Garde bien
Bann suggestion pou presente bann brochure
Dan sa supplement-la, ou pou trouve plusieurs suggestion ki kapav aide ou pou prepare presentation bann brochure. Ou kapav adapté zot ar ou territoire. Ou kapav servi bann lezot presentation aussi. Ou kapav servi sa bann presentation ki’nn donné-la, couma enn model, pou prepare presentation lezot brochure ki pa mentionné dan sa supplement-la.—Guette Ministère du Royaume janvier 2005, p. 8.
Dan chaque suggestion ki ena lor sa page-la ena (1) enn question ki pou faire dimoune-la reflechi ek ki kapav ouvert chemin pou commence enn conversation, (2) enn reference kot ou kapav trouve bann point dan brochure-la, lor ki ou kapav kozé, ek (3) enn verset la Bible approprié ki ou kapav lire pendant ou discussion. Ou kapav servi ou prop mot pou faire le reste ou presentation, dapré seki dimoune-la dire.
Doit-on croire à la Trinité ?
“Dimoune croire beaucoup kitsoz concernant couma Bondié été vrai-mem. Eski ou pensé ki seki nou croire lor sa sujet-la, li important?”—p. 3, par. 3, 7-8; Jean 17:3.
Le gouvernement qui établira le Paradis
“Beaucoup dimoune pé attann avek impatience pou gagne enn solution pou bann problem ki nou gagné zordi. Eski ou pensé ki enn jour pou ena enn gouvernement ki pou kapav reglé sa bann problem-la?”—p. 3, par. 1; Mat. 6:9, 10.
Le nom divin qui demeure à jamais
“La plupart parmi nou konn sa la-priere-la: ‘Notre Père qui es dans les cieux, que ton nom soit sanctifié.’ (Mat. 6:9, Bible Segond) Mais eski ou ti koné ki li bien important pou konn sa nom-la pou nou kapav sauvé?”—p. 28, par. 1; Rom. 10:13.
Quand la mort frappe un être aimé. . .
“Zordi nou pé presente sa brochure ki finn reconforte bann million dimoune ki finn perdi enn kikenn dan la mort, ek ki finn donne zot enn l’espoir. Eski ou’nn deja demann ou-mem ki l’espoir ena pou bann dimoune ki’nn mort?”—p. 27, par. 3; Jean 5:28, 29.
“Eski ou’nn deja demann-ou couma ou kapav aide enn kikenn ki’nn perdi enn membre dan so famille?”—p. 20, par. 1; Prov. 17: 17.
Que devient-on quand on meurt ?
“Kan bann dimoune ki nou content mort, li normal ki nou demann nou-mem kot zot été ek si nou pou kapav retrouve zot enn jour. Eski ou’nn deja pose ou sa bann question-la?”—Bann question ki trouve dan page couverture—page 32; Job 14:14, 15.
Un livre pour tous
“Eski ou pensé ki dan la Bible, nou kapav trouve bann conseil ki pratik pou nou lepok?”—p. 22, note ki trouve zis apré titre; p. 23, l’encadré par. 3; Prov. 25:11.
Une vie pleinement satisfaisante : Comment ?
“Beaucoup dimoune lor la terre souhaite gagne enn pli bon la-vie. Eski ou pensé ki enn jour nou pou kapav amenn enn la-vie ki pou vrai-mem donne nou satisfaction?”—p. 29, par. 6; 2 Pierre 3:13.
Vivez éternellement heureux sur la terre !
“Beaucoup dimoune croire ki zot bizin al dan le ciel pou kapav vive heureux pou touletan. Mais ki ou pensé lor possibilité ki nou ena pou vive pou touletan lor la terre?”—Montré zimage lor couverture; Rév. 21:4.
Bann suggestion pou presente brochure Dieu se soucie-t-il vraiment de nous?
