Enn Travay Ki Demann Limilite
1 Parol Bondye rekomann nu pu ena “limilite, pu nu pa rann lemal pu lemal . . . me, okontrer, pu reponn par enn benediksyon.” (1 Pyer 3:8, 9) Byinsir, sa konsey la aplik ar nu kan nu prese. Wi, nu minister Kretyin kapav vinn enn leprev pu nu limilite.
2 Limilite li enn kalite ki ed nu pu andir bann sityasyon dezagreab. Kan nu prese, nu zwenn bann dimunn ki nu pa kone, ek kapav ena sertin ki reponn nu brit. Pu reysi kontiyn prese malgre ki zot tret nu kumsa, nu bizin ena limilite. Dan enn teritwar ki ti byin difisil, pandan dezan, de ser pyonye finn prese tulezur, san gayn okenn konversasyon! Me, zot finn persevere, ek zordi ena de kongregasyon dan sa landrwa la.
3 Sirmont Bann Manyer Brit: Limilite ed nu pu imit Zezi kan lezot pa akey nu byin uswa zot montre zot brit. (1 Pyer 2:21-23) Dan predikasyon enn madam ek apre, so misye usi ti koz brit ar enn ser, misye la ti demann li sorti dan so lakur. Ser la finn zis fer enn surir ek li’nn dir misye la ek madam la ki li espere li kapav koz ar zot enn prosenn fwa. Sa finn telman tus sa kup la ki zot ti ekut prosin Temwin ki ti pase ek zot finn aksepte linvitasyon pu asiste enn reynion Lasal DiRwayom. Sa ser ki ti gayn puse la, ti prezan pu akeyir sa kup la ek li finn donn zot plis temwaynaz. Si nu manifeste “duser ek enn profon respe,” nu’si nu kapav kalme bann dimunn ki pale ekute.—1 Pyer 3:15; Pro. 25:15.
4 Evit Fer Vantar: Nu konesans Labib pa donn nu okenn rezon pu tret bann lezot dimunn kuma inferyer uswa mepriz zot kan nu koze. (Zan 7:49) Plito, Parol Bondye konsey nu “pu pa koz an mal lor personn.” (Tit 3:2) Kan nu ena limilite dan nu leker, parey kuma Zezi, nu pu rekonfort lezot. (Mat. 11:28, 29) Si nu koz ar dimunn avek limilite, nu mesaz pu paret pli interesan.
5 Wi, limilite ed nu pu persevere dan bann teritwar difisil. Li kapav kalme bann dimunn ki pale ekute, ek li kapav atir lezot pu ekut mesaz Rwayom. Pli inportan ankor, li fer plezir Zeova, ki “donn so faver ki nu pa merite ar bann ki ena limilite.”—1 Pyer 5:5.