Program Reunion Service

Semaine a partir 12 mars

Cantik 153

10 min: Annonce local. Si bann l’idée ki trouve dan page 4 adapté ar ou territoire, servi zot pou faire bann demonstration pou montré couma pou presente La Tour de Garde 15 mars ek Réveillez-vous ! mars. Si pankor gagne sa bann periodik-la, presente bann dernier periodik avek l’aide bann suggestion ki ena dan Ministère du Royaume mois dernier. Kapav servi aussi lezot presentation ki bien adapté.

15 min: Kan enn kikenn ki nou content quitte Jéhovah. Discours par enn ancien basé lor La Tour de Garde 1^er septembre 2006, page 17-21, en français.

20 min: “Contigne faire sa en mo memoire.”a Kan pé examine paragraphe 3, ajoute dé-trois point ki trouve dan Ministère du Royaume mars 2006, page 1, paragraphe 3, ki expliké couma nou kapav servi livre Ki la Bible enseigné? pou explik bann dimoune lor Mémorial kan nou pé invite zot.

Cantik 168 ek la priere final.

Semaine a partir 19 mars

Cantik 45

10 min: Annonce local ek Annonce approprié dan Ministère du Royaume. Ré-guette bann point important dan l’encadré page 3 “Bann rappel pou Mémorial.”

20 min: Couma ou kapav faire plus dan ou ministere. Discours ek discussion avek l’auditoire basé lor chapitre 10 dan livre Organisés pour faire la volonté de Jéhovah.

15 min: “Ki ou ti pou reponn?”b Faire enn ti demonstration pou montré couma kapav servi page 31 dan Réveillez-vous ! kan pé faire enn l’etude familial.

Cantik 216 ek la priere final.

Semaine a partir 26 mars

Cantik 115

10 min: Annonce local. Rappel bann proclamateur pou donne zot rapport mois mars. Lire rapport compte ek note ki la societé envoyé pou remercié la congregation. Si bann l’idée ki trouve dan page 4 adapté ar ou territoire, servi zot pou faire bann demonstration pou montré couma pou presente La Tour de Garde 1^er avril ek Réveillez-vous ! avril ensam avek l’invitation special pou Mémorial. Si pankor gagne sa bann periodik-la, presente bann dernier periodik avek l’aide bann suggestion ki ena dan Ministère du Royaume mois dernier. Kapav servi aussi lezot presentation ki bien adapté.

15 min: Besoin local.

20 min: Ki mo bizin faire ar mo la-vie? Discours basé lor Réveillez-vous ! juillet 2006, page 23-5. Interviewé enn ou-soit deux proclamateur ki’nn choisir pou faire service a plein temps apré ki zot inn fini lekol. Kifer zot inn choisir service a plein temps? Ki bann benediction zot inn gagné?

Cantik 148 ek la priere final.

Semaine a partir 2 avril

Cantik 177

10 min: Annonce local. Ré-guette l’invitation ki trouve dan dernier page La Tour de Garde 1^er avril 2007, ek encourage bann proclamateur pou invite bann dimoune ki interessé, pou discours special ki pou ena le 15 avril.

20 min: Contigne aide bann ki’nn assisté Mémorial. Discours par enn ancien. Annoncé comié l’assistance ti ena pou Mémorial dan congregation ek dire apepré ki quantité nouveau ki ti vinn assisté Mémorial pou premier fois. Raconte bann joli l’experience ki finn kapav ena concernant bann dimoune ki’nn accepté enn l’invitation Mémorial ou-soit bann ki’nn al guette bann frere ki occupe service l’accueil apré Mémorial pou demann enn l’etude la Bible. Donne bann suggestion couma kapav contigne aide bann ki’nn assisté Mémorial lor plan spirituel. (Guette km 3/06 p. 1, § 5; km 2/05 p. 4, § 9; km 2/04 p. 5, § 16.) Encourage bann proclamateur pou pa tardé pou suive l’interet.

15 min: Servi bien l’Annuaire 2007. Discours ek discussion avek l’auditoire. Attire l’attention lor “ Rapport mondial. ” Demann a l’avance dé-trois proclamateur pou faire bann commentaire lor rapport mondial ek pou raconte bann l’experience ki zot inn trouve bien encourageant ek ki’nn fortifié zot la-foi. Encourage bann famille pou lire l’annuaire-la regulierement pendant l’année 2007. Donne bann suggestion couma bann proclamateur kapav servi sa livre-la pou dirige bann nouveau vers l’organisation Jéhovah ek pou encourage zot pou assisté bann reunion.

Cantik 179 ek la priere final.

[Note]