Eski Bondie Li Zis enn Lafors?

Seki Labib dir

Bondie servi enn gran lafors pou fer bann kitsoz partou dan liniver. Kan li koz lor kreasion bann milyar zetwal, Labib dir: “Lev zot lizie ek get lesiel. Kisannla ki’nn kree tou sa bann kitsoz-la? Se sa Kikenn ki fer zot larme sorti dapre kantite ki zot ete; Li apel zot tou par zot nom. Avek tou sa kantite lenerzi aktif ki Li ena la ek so lafors ki inpresionan, pena enn parmi zot ki manke.”​—Izai 40:25, 26.

Me Bondie li boukou plis ki zis enn lafors ki pwisan. Labib dir ki Li ena bann santiman, kouma lamour ek laenn. (Psom 11:5, PKM; Zan 3:16) Labib osi dir ki fason ki bann imin azir, sa ena enn lefe lor seki Bondie resanti.​—Psom 78:40, 41, PKM.