Eski Bondie Li Form Parti enn Trinite?

Seki Labib dir

Boukou bann legliz Kretien ansegne ki Bondie li form parti enn Trinite. Me selman, get seki Encyclopædia Britannica dir: “Pena ni lexpresion Trinite ni so doktrinn dan Nouvo Testaman . . . Doktrinn-la finn devlope tigit-tigit pandan plizir santenn lane ek atraver boukou deba.”

Sa li vre, parski dan Labib okenn plas pa dir ki Bondie Li form parti enn Trinite. Gete ki sa bann pasaz Labib-la dir:

“Zeova nou Bondie Li enn sel Zeova.”​—Deteronom 6:4.

“Ki bann dimounn kone ki twa, ki apel Zeova, to tousel Treo lor later antie.”​—Psom 83:18.

“Samem ki vedir lavi eternel, ki zot aprann konn twa, sel vre Bondie, ek sa kikenn ki to finn avoye la, Zezi Kris.”​—Zan 17:3.

“Bondie li enn sel.”​—Galat 3:20, NTKM.

Kifer laplipar bann legliz Kretien dir ki Bondie Li form parti enn Trinite?