Pejy Faharoa

Hifoka sa tsy hifoka, izany no fanontaniana. Izany no atrehina mazàna rehefa zatovo ianao. Tsy misy fanerena amin’izany. Fanapahan-kevitra amim-pisafidianana malalaka izany. Fanapahan-kevitra mety hisy akony lehibe eo amin’ny fiainanao anefa izany, araka ny voalazan’ny manam-pahaizana momba ny fahasalamana. Mety hametra ny fotoana sy ny fomba hahafatesanao mihitsy aza izany.

Izany no mahatonga ny fanontaniana lehibe toy izao: Mifanaraka amin’ny fitsipi-pitondrantena ve ny hanaovana dokambarotra momba ny sigara? Azo hamarinina araka ny fitsipi-pitondrantena tsara ve ny firenena milaza ho kristiana izay ta hanary ny sigarany amin’ny fanondranana izany any amin’ny firenena hafa? Moa ve ny mpivaro-tsigara tsy mivarotra aretina sy fahafatesana? Koa satria ny olona no mifidy ny hifoka, misy tokony hahitana zava-manahirana ve amin’izany?