Revizyon Lekol Minister Teokratik

Revizyon san servi liv, bann size ki finn egzamine dan Lekol Minister Teokratik depi semenn apartir 3 Septam ziska 24 Desam, 2001. Reponn kantite kestyon ki u kapav dan letan ki finn rezerve pu sa ek ekrir u bann repons lor enn fey papye separe.

[Not: Pandan revizyon ekrir, u gayn drwa servi zis Labib pu reponn bann kestyon. Apre bann kestyon ena bann referans ki u kapav servi pu u resers personel. Pu bann referans La Tour de Garde, parfwa nimero paz ek paragraf pa site.]

Reponn sak kestyon par Vre uswa Fos:

1. Pwiski lafwa li enn frwi lespri Bondye, bann dimunn ki pena lafwa pa pe rod sa lespri la, uswa zot pe rod li dan enn move lintansyon u ankor zot pe reziste kont so aksyon dan zot lavi. (Lik 11:13; Gal. 5:22) [rsF paz 169 par. 1]

2. Psom 58:4 dir klerman ki kobra ena ‘zorey,’ me zot pa fonksyone parski li surd denatir. [Lektir Labib tulesemenn; get Rbi8F paz 1711-12.]

3. “Gran larme” bann fam ki Psom 68:11 mansyone ti bann fam esklav etranze ki bann zom Izrael ti libere dan prizon bann nasyon lennmi lor ki zot ti gayn laviktwar. [Lektir Labib tulesemenn; get wF 86 15/10 paz 30 par. 6.]

4. Si moman ek manyer ki enn dimunn pu mor ti deza fini fixe kan li ne uswa avan so nesans, li pa ti pu neseser pu sa dimunn la evit bann sityasyon danzere uswa pran swin so lasante, ek bann prekosyon sekirite pa ti pu diminye kantite dimunn ki mor. [rsF paz 99 par. 1]

5. Kan Pol ti dir Timote, “pa les personn mepriz to zenes,” sa montre ki Timote ti zis enn adolesan uswa li ti finn fek pas laz 20 an. (1 Tim. 4:12) [wF 99 15/9 paz 29 par. 1-3; paz 31 par. 2]

6. Lexpresyon “mo Senyer” ki ena dan Psom 110:1 aplik ar Zezi. [Lektir Labib tulesemenn; get wF 94 1/6 paz 28 par. 5.]

7. Dan liv Psom, non Zeova paret anviron 700 fwa, ek so form abreze “Ya” paret 43 fwa, sibyin ki dan sak Psom, non Bondye paret an mwayenn, 5 fwa. [siF paz 105 par. 23]

8. Mem si Labib koz Zezi antan ki “enn bondye,” ek mem antan ki “Bondye Pwisan,” okenn plas li pa apel li tu-pwisan. (Zan 1:1; Izai 9:6; Zen. 17:1) [rsF paz 110 par. 7]

9. Enn letid lor liv Proverb li an realite enn letid lor prop sazes Salomon. [siF paz 107 par. 1]

10. Pwiski dan Proverb 21:17, Labib konsey nu evit “kontan divertisman,” sa montre ki amize pa bon parski li pran letan lor bann kitsoz ki pli inportan. [Lektir Labib tulesemenn; get wF 97 1/10 paz 27 par. 7.]

Reponn sa bann kestyon la:

11. Kan Zezi ti repran Mart avek duser, ki sa ti montre? (Lik 10:40, 41) [wF 99 1/9 paz 30 par. 7.]

12. Ver ki “laglwar” Zeova finn amenn sa ekrivin Psom la? (Psom 73:24) [Lektir Labib tulesemenn; get wF 86 15/12 paz 28 par. 3.]

13. Dan Psom 84:1-3 kuma ekrivin sa psom la finn exprim so santiman pu bann privilez servis? [Lektir Labib tulesemenn; get wF 97 15/3 paz 8 par. 5-7.]

14. Kuma eski Revelasyon 22:17 ek Romin 2:4, 5 montre ki Zeova pa kone uswa Li pa determinn an avans tu seki dimunn fer? [rsF paz 102 par.1-2]

15. Pwiski bann premye Kretyin ti krwar dan Reyn Milan Zezi kuma mansyone dan liv Revelasyon, ki bann linflyans finn amenn bann Kretyin aposta finalman pu rezet sa lanseynman Bondye la? [wF 99 1/12 paz 6 par. 3–paz 7 par. 5]

16. Ki bann limit bann Kretyin bizin respekte kan zot montre enn “lintere personel” pu lezot dimunn? (Fil. 2:4) [wF 99 1/12 paz 29 par. 1]

17. Kuma eski nu kapav konpran Psom 128:3 kan li dir ki bann garson zot “kuma bann pye zoliv” otur latab enn dimunn? [Lektir Labib tulesemenn; get wF 00 15/8 paz 30 par. 4.]

18. Si travay Bondye fer nu gayn lakrint, kuma eski sa kapav ena enn lefe lor nu? (Psom 139:14) [Lektir Labib tulesemenn; get wF 93 1/10 paz 15 par. 18.]

