mita man raya kabia apia, sakuna Gâd aisi bîla ba wal sin”a (Matiu 4:4).

• Yawan plun piaia nit baku, spirit pata briaia nitka sin brisa. ¿Baha ba nahki daukisa ki? Jisas klir pali aisan baha nitka nani briaia dukiara yawan ban Gâd hilpka pliki kaia sa.

“Man smalkankam bîla ba sika diara kasak pali ba” (Jan 17:17).

• Jisas wan marikan, Gâd mita spirit lainka ra wan nitka nani wankisa ai Bîla Baibil bâk.

Rait pali lilia kaia want sma kaka, Gâd ra kakaira takaia dukiara taim sakaia sma. Naha hilpka wâl ba yus munaia sip sma:

• Baibil mana luha aisi kaiks.

• Jehova witniska kum Baibil stadika mana luha kum maikbia makas.