Proverb
4 A! bann garson, ekout disiplinn enn papa, ek pran kont, pou ki zot konn lintelizans. 2 Parski mo pou donn twa enn bon linstriksion; pa rezet mo lansegnman. 3 Parski mo ti enn vre garson pou mo papa, mo ti sa garson ki mo mama ti bien kontan la. 4 Li ti ansegn mwa ek ti dir mwa: “Ki to leker trap mo bann parol bien for. Gard mo bann komannman ek kontign viv. 5 Gagn sazes, gagn lintelizans. Pa bliye, ek pa tourn ledo ar seki mo dir. 6 Pa rezet li, ek li pou protez twa. Kontan li ek li pou protez twa. 7 Sazes samem ki pli inportan. Alor, gagn lasazes ek avek tou seki to gagne, gagn lintelizans. 8 Estim li boukou, ek li pou donn twa loner. Li pou donn twa laglwar parski to’nn may li. 9 Li pou met enn zoli kouronn fler lor to latet; li pou fer twa vinn pli zoli avek enn zoli kouronn.” 10 Mo garson, ekoute ek aksepte seki mo pe dir twa, koumsa to pou viv lontan. 11 Mo pou ansegn twa sime lasazes; mo pou gid twa lor bann sime lazistis. 12 Kan to marse, to lipie pa pou tap ar nanye; ek si to galoupe, to pa pou tonbe. 13 Trap disiplinn bien, pa rezet li. Gard li, parski li pou fer twa gagn lavi. 14 Pa fer mem larout ki bann move, ek pa mars lor sime bann move dimounn. 15 Evit sa sime-la, pa al laba; pa pran sa sime-la, fer enn lot sime. 18 Me sime bann dimounn drwat li parey kouma lalimier dan gramatin ki eklere Ek ki kontign briye pli for ziska ki fer gran lizour. 19 Semin bann move dimounn li parey kouma kan fer bien nwar; zot pa kone ki kitsoz pe fer zot manke tonbe. 20 Mo garson, pran kont mo bann parol; ekout bien seki mo dir. 21 Pa les zot al lwin devan to lizie. Gard zot dan pli profon to leker. 22 Parski zot donn lavi pou tou bann ki trouv zot, ek lasante pou tou zot lekor. 23 Plis ki tou kitsoz ki to bizin proteze, protez to leker, parski ladan mem ki bann lasours lavi sorti. 25 To lizie bizin get drwat devan, wi, fixe to lizie drwat devan twa. 26 Fer sime kot to pou marse vinn plat, ek pa pou ena okenn danze lor tou to bann sime. 27 Pa vir ni dan gos ni dan drwat. Fer to lipie res lwin ar seki move.