Programme Réunion Service

Semaine à Partir 11 Octobre

Cantique 219

10 min: Annonces local ek bann annonces approprié dans Ministère du Royaume. Encourage zot tou pou prépare zot pou discussion ki pou faire dans Réunion Service semaine prochaine lor l’Assemblée District “Marche Avec Bondié.” Pou sa préparation-la zot kapav servi bann question ki trouve lor page 1 pou révise zot bann notes. Servi bann suggestions ki trouve lor page 8 (si zot approprié pou ou territoire) pou faire deux démonstrations pou présente La Tour de Garde 15 Octobre ek Réveillez-vous ! 22 Octobre. Si pankor gagne sa bann périodiques-la, présente bann périodiques récent avec l’aide bann suggestions ki éna dans Ministère du Royaume le mois dernier. Encourage bann proclamateurs pou inclure enn texte Biblique dans zot présentation. Kapav servi bann lézot présentations bien réaliste.

15 min: Trouve la Joie pou Aide Lézot. (Jean 4:34) Interviews. Nous ressenti enn grand la joie kan nous trouve enn dimoune content kan li pé découver bann vérité ki trouve dans Parole Bondié. (wF 94 1/3 p. 29-30 para. 6-7) Interviewé deux ou trois proclamateurs ki servi la Bible dans prédication ek ki commence ek dirige bann l’études Biblique dans enn façon efficace. Couma eski zot développe l’intérêt bann dimoune ki zot joinde? Ki la joie zot gagné kan zot faire sa? Demande zot raconté ou-soit faire enn démonstration d’après bann l’expérience ki zot finn gagné.

20 min: “Campagne Spécial pou Distribué Nouveau Brochure.”a Présenté par surveillant service. Faire bann démonstrations d’après bann présentations ki éna dans l’article-la. Dans enn démonstration, dimoune-la pa trop interessé avec présentation Biblique-la. Proclamateur-la offer enn tract dans place brochure-la.

Cantique 69 ek la prière final.

Semaine à Partir 18 Octobre

Cantique 127

5 min: Annonces local. Koz brièvement lor bann l’arrangements ki finn prend pou campagne spécial pou distribué nouveau brochure.

40 min: “L’Assemblée District Motive Nous pou Marche Avec Bondié.” Faire par enn ancien. Introduction enn minute ou moins, ek discussion avec l’assistance basé lor programme l’assemblée. Servi bann questions ki éna dans l’article-la. Divise bien ou lé-temps pou ki ou kapav guette tou bann questions, ek si nécessaire, accorde zis enn réponse pou certains questions. Pa pou kapav lire tou bann textes ki cité. Finn inclure sa bann texte-la pou kapav facilement trouve bann réponses. Bann commentaires bizin mette l’accent lor bann bienfaits ki nou’nn gagné kan nous applique séki nou’nn aprann.

Cantique 165 ek la prière final.

Semaine à Partir 25 Octobre

Cantique 56

10 min: Annonces local. Rapport comptes. Démonstration: Servi enn présentation ki’nn gagne succès dans territoire, pou offer nouveau brochure. Si le temps permette, cite bann l’expériences ki’nn gagné pendant campagne spéciale.

15 min: Besoin local.

20 min: Donne Bann Preuves ki Soutenir Parole Bondié. Discussion avec l’assistance basé lor livre École du ministère, pages 256-7. À part bann preuves ki nous trouvé dans la Bible, couma nous kapav servi lézot preuves pou aide bann dimoune comprend ki tou séki éna dans la Bible, li bien fondé? Invite l’assistance pou faire bann commentaires lor sa bann questions-la: Ki bann l’exemples dans l’univers nous kapav servi pou montré ki éna enn Créateur? (rsF p. 73-74) Couma nous kapav servi commentaires bann Biblistes ou-soit bann experts pou aide bann dimoune trouvé ki la Bible li vrai-même Parole Bondié? (rsF p. 55-57) Ki illustration ou comparaison nous kapav servi pou aide bann dimoune comprend kifer Bondié inn permette la méchanceté? (rsF p. 239-240) Ki l’expérience ou-soit l’exemple ou’nn servi pou aide bann dimoune trouve la sagesse pou suive bann conseils Biblique?

Cantique 62 ek la prière final.

Semaine à Partir 1^er Novembre

Cantique 15

10 min: Annonces local. Rappel bann proclamateurs pou remette zot rapport.

20 min: Couma Nous Kapav Aide Bann Ki Koz enn l’Autre Langue. Discours ek discussion basé lor premier page brochure Une bonne nouvelle pour des gens de toutes nations. Attire l’attention lor bann caractéristiques sa nouveau brochure-la. Discute lor sa trois étapes ki nous bizin suive pou aide bann ki koz enn langue ki nous pa comprend. Inclure bann l’idées ki trouve dans Nou Ministère du Royaume Juillet 2003, page 4. Mentionné ki bizin rempli enn forme Veuillez suivre l’intérêt (S-43) même si dimoune-la pa montré l’intérêt pou nou message. Faire enn démonstration pou montré couma servi sa nouveau brochure-la.

15 min: Bann l’expériences local. Invite l’assistance pou cite bann l’expériences ki zot finn gagné pendant campagne spécial pou distribué nouveau brochure. À l’avance, prépare bann démonstrations d’après bann l’expériences intéressant ki bann proclamateurs inn gagné. Si stock congrégation près pou fini, demande bann proclamateurs ki éna beaucoup brochures pou retourne bann surplus lor comptoir publication.

Cantique 175 ek la prière final.

[Note]