Program Reunion Service

Note: Mem si pou ena l’assemblée district “Delivrance pé approché!” pendant mois août, ou pou trouvé ki ena enn program reunion service pou chaque semaine dan Ministère du Royaume août. Bann congregation kapav faire bann changement necessaire a cause l’assemblée. Si possible, servi 15 minute pendant dernier reunion service ki ena avant l’assemblée pou rappel bann conseil ki trouve dan supplement Ministère du Royaume avril 2006. Enn ou-soit deux mois apré l’assemblée, reserve 15 a 20 minute pendant enn reunion service (ou kapav faire li dan place enn besoin local) pou faire revision bann point important dan program l’assemblée. Li pa necessaire revise programme-la entier. Koz surtout lor bann sujet ki ena enn rapport avek la predication. Invite l’assistance pou dire couma zot pé applik sa bann conseil-la dan zot ministere.

Semaine a partir 12 juin

Cantik 218

10 min: Annonce local. Si bann l’idée ki trouve dan page 4 adapté ar ou territoire, servi zot pou faire bann demonstration pou montré couma pou presente La Tour de Garde 15 juin ek Réveillez-vous ! juin. Si pankor gagne sa bann periodik-la, presente bann dernier periodik avek l’aide bann suggestion ki ena dan Ministère du Royaume mois dernier. Dan enn sa bann demonstration-la, montré couma enn proclamateur pé rann temoignage informel.

20 min: “Nou ministere—Enn travail ki nou faire avek compassion.”a Si le temps permette, invite l’assistance pou faire bann commentaire lor bann verset ki’nn mentionné.

15 min: Faire confiance “l’esclave fidel et avisé.” Discours ek discussion avek l’auditoire basé lor chapitre 3 dan livre Organisés.

Cantik 47 ek la priere final.

Semaine a partir 19 juin

Cantik 21

10 min: Annonce local ek bann Annonce approprié dan Ministère du Royaume.

20 min: Enn parole ki dire dan bon moment, li faire beaucoup di-bien! Discours ek discussion avek l’auditoire basé lor La Tour de Garde 1^er janvier 2006 en français, page 16-19. Dan l’introduction attire l’attention lor quatre bienfait ki gagné kan felicite lezot ek ki trouve enba sous-titre “ Des effets bénéfiques. ” Apré sa ou kapav pose l’assistance sa bann question-la: Kisannla avant tou merite bann louange? Kifer nou bann frere ek soeur zot aussi, zot merité ki nou felicite zot? Ki bann l’occasion nou ena pou felicite lezot dan congregation? Kifer li bon nou felicite bann membre nou famille, ek couma nou kapav faire sa? Couma eski ou finn senti-ou encouragé ek fortifié, apré ki enn kikenn inn felicite ou?

15 min: “Montré enn l’interet sincere—Kan nou felicite lezot.”b Faire enn ti demonstration pou montré couma enn proclamateur ecoute bien sa dimoune avek ki li pé kozé-la, li felicite li sincerement, ek lerla li contigne so conversation lor seki dimoune-la finn dire ek li partage enn verset la Bible avek li.

Cantik 96 ek la priere final.

Semaine a partir 26 juin

Cantik 63

15 min: Annonce local. Lire rapport compte ek note ki la societé inn envoyé pou remercié congregation pou zot soutien. Si bann l’idée ki trouve dan page 4 adapté ar ou territoire, servi zot pou faire deux demonstration pou montré couma pou presente La Tour de Garde 1^er juillet ek Réveillez-vous ! juillet. Si pankor gagne sa bann periodik-la, presente bann dernier periodik avek l’aide bann suggestion ki ena dan Ministère du Royaume mois dernier. Kapav servi aussi lezot presentation ki bien adapté. A la fin chaque presentation, proclamateur-la pose enn question interessant ki li pou reponn la prochaine fois a travers livre Ki la Bible enseigné?

15 min: Eski ou kapav servi là kot ena plus besoin? Discours basé lor Ministère du Royaume avril 2002, page 1, en français. Mentionne aussi bann joli l’experience ki bann proclamateur dan congregation finn gagné kan zot finn preche dan bann territoire isolé ou-soit dan bann territoire ki pa faire souvent.—Guette livre Organisés, p. 111-12.

15 min: Annonce la bonne nouvelle en juillet. Ki kitsoz ki interesse la plupart bann dimoune dan ou territoire? Prend dé-trois minute pou interviewé enn ou-soit deux proclamateur ki’nn servi livre Ki la Bible enseigné? dan enn fason efficace ek ki kitfois finn commence enn l’etude la Bible. Apré sa, servi enn presentation ki bien adapté dan ou territoire, pou faire enn demonstration kot proclamateur-la presente sa livre-la dan predication.—Guette Ministère du Royaume janvier 2005, p. 8, par. 5.

Cantik 208 ek la priere final.

Semaine a partir 3 juillet

Cantik 111

10 min: Annonce local. Rappel bann proclamateur pou remette zot rapport mois juin si zot pankor faire li.

15 min: Besoin local.

20 min: “Couma to kapav realise to bann l’objectif spirituel.”c Invite bann jeune dan congregation pou dire ki bann l’objectif spirituel zot inn fixé ek ki zot pé faire pou reussi realise zot. Demann enn ou-soit deux jeune pou prepare-zot a l’avance pou raconte zot l’experience.

Cantik 30 ek la priere final.

[Note]