Proverb

3 Akote bann laport ki al dan lavil, Kot lantre bann laport, Li pe kontign kriye bien for: 4 “Se zot, bann dimounn, ki mo pe apele; Se ar zot tou ki mo pe koze. 6 Ekoute, parski seki mo dir li inportan, ek mo labous pe dir seki drwat; 10 Dan plas larzan, aksepte mo disiplinn, ek dan plas pli bon kalite lor ki ena, aksepte konesans. 13 Lakrint pou Zeova vedir ena laenn pou seki pa bon. Mo ena laenn pou larogans, lorgey, bann move konportman ek bann koze ki fer ditor. 14 Mo ena konsey ek sazes pratik; lintelizans ek pwisans pou mwa. 20 Mo mars lor santie ki drwat, Omilie bann semin kot ena lazistis. 22 Zeova Limem finn kree mwa kouma koumansman tou seki Li ti fer, bien lontan, avan mem ki Li fer lezot kitsoz. 23 Depi koumansman, avan mem ki later forme, ti etabli mwa dan mo plas. 27 Kan li ti prepar lesiel, mo ti la; kan li ti desinn lorizon lor sirfas delo, 29 ... kan li ti etabli bann fondasion later, 30 Lerla mo ti vinn kouma enn zouvriye kalifie akote Li. Ek zour apre zour, mo ti vinn sa kikenn ki Li ti bien kontan la. Mo ti touletan dan lazwa devan Li; 31 mo ti dan lazwa konsernan bann plas kot dimounn reste lor So later, ek mo ti ena boukou lafeksion pou bann dimounn. 32 Aster-la, mo bann garson, ekout mwa; wi, seki gard mo bann sime pou ere. 33 Ekout disiplinn ek vinn saz, ek zame pa rezet li. 35 Parski seki trouv mwa pou trouv lavi, ek li pou gagn faver Zeova.