Program Reunion Service

Note: Dan Ministère du Royaume pou ena enn program reunion service pou chaque semaine pendant mois juillet ek août. Bann congregation kapav faire bann changement necessaire parski pou ena l’assemblée district “L’obeissance pou Bondié.” Si li approprié, servi 15 minute pendant dernier reunion service ki ena avant l’assemblée pou rappel bann conseil ki trouve dan supplement Ministère du Royaume avril 2005, ek ki adapté ar ou congregation. Enn ou-soit deux mois apré l’assemblée, reserve 15 a 20 minute pendant enn reunion service (ou kapav faire li dan place enn besoin local) pou faire revision bann point important program l’assemblée ki bann proclamateur finn trouve efficace pou la predication. Sa partie reunion-la pou donne nou l’occasion pou expliké couma nou pé applik seki nou finn aprann dan l’assemblée, ek couma sa pé aide nou pou vinn pli efficace dan nou ministere.

Semaine a partir 13 juin

Cantik 198

10 min: Annonce local ek bann annonce approprié dan Ministère du Royaume. Si bann l’idée ki trouve dan page 8, adapté ar ou territoire, servi zot pou faire deux demonstration pou presente La Tour de Garde 15 juin ek Réveillez-vous ! 22 juin. Si pankor gagne sa bann periodik-la, presente bann dernier periodik avek l’aide bann suggestion ki ena dan Ministère du Royaume mois dernier. Kapav servi aussi lezot presentation ki bien adapté. Dan enn sa bann demonstration-la montré couma enn proclamateur pé donne temoignage informel.

15 min: Aide bann nouveau pou vinn bann proclamateur non-baptisé. Partie presenté par enn ancien. Discours ek discussion basé lor livre Organisés pour faire la volonté de Jéhovah, page 79-81. Discute lor sa ti reunion ki ena avek enn etudiant la Bible-la pou guetté si li rempli bann condition ki necessaire pou preche ensam avek la congregation. Semaine prochaine nou pou guetté couma nou kapav aide bann etudiant la Bible ki qualifié pou vinn enn proclamateur, pou commence preché porte-en-porte.

20 min: “La predication aide nou pou enduré.”a Si ena assez lé-temps, invite l’assistance pou faire bann commentaire lor bann verset ki’nn donné en reference.

Cantik 149 ek la priere final.

Semaine a partir 20 juin

Cantik 206

10 min: Annonce local. Ré-guette bann point important ki ena dan Ministère du Royaume juillet 2003, page 4. Expliké ki bann proclamateur bizin faire pou gagne bann publication dan lezot langue. Adapté sa sujet-la ar territoire la congregation. Bann commande pou bann publication dan lezot langue bizin passe par frere ki occupe bann publication, mem si pé passe commande zis pou enn sel publication. Coumsa, kapav gagne sa bann publication-la sans perdi le temps.

15 min: Parole Bondié, li puissant. (Héb. 4:12) Discours basé lor La Tour de Garde 1 décembre 2003, page 9 ek 10, paragraphe 13-17 en créole; La Tour de Garde 15 novembre 2003, page 11, paragraphe 13-17 en français. Raconte bann experience ki montré couma bann l’enseignement dan la Bible kapav pousse bann dimoune pou faire bann changement dan zot la-vie. (wF 00 1/1 page 3-5) Encourage zot tou pou bien servi la Bible dan tou bann aspect zot ministere.

20 min: “Bann l’etude biblik ki faire nou etudiant progressé—10^eme Partie.”b Faire enn demonstration kot pé faire repetition enn presentation. Kan etudiant-la faire so presentation, enseignant-la joué role enn kikenn dan territoire. Li souleve enn objection ki souvent nou tendé dan territoire ek, kan etudiant-la pa trop sur ki li pou dire, enseignant-la explik li couma li kapav reponn sa objection-la. En plus, prend bann disposition a l’avance pou faire enn ou deux dimoune raconte enn tipé lor formation ki zot ti gagné kan zot ti fek commence preché porte-en-porte.

Cantik 208 ek la priere final.

Semaine a partir 27 juin

Cantik 113

10 min: Annonce local. Rappel tou bann proclamateur pou remette zot rapport mois juin. Rapport compte, ek remercié l’assistance pou zot soutien. Si bann l’idée ki trouve dan page 8, adapté ar ou territoire, servi zot pou faire deux demonstration pou presente La Tour de Garde 1^er juillet ek Réveillez-vous ! 8 juillet. Si pankor gagne sa bann periodik-la, presente bann dernier periodik avek l’aide bann suggestion ki ena dan Ministère du Royaume mois dernier. Kapav servi bann lezot presentation ki bien adapté. Apré demonstration-la, repete l’introduction ki proclamateur-la finn servi pou developpe l’interet dimoune-la.

15 min: Besoin local.

20 min: Presente bann brochure en juillet ek août. Discours ek participation avek l’auditoire, basé lor supplement nou Ministère du Royaume. Expliké sans rente dan trop detail, couma servi sa supplement-la, ek attire l’attention lor l’encadré ki trouve dan page 3 ek aussi lor bann point important dan Ministère du Royaume janvier 2005, page 8. Discute bann suggestion ki adapté ar territoire la congregation ek ki permette nou pou place enn brochure premier fois nou joinde enn kikenn. Faire deux ou-soit trois demonstration. Faire enn jeune proclamateur faire au moins enn parmi sa bann demonstration-la.

Cantik 196 ek la priere final.

Semaine a partir 4 juillet

Cantik 70

10 min: Annonce local ek Nouvel theocratik.

15 min: Eski ou pé tire profit grace a enn program familial? Ré-guette bann suggestion ki ena dan supplement Ministère du Royaume mai 2005, ek invite l’assistance pou raconté ki bann zeffort zot pé faire pou mette en pratik sa bann suggestion-la ek ki bann bienfait zot pé gagné.

20 min: “Rann temoignage dan enn fason efficace, dan bann place publik.”c Adapté sa sujet-la ar territoire la congregation. Rappel bann proclamateur pou servi forme Veuillez suivre l’intérêt (S-43) kan li approprié.—Guette Ministère du Royaume février 2005, p. 6.

Cantik 120 ek la priere final.

[Note]