Program Reynion Servis
Semenn Apartir 13 Zanvye
Kantik 69
10 min: Anons lokal ek bann anons ki dan Nu Minister DiRwayom.
15 min: Ed Lezot pu Aksepte Laverite, san Dir Okenn Parol. Diskur ek partisipasyon avek lasistans. Kan enn Kretyin ena enn bon kondwit, sa li enn temwaynaz ki ena pwa. Sa finn pus sertin konzwin ki pa ti temwin pu vinn bann adorater Zeova. (1 Pyer 3:1, 2) Sit bann legzanp ki dan Latur Degard 1 Zanvye, 1999, paz 4 an Franse; Latur Degard 1 Oktob 1995, paz 10-11 an Franse, ek l’Annuaire, 1995, paz 46. Demann alavans, de uswa trwa dimunn pu koz lor bann rezilta pozitif ki zot finn truve kan zot finn swiv bann konsey Labib dan sa domenn la.
20 min: “Respekte Nu Langazman pu Servi Zeova.”a Kan fini egzaminn paragraf 3, pu enn ti moman intervyue enn zenn adilt uswa enn adolesan ki batize. Ki bann leprev ek bann tantasyon li’nn bizin fer fas depi ki li’nn batize? Ki finn ed li reysi fer fas avek sa bann problem la? Kuma eski li finn tir profi parski li’nn angaz so lavi ar Zeova?
Kantik 22 ek lapriyer final.
Semenn Apartir 20 Zanvye
Kantik 44
8 min: Anons lokal. Rapor kont. Servi bann lide ki dan paz 4, fer de demonstrasyon lor kuma pu prezant La Tour de Garde 15 Zanvye ek Réveillez-vous ! 22 Zanvye. Dan sak demonstrasyon bizin les tulede peryodik, mem si fi’nn atir latansyon lor enn sel.
15 min: Eski U Fer Tex Dizur Tulezur? Diskur ek diskisyon avek lasistans. Ankuraz tu dimunn pu byin servi brosir Examinons les Écritures chaque jour—2003. Egzaminn bann komanter dan lintrodiksyon ki dan paz 3-4. Donn detrwa sigzesyon lor kuma bann fami kapav egzaminn tex dizur ansam. Koz lor de uswa trwa legzanp ki ena dan tex ek zot komanter pu mwa prosin pu montre bann byinfe ki ena kan egzaminn tex dizur tulezur. Fer usi enn ti demonstrasyon kot enn mari ek so fam pe egzaminn tex dizur ek so komanter ansam.
22 min: “Anseyn Lezot Langaz Pir.”b Kan fini egzaminn paragraf 6, demann enn proklamater kapab servi bann prezantasyon ki dan sipleman Nu Minister DiRwayom Zanvye 2002, paz 4 ek fer enn demonstrasyon lor kuma pu kumans enn Letid Labib devan laport enn dimunn kan fer enn vizit. Atir latansyon lor enn paragraf dan brosir Ki Bondye Pe Demann Nu? Demann proklamater la, avan ki li ale, sulev enn kestyon lor prosin paragraf ek fer laranzman pu reponn kestyon la dan prosin vizit. Ankuraz lasistans pu gete si ena enn parmi zot bann vizit ki interese pu etidye sa fason la.
Kantik 68 ek lapriyer final.
Semenn Apartir 27 Zanvye
Kantik 92
10 min: Anons lokal. Rapel bann proklamater pu remet zot rapor. Egzaminn Kestyon Ki Suleve.
15 min: Bezwin lokal.
20 min: Servi Liv Approchez-vous de Jéhovah, pu Ed Lezot. Diskur ek diskisyon avek lasistans. Nu pu prezant sa nuvo liv la an Fevriye. Egzaminn not pu bann lekter ki dan paz 3, ek atir latansyon lor detrwa kitsoz interesan ki dan sa liv la. Tulekat parti dan sa liv la atir latansyon lor bann kalite prinsipal Zeova. Ena enn sapit ki montre kuma Zezi ti manifeste sa kalite la ek ena usi enn sapit ki koz lor kuma nu kapav fer parey. Ena 17 paz kot ena bann zimaz ki montre bann senn Biblik. Parti ki apel “Éléments de méditation” ed nu pu reflesi lor lezot pwin inportan konsernan enn size. Reget lankadre “Bann Sigzesyon pu Prezant Liv Approchez-vous de Jéhovah,” ek demann enn proklamater kapab servi enn sa bann prezantasyon la pu fer enn demonstrasyon.
Kantik 124 ek lapriyer final.
Semenn Apartir 3 Fevriye
Kantik 9
15 min: Anons lokal.
12 min: Imit Zot Lafwa. Intervyue enn ansyin ki servi Zeova avek limilite ek fidelite depi plizir lane. (Ebre 13:7) Kuma eski li’nn konn laverite? Ki bann difikilte li’nn bizin sirmonte kan li’nn pran pozisyon pu laverite? Ki bann dispozisyon spirityel ek ki lankurazman finn ed li pu progrese? Ki li’nn bizin fer pu vinn enn ansyin dan kongregasyon? (1 Tim. 3:1) Ki finn ed li pu ena lekilib ant so bann responsabilite dan kongregasyon ek so bann lobligasyon konsernan so travay ek so fami? (1 Tim. 5:8) Ki li panse lor privilez spesyal ki li ena pu ed lezot dan kongregasyon?
18 min: “Enn Travay Ki Demann Limilite.”c Kan egzaminn paragraf 3, invit lasistans pu donn bann sigzesyon lor kuma pu reponn enn kikenn dan teritwar ki rod bufonn nu, ki reponn nu brit, uswa ki ankoler. Kan egzaminn paragraf 4, azut bann komanter ki dan Étude perspicace, Volim 1, paz 1157, paragraf 3.
Kantik 133 ek lapriyer final.
[Not anba paz]
a Lintrodiksyon mwins ki enn minit ek apre sa, egzaminn lartik la par kestyon ek repons.
b Lintrodiksyon mwins ki enn minit ek apre sa, egzaminn lartik la par kestyon ek repons.
c Lintrodiksyon mwins ki enn minit ek apre sa, egzaminn lartik la par kestyon ek repons.