Proverb
5 Mo garson, pran kont mo sazes. Ouver to zorey ar mo bon zizman, 2 pou ki to kapav protez to bann kapasite pou reflesi, ek protez konesans ar to lalev. 3 Lalev enn fam imoral kontign koule parey kouma enn pin dimiel, ek so pale pli dous ki delwil. 4 Me finalman, li amer kouma enn plant ki amer ek li fite kouma enn lepe ki koup de kote. 5 So lipie desann dan lamor. So bann pa al direk dan Tom. 8 Res bien lwin ar li; pa al pre ar lantre so lakaz. 9 pou ki to pa donn lezot to dignite ek to pa rekolte plizir lane soufrans; 15 Bwar delo ki sorti dan to prop rezervwar ek delo ki pe koule dan to prop pwi. 18 Fer ki to lasours delo li beni, ek trouv lazwa avek fam ar ki to’nn marye depi to zenes, 19 li kouma enn femel serf ki merit to lamour ek kouma enn zoli kabri ki viv dan montagn. Ki so doudou satisfer twa touletan. Ki so lamour fer twa vinn fou touletan. 20 Alor mo garson, kifer to bizin al rod to plezir avek enn fam imoral, ouswa kifer to bizin ser enn fam imoral dan to lebra? 21 Parski kondwit enn dimounn, li devan lizie Zeova; Li trouv tou seki li fer.