LESON 05
Labib se Mesaz ki Bondie Finn Fer Ekrir pou Nou
Zeova finn donn nou enn kado extraordiner, Labib. Ladan ena 66 ti liv. Kitfwa ou pe demann oumem: ‘Si Labib sorti kot Bondie, kouma li’nn ariv ziska nou? Kisannla ki’nn vremem ekrir Labib?’ Anou examinn repons sa bann kestion-la.
1. Si se bann zom ki’nn ekrir Labib, kifer nou dir ki se Parol Bondie?
Anviron 40 diferan zom finn ekrir bann liv ki ena dan Labib. Premie liv finn ekrir inn gagn anviron 3,500 an ek dernie liv finn ekrir inn gagn anviron 1,900 an. Bann ekrivin Labib ti bien diferan. Par exanp, sertin ti bann berze, bann peser, ek bann lerwa. Me kanmem sa, okenn parti Labib pa kontredir enn lot parti Labib. Kouma eski sa li posib? Parski se Bondie ki’nn fer ekrir Labib. (Lir 1 Tesalonisien 2:13.) Bann dimounn ki’nn ekrir Labib pa’nn ekrir seki zot, zot ti panse. Okontrer, zot finn proklam mesaz Bondie anba linflians lespri sin.a (2 Pier 1:21) Bondie finn servi so lespri sin pou fer sa bann zom-la ekrir so bann panse.—2 Timote 3:16, NW.
2. Eski Labib li disponib pou tou dimounn?
“Tou bann nasion, tribi, langaz ek pep” kapav gagn bann bienfe ar bon nouvel ki sorti dan Labib. (Lir Revelasion 14:6.) Bondie inn fer an-sort ki Labib disponib dan pli boukou lang ki ena. Anplis, pena okenn lot liv dan listwar ki disponib dan otan lang. Labib li disponib pou tou bann dimounn, ninport kotsa zot reste ouswa ki langaz zot koze.
3. Kouma Zeova finn protez Labib?
Labib finn ekrir lor bann kitsoz ki deteryore avek letan, kouma lapo bann zanimo ek papiris. Me bann zom ki ti kontan Labib finn pran letan pou rekopie Labib plizir fwa. Sertin dimounn ki ti ena pouvwar finn esey detrir Labib, alor ki lezot pa finn ezite pou riske zot lavi pou protez Labib. Zeova pa’nn les ninport kisannla ouswa ninport ki kitsoz anpes bann dimounn gagn akse ar Labib. Labib dir: “Parol nou Bondie li dire pou touletan.”—Izai 40:8.
ANOU GET INPE PLIS
Aprann plis lor kouma Bondie finn fer bann zom ekrir Labib, kouma Li’nn protez Labib, ek kouma Li’nn fer an-sort ki bann dimounn gagn akse ar Labib.
4. Labib se Parol Bondie
Zwe VIDEO-la. Apre sa, lir 2 Timote 3:16, NW, ek get sa bann kestion-la ansam:
Si se bann zom ki’nn ekrir Labib, kifer nou apel li Parol Bondie?
Bondie finn fer bann imin konn so bann panse. Eski ou panse ki li rezonab pou krwar sa?
Enn sekreter kapav ekrir enn let, me mesaz ki ena dan let-la se mesaz so patron. Li parey pou Labib. Li vre ki se bann zom ki’nn ekrir Labib, me mesaz ki ena dan Labib se mesaz Bondie
5. Labib ankor la malgre bann obstak
Si Labib li sorti kot Bondie, alor li normal ki Li’nn protez Labib. Toutlong listwar, bann dimounn ki ena pouvwar finn esey detrir Labib. Bann sef relizie finn esey anpes bann dimounn lir Labib. Boukou dimounn finn protez Labib, mem si zot ti bizin fer fas ar lopozision ouswa ki zot lavi ti an danze. Pou aprann plis lor enn dimounn ki’nn fer sa, zwe VIDEO-la ek apre sa, get sa bann kestion-la ansam:
Eski sa pa donn ou anvi pou lir Labib, asterla ki ou’nn kone tou seki finn fer pou protez li? Kifer ou pans sa?
Lir Psom 119:97, ek apre sa, get sa kestion-la ansam:
Ki finn pous sertin dimounn pou riske zot lavi pou tradir ek rann Labib disponib?
6. Enn liv ki disponib pou tou dimounn
Dan listwar, Labib se samem liv ki’nn plis tradir ek distribie. Lir Zistwar Bann Apot 10:34, 35, ek apre sa, get sa bann kestion-la ansam:
Kifer Bondie anvi ki tradir Labib, ek ki Labib disponib pou maximum dimounn?
Ki ou santiman ar seki ou’nn aprann dan sa leson-la lor Labib?
Preske
100%
popilasion lemond
kapav lir Labib dan enn lang ki zot konpran
Li disponib dan plis ki
3,000
lang
an-antie ouswa an parti
5 MILYAR
Se apepre kantite kopi Labib ki’nn pibliye,
ek sa li boukou plis ki ninport ki lezot liv
SERTIN DIMOUNN DIR: “Labib se zis enn vie liv ki bann dimounn finn ekrir.”
Ki ou panse?
Sit bann prev ki Labib se Parol Bondie.
SEKI NOU’NN APRANN
Labib se Parol Bondie, ek Li’nn fer sir ki Labib disponib pou tou dimounn.
Eski Ou Rapel?
Kifer nou kapav dir ki Labib se Parol Bondie?
Ki kitsoz ou’nn trouv interesan dan sa leson-la konsernan Labib?
Ki ou resanti kan ou’nn kone ki kantite zefor Bondie inn fer pou kominik avek ou?
DEKOUVER
Aprann plis lor Labib, depi bann maniskri orizinal ziska bann tradiksion Labib ki nou ena azordi.
« Comment la Bible nous est parvenue » (Leve!, Novam 2007, an Franse)
Aprann kouma malgre trwa gran lobstak Labib li touzour la.
“Labib—Ankor La Malgre Bann Obstak” (Latour Degard No. 4 2016)
Aprann plis lor bann risk ki bann dimounn inn pran pou tradir Labib.
Finn rekopie ek tradir Labib boukou fwa. Kouma ou kapav sir ki mesaz ki ena ladan li exakt?