Ireo “Zava-mahatsiravina Fiton’izao Tontolo Izao”

VOALAZA fa nanao lisitr’izay nantsoiny hoe “Zava-mahatsiravina Fiton’izao Tontolo Izao” i Mohandas Gandhi. Ireto manaraka ireto izy ireo:

• Harena tsy misy asa

• Fahafinaretana tsy misy feon’ny fieritreretana

• Fahalalana tsy misy hatsaran-toetra

• Varotra tsy misy fitondran-tena mahitsy

• Siansa tsy misy fiheverana ny maha-olona

• Fanompoam-pivavahana tsy misy fanaovana sorona

• Politika tsy misy fitsipi-pitondran-tena

Voalaza fa nanampy iray fahavalo i Arun Gandhi zafikeliny, dia ny hoe:

• Zo tsy misy andraikitra

Angamba ianao ho afaka hanolotra vitsivitsy fanampiny, nefa io lisitra io dia azo antoka fa mampisaintsaina. Ny vahaolana omen’ny Baiboly ny amin’ireo “zava-mahatsiravina” ireo dia voafehy ao anatin’ireto didy roa ireto: “ ‘Tiava an’i Jehovah Andriamanitrao amin’ny fonao rehetra sy ny fanahinao rehetra ary ny sainao rehetra’. Izany no didy lehibe sady voalohany. Ary ny faharoa, izay tahaka azy ihany, dia izao: “Tiava ny namanao tahaka ny tenanao”. Izany didy roa izany no ihantonan’ny lalàna rehetra sy ny mpaminany.” — Matio 22:37-40.

[Sary nahazoan-dalana, pejy 20]

UPI/Corbis-Bettmann