MPITONDRA FIADIANA

Miaramila mpitondra ny fitaovam-piadian’ny mpanjaka na mpitarika hafa, nijoro teo akaikiny rehefa nisy loza ary nanatanteraka ny baikony. “Mpitondra fiadiana” no nandikana ny teny hebreo hoe nôseʼ kelim (a.b.t.: ilay mitondra fitaovam-piadiana). (1Sa 14:6; ampit. 1Sa 14:1.) Mety ho namono an’izay fahavalo noratrain’ny mpitari-tafika ny mpitondra fiadiany. (1Sa 14:13) Tamin’ireo miaramila mahery fo no nifidianana mpitondra fiadiana, izay nisy vonona ho faty ho an’ny lehibeny.​—1Sa 14:6, 7; 31:5.

Nasain’i Abimeleka novonoin’ny mpitondra fiadiany ho faty izy rehefa naratra mafy, sao hisy hilaza hoe: “Vehivavy no namono azy.” (Mpts 9:52-54) Mpitondra fiadian’i Saoly Mpanjaka i Davida taloha. (1Sa 16:21) Namono tena toa an’i Saoly ny mpitondra fiadiany iray hafa, fa tsy nety namono azy ho faty. (1Sa 31:3-6) Nanana mpitondra fiadiana koa i Jonatana sy Joaba (1Sa 14:6-14; 2Sa 18:15; 23:37; 1Ta 11:39) ary ny lehiben’ireo miaramilan’ny firenena fahiny, toa an’i Goliata, Filistinina goavam-be.​—1Sa 17:7, 41.