19. Kifer eski Proverb 5:3, 4 dir ki bann konsekans enn move kondwit sexyel li usi “amer ki labsint” ek usi “fite ki enn lepe ki fite de kote”? [Lektir Labib tulesemenn; get wF 00 15/7 paz 29 par. 2.]

20. An akor avek Proverb 14:29, kuma eski disernman kapav ed nu pu evit bann konsekans ki nu kapav gayne si nu mank pasyans ek si nu pa kontrol nu koler? [Lektir Labib tulesemenn; get wF 97 15/3 paz 13 par. 7-8.]

Ranplas bann lespas vid avek bann mo uswa bann fraz ki bizin:

21. Bann vre profet ti koz ․․․․․․․․ ek zot ti fer konn ․․․․․․․․. (Det. 18:-20; 1 Zan 4:1-3) [rsF paz 152 par. 1, 3]

22. Liv Proverb ena enn dub lobzektif—pu transmet ․․․․․․․․ ek pu donn ․․․․․․․․. (Pro. 1:1-4) [wF 99 15/9 paz 13 par. 1]

23. “Landrwa sekre sa Kikenn ki Pli Ot la” li enn plas kot ena ․․․․․․․․ pu bann ki dan kote Bondye konsernan kestyon ․․․․․․․․; li enn “sekre” pu bann dimunn ki pa kapav truv sa parski zot ․․․․․․․․. (Psom 91:1) [Lektir Labib tulesemenn; get wF 86 15/12 paz 29 par. 6.]

24. ‘Pa bliye tu bann aksyon Zeova’ li asosye byinsir avek ․․․․․․․․ lor “so bann aksyon,” lor so lamur fidel parey kuma Psom 103 dekrir. (Psom 103:2) [Lektir Labib tulesemenn; get wF 99 15/5 paz 21 par. 5-6.]

25 Bann proverb exprim buku kitsoz dan tigit mo atraver bann ․․․․․․․․ avek lintansyon pu ․․․․․․․․. [siF paz 107-8 par. 6]

Swazir bon repons dan sa bann fraz la:

26. Mem si David ti ena rezon pu ankoler akoz manyer Sail ti tret li, li finn retenir li parski (li ti realize ki Sail ti inparfe ek ki bann serviter Bondye bizin pardonn zot prosin; li ti gard byin dan so lespri so relasyon avek Zeova; li ti kone ki pa bon ziz lezot). (1 Sam. 24:6, 15) [wF 99 15/8 paz 8-9 par. 7]

27. (Sazes; Disiplinn; Lazistis) li enn melanz plizir eleman, kuma par egzanp lintelizans, perspikasite, malin ek kapasite reflesi; (bonte; lintelizans; bon zizman) li kapasite pu truv andan enn kitsoz ek konpran bann rapor ki ena ant so bann parti ek so tu ansam pu diserne seki li ete, ek pu kapav lerla konpran li. (Pro. 1:1-4) [wF 99 15/9 paz 13 par. 2]

28. Zozef finn ena kuraz pu reziste bann propozisyon fam Potifar akoz (so konesans Lalwa Moiz ki ti kondann vis sexyel; so profon respe pu gran pozisyon so mari, Potifar; gran lestim ki li ti ena pu so relasyon avek Zeova). (Zen. 39:7-9) [wF 99 1/10 paz 29 par. 3]

29. Li kler ki ekrivin Psom ti ena enn profon lapresyasyon pu (laparol, uswa lalwa, Bondye; don lavi; posibilite sape), ki mansyone dan preske tu bann verse Psom. [Lektir Labib tulesemenn; get wF 99 1/11 paz 10 par. 5; wF 87 15/3 paz 24 par. 2.]

30. Dan de premye sapit sa let ki Pol ti ekrir bann (Romin; Galat; Ebre) la, nu truv enn kantite verse ki sorti dan Psom konsernan (pozisyon siperyer; batem; minister lor later) Zezi. [siF paz 106 par. 28]

Asosye sa bann verse la avek bann lide ki ena anba:

Pro. 2:19; 14:15; 18:17; Rom. 10:17; Ebre 13:18

31. Pu gayn lafwa, enn dimunn bizin avan tu dekuver seki Labib dir ek egzaminn li avek buku latansyon. [rsF paz 170 par. 2]

32. Dan biznes, bann Kretyin pa kapav adopte bann pratik ki malonet, uswa ki inyor drwa ki lezot ena. [wF 99 15/9 paz 10 par. 2]

33. Bann ki pratik move kondwit sexyel kapav, avan mem ki li posib pu zot repran zot, ariv enn pwin kot pena returne, setadir lamor. [wF 99 15/11 paz 27 par. 4-5]

34. Enn dimunn ki saz ek ki ena disernman pu pez byin bann konsekans so bann aksyon ek li pa pu swiv bann nuvo tandans zis parski sa popiler. [Lektir Labib tulesemenn; get gF 94 8/12 paz 16 par. 1.]

35. Mem si largiman enn dimunn kapav paret rezonab ek korek, li saz pu ekut tulede son laklos avan tir enn konklizyon. [siF paz 111 par. 36]