Apré ki ou’nn koz lor enn kitsoz terrible ki finn mentionné dan information, ou kapav dire:
“Eski ou’nn deja demann-ou kifer Bondié laisse bann dimoune souffert, si vrai-mem Li interessé ar nou? [Laisse dimoune-la reponn.] Sa brochure-la donne nou enn bon reponse pou sa question-la, ek li explik nou ki Bondié pou faire bientot. [Montré bann zimage ki trouve dan page 27, ek apré lire Psaume 145:16 ki cité dan paragraphe 22.] Couma eski Bondié pou elimine tou bann souffrance ki dimoune inn koné? Mo ti pou bien content reponn ou sa question-la kan mo retourné la prochaine fois.” Offert li brochure-la, ek prend bann disposition pou retourné.
Kan ou ré-al visite li, ou kapav dire:
“Dernier fois mo ti koz avek ou, nou ti lire sa verset la Bible-la. [Lire ou-soit cite bann parole Psaume 145:16.] Apré sa mo ti pose enn question: Couma Bondié pou elimine tou bann souffrance ki dimoune inn koné?” Invite li pou amenn so brochure. Apré sa, ouvert page 27-8, ek examine paragraphe 23-5. Propose li enn l’etude la Bible, ou-soit prend bann disposition pou examine paragraphe 26-7 prochain fois ou visite li.
Enn jeune proclamateur kapav dire:
“Beaucoup jeune dan mo l’age demann zot-mem couma le monde pou été dan 10 ou 15 an. Dapré ou, couma la vie pou été lerla? [Laisse dimoune-la reponn.] Bann problem ki nou trouvé zordi montré ki nou pé vive dan bann dernier jour. [Lire 2 Timothée 3:1-3.] Sa brochure-la reponn nou sa bann question-la. [Lire bann question ki ena lor couverture, ek offert brochure-la.] Enn prochaine fois kan mo vini, si ou ena dé-trois minute, mo ti pou bien content partage enn pensée encourageant, ek montré ou couma la maladie ek la vieillesse pou disparette.” Prend bann disposition pou enn nouvelle visite.
Kan ou retourné, ou kapav dire:
“Dernier fois ki nou ti gagne l’occasion kozé, mo ti dire ou ki mo ti pou content montré ou couma la maladie ek la vieillesse pou disparette. Sa pensée-la trouve ici.” Invite li pou amenn so brochure. Apré sa, lire ek discute paragraphe 6-7 ki trouve dan page 23-4. Prend bann disposition pou examine paragraphe 8-9 dan ou prochain visite.
Kan li pé preché ensam avek enn zenfant, enn adulte kapav presente zot toulé-deux, ek dire:
“Si ou permetté, ________ ti pou content lire enn verset la Bible avek ou. [Zenfant-la lire Psaume 37:29 ek li faire enn ti commentaire lor verset-la.] Sa brochure-la montré nou couma Bondié pou realise projet ki Li ena pou bann dimoune ek pou la terre. [Montré bann zimage ki trouve lor page 24-7.] Kan nou vini la prochaine fois, mo ti pou content montré ou promesse extraordinaire ki ena dan la Bible concernant la resurrection.” Offert brochure-la, ek prend bann disposition pou enn nouvelle visite.
Kan retourné, adulte-la kapav dire:
“Dernier fois mo ti joinde ou, nou ti lire Psaume 37:29 ek mo ti dire ou ki mo ti pou content montré ou seki la Bible dire lor la resurrection. Guette ki li dire ici.” Invite li pou amenn so brochure. Apré sa, examine paragraphe 12-14 ki trouve dan page 24-5. Propose li enn l’etude la Bible, ou-soit prend bann disposition pou examine paragraphe 15-16 dan ou prochain visite.
Bann suggestion pou presente brochure Quel est le but de la vie? Comment le découvrir?
