Proverb
3 Atas zot lor to bann ledwa, ekrir zot dan to leker. 6 Depi lafnet mo lakaz, mo ti pe get anba dan fant lafnet-la. 7 Ek kan mo ti pe examinn bann ki naif, mo ti trouv parmi bann zenes enn zenn zom ki ti mank bon sans. 8 Li ti pe pas dan sime kot fam-la reste, ek li ti pe al dan direksion so lakaz, 9 tanto, kan soley fini kouse, aswar, kan koumans fer nwar, ek kan lanwit pe koste. 10 Lerla, mo’nn trouv enn fam vinn zwenn li. Fam-la ti abiye kouma enn prostitie ek li ti ena bann move lintansion dan so leker. 11 Li enn tapazer ek li rebel. Zame li res lakaz. 12 Enn kout li deor, lot kout li lor laplas piblik, li pe louk dan sak ti kwin. 13 Li trap garson-la ek li anbras li; avek toupe, li dir garson-la: 14 “Mo ti bizin ofer bann sakrifis lape. Azordi, mo’nn tini mo bann promes. 15 Akoz sa mo’nn vinn zwenn twa, pou rod twa, ek mo’nn reisi trouv twa! 16 Mo’nn met bann zoli tapi lor mo lili, bann latwal kouler an-lin ki sorti Lezip. 17 Mo’nn fann parfin lamir, lalwes, ek kanel lor mo lili. 18 Vini, anou profit nou lamour ziska gramatin; anou fer lamour avek pasion. 19 Parski mo mari pa lakaz; li’nn ale pou enn long vwayaz. 20 Li’nn pran enn sak kas ar li, ek li pa pou retourne avan prosin plennlinn.” 21 Fam-la reisi konvink li ek anbet li. Li’nn sedwir li ek li met li dan siro. 22 Deswit, garson-la swiv li parey kouma enn toro ki pe al dan labatwar, kouma enn kikenn ki bet, ki’nn atase pou gagn pinision, 23 ziska ki enn fles pers so lefwa; kouma enn zwazo ki vit-vit pe al dan enn piez, li pa kone ki sa pou fer li perdi so lavi. 24 Ek aster-la, mo bann garson, ekout mwa; pran kont bann parol ki mo pe dir. 25 Pa les to leker al lor so bann sime. Pa perdi lor sime sa fam-la, 26 parski boukou finn blese ziska lamor akoz li, ek li’nn touy boukou. 27 So lakaz amenn ziska dan Tom; li al anba ziska dan bann lasam lamor.