Donn Temwaynaz—Jusqu’aux extrémités de la terre

Kisannla ki ti pu sirtu plis kontan get ek reget kaset video Jusqu’aux extrémités de la terre? Sirman, bann ki ena lobzektif pu vinn misyoner. Kifer? Pu zot gayn plis ranseyman lor Lekol Gilead, Lekol Biblik Société Watchtower. Sa video la mark sinkantyem laniverser sa lekol la, enn lekol ki pena so dezyem ek ki finn kre pu fer travay predikasyon tus “tu kwin later.” (Psom 22:27) Kan u get sa video la, sa pu ed u pu pli konpran ki gran linportans travay predikasyon labonn nuvel ena ek li pu pus u pu ogmant u laktivite. Egzaminn sa bann kestyon la: (1) Enn tipe apre 1940, ki kitsoz ti vinn enn gro traka pu lorganizasyon Zeova? (Akt 1:8) (2) An 1942, ki profesi extraordiner ti pe akonpli, ek kuma eski nu lobzektif ti diferan avek lobzektif lemond an zeneral? (Rev. 17:8; wF 89 15/4 paz 14 par. 12) (3) Ki bann proze ki ti fer pu kapav profit peryod lape ki zot ti pe atann pu ena apre Dezyem Lager Mondyal? ( jvF p. 522 par. 1-2) (4) Ki bann kalite u apresye avek bann zelev premye klas Lekol Gilead? (5) Dan bann premye 50 lane Lekol Gilead, komye zelev finn gayn diplom, ek dan komye peyi finn avoy zot? (6) Ki kantite linstriksyon lor Labib bann zelev vremem gayne? (7) Kuma eski enn kikenn vinn enn bon misyoner ek enn bon anseynan Parol Bondye? (8) Kuma lavi enn misyoner ete, ek ki bann difikilte bann misyoner bizin fer fas? (9) Kuma bann misyoner konsider zot fason viv, ek ki bann lazwa spesyal zot gayne pwiski zot amenn enn lavi sakrifis? (10) Ki sa bann plizir milye misyoner la finn akonpli ziska zordi? Donn bann legzanp. (11) Ki u linpresyon lor bann frer ek ser ki finn al “dan tu kwin later” pu prese? (12) Ki u ankuraze pu fer kan u get legzanp ki bann misyoner finn lese, ek kifer?