Apré ki ou’nn dire dimoune-la bonjour, ou kapav dire:
“C’est sur ki zordi nou konn bann problem ek bann deception dan la vie. Eski ou pensé ki coumsa-mem Bondié ti envie ki la vie été? [Laisse dimoune-la reponn.] Sa brochure-la montré nou ki, seki Bondié ti envie au commencement pou bann dimoune ek pou la terre, pou realisé sans faute. [Discute bann zimage ki trouve dan page 20-1. Apré sa, lire paragraphe 9, ek attire l’attention lor Isaïe 14:24 ek 46:11.] La prochaine fois mo vini, mo ti pou content montré ou ki koté dan la Bible, Bondié promette pou faire la terre entier vinn enn paradi.” Offert brochure-la, ek prend bann disposition pou enn nouvelle visite.
Kan ou retourné, ou kapav dire:
“Dernier fois, mo ti dire ou ki Bondié inn promette pou faire la terre vinn enn paradi kot bann dimoune pou kapav vive pou touletan. [Montré encore enn fois zimage ki trouve dan page 20-1.] Remarké ki Jésus, Pierre, ek David ti koz lor Paradi.” Invite li pou amenn so brochure. Apré sa, ouvert brochure-la page 21-2, ek examine paragraphe 10-13. Propose enn l’etude la Bible, ou-soit prend bann disposition pou examine enn parmi bann sous-titre en caractere gras ki trouve dan page 29-30 dan ou prochain visite.
Enn jeune proclamateur kapav dire:
“Beaucoup jeune dan mo l’age pa koné ki l’avenir reserve zot. Eski ou pensé ki prochain generation pou konn enn pli bon la-vie? [Laisse dimoune-la reponn.] La Bible koz lor enn l’avenir extraordinaire pou tou dimoune lor la terre. [Montré zimage ki trouve dan page 31 dan brochure-la, ek lire commentaire ki trouve au millieu. Apré sa, lire 2 Pierre 3:13.] Sa brochure-la donne nou bann renseignement lor bann benediction ki Bondié finn reservé pou bann dimoune lor la terre. [Attire l’attention lor bann sous-titre en gras ki trouve dan page 29-30, ek offert brochure-la.] Mo ti pou content repassé ek partage avek ou, promesse ki Bondié finn faire pou elimine bann la-guerre.” Prend bann disposition pou enn nouvelle visite.
Kan ou retourné, ou kapav dire:
“Dernier fois mo ti joinde ou, mo ti dire ou ki Bondié envie faire la terre entier vinn enn paradi. [Montré encore enn fois zimage ki trouve dan page 31.] Mo ti pou content koné ki ou pensé lor promesse ki Bondié finn faire pou elimine tou bann la-guerre.” Invite li pou amenn so brochure. Apré sa lire ek examine paragraphe 3-6 ki trouve dan page 29. Prend bann disposition pou examine paragraphe 7-8 dan prochain visite.
Kan li pé preché ensam avek enn zenfant, enn adulte kapav presente zot toulé-deux, ek dire:
“Si ou permetté, ________ ti pou content montré ou enn zimage ek lire enn verset la Bible avek ou. [Zenfant-la montré zimage ek lire commentaire ki trouve dan page 31, ek apré sa, li lire Révélation 21:4.] Sa brochure-la explik nou ki Bondié pou faire concernant bann problem ki nou pé bizin faire face zordi. [Attire rapidement l’attention lor bann sous-titre en caractere gras ki trouve dan page 29-30, ek offert brochure-la.] Kan nou retourné, mo ti pou content montré ou seki la Bible dire lor bann maladie, ek couma zot pou disparette.”
Kan zot retourné, adulte-la kapav dire:
“Dernier fois ki nou ti gagne l’occasion kozé, mo ti dire ou ki mo ti pou content montré ou seki la Bible dire lor bann maladie, ek couma zot pou disparette. Noté ki li dire ici.” Invite li pou amenn so brochure. Apré sa, examine paragraphe 9-14 ki trouve dan page 29. Propose li enn l’etude la Bible ek prend bann disposition pou examine paragraphe 15-17 dan ou prochain visite.
Bann brochure ki ou kapav servi kan ou pé preché avek enn dimoune ki pa chrétien
La paix et le bonheur sans fin : Comment les trouver? (angl.)
Kan ou pé preche avek enn etudiant d’origine chinois, ou kapav dire:
“Enn parmi bann kitsoz ki mo’nn remarké ki preoccupe bann etudiant, c’est ki zot tou envie vive dan la paix ek le bonheur. Eski ou pensé ki c’est enn kitsoz important? [Laisse dimoune-la reponn.] Eski ou ti pou content trouve sa bann parole ki’nn dire bien-bien longtemps-la, realisé enn jour?” Lire Psaume 37:11, ek offert brochure-la.—kmF 2/98 p. 5.
“ Voici, je fais toutes choses nouvelles ”
Ou kapav dire enn kikenn ki agé ek ki enn bouddhiste:
“Kitfois, pareil couma moi, ou aussi ou tracassé concernant bann mauvais kitsoz ki existé partout, ek aussi lor l’influence ki sa ena lor nou bann zenfant. Dapré ou, kifer nou trouve beaucoup jeune pé tombe dan l’immoralité? [Laisse dimoune-la reponn.] Eski ou ti koné ki sa ti’nn predire dan enn livre ki ti’nn commence ecrire bien-bien avant ki religion musulman, chrétien ek hindou existé? [Lire 2 Timothée 3:1-3.] Remarké ki sa bann kitsoz-la existé malgré ki bann dimoune inn gagne plus l’education. [Lire verset 7.] Sa brochure-la finn aide moi pou comprend la verité ki la plupart bann dimoune jamais finn aprann. Eski ou ti pou content gagne li pou lire?”—kmF 8/99 p. 8.
Nos problèmes – Qui nous aidera à les résoudre?
Si ou pé koz avek enn jeune hindou, ou kapav dire:
“Mo sur ki ou croire dan Bondié. Dapré ou, ki projet Bondié ena pou l’humanité? [Laisse dimoune-la reponn. Apré sa lire Genèse 1:28.] Dan beaucoup region dan le monde, ena trop beaucoup population ek zot konn enn quantité problem. Eski ou pensé ki le Createur envie aide nou pou resoude nou bann problem?” Laisse dimoune-la reponn. Apré sa offert brochure-la.—kmF 9/99 p. 8.
Connaîtrons-nous un jour un monde sans guerre?
Kan ou pé preche avek enn juif, ou kapav dire:
“La plupart parmi nou finn koné ki sa vedir perdi enn kikenn dan la mort. Dapré ou, ki arrivé kan nou mort?” Laisse dimoune-la reponn. Apré sa, montré li l’encadré “Que sont la mort et l’âme?” ki trouve dan page 22 dan brochure-la. Lire paragraphe 17 ki trouve dan page 23 ki koz lor la resurrection. Mentionné ki patriarche Job, ti ena l’espoir la resurrection. Offert brochure-la, ek prend bann disposition pou retourné ek discute bann verset ki cité a la fin paragraphe 17.—kmF 10/99 p. 8.
La direction venant de Dieu : le chemin qui mène au Paradis
Kan ou pé koz avek enn musulman, ou kapav dire:
“Mo bien content pou visite ou ek ou bann voisin. Mo koné ki bann musulman croire dan enn sel Bondié ek dan tou bann prophete. Pa vrai? [Laisse dimoune-la reponn.] Mo ti pou bien content koz avek ou lor enn prophetie ki dire ki la terre pou vinn enn paradi. Si ou permette moi, mo ti pou content lire avek ou seki enn prophete ti ecrire. [Laisse dimoune-la reponn. Apré sa lire Isaïe 11:6-9.] Sa prophetie-la faire moi rappel enn kitsoz ki le Coran dire ek ki trouve dan sa brochure-la.” Ouvert brochure-la page 9, ek lire citation ki imprimé en caractere gras. Si dimoune-la interessé, contigne ou conversation ek examine paragraphe 7-9 ki trouve dan page 8.—kmF 11/99 p. 8.