Proverb

2 Mo garson, si to ekout mo bann parol, ek to gard bien dan to leker mo bann komannman, 2 pou ekout bien lasazes, pou ki to kapav ouver to leker pou gagn disernman; 3 si anplis, to apel lintelizans, ek to kriye pou gagn disernman; 4 si to kontign rod sa koumadir to pe rod larzan, ek si to kontign rod sa kouma bann trezor ki finn kasiet; 5 lerla, to pou konpran lakrint pou Zeova, ek to pou trouv konesans Bondie. 6 Parski Zeova Limem donn sazes; konesans ek bon zizman sorti dan so labous. 7 Li gard lasazes pou bann zom ki drwat. Li enn boukliye pou bann ki mars ar fidelite. 8 Li vey lor sime bann dimounn ki drwat, ek li protez sime bann dimounn ki fidel anver li. 9 Lerla, to pou konpran seki zis, seki drwat, ek seki onet, to pou konpran ki sime ki bon. 10 Kan sazes pou rant dan to leker ek kan konesans pou vinn enn kitsoz ki agreab pou to nam, 11 Kapasite pou reflesi pou vey lor twa, ek disernman pou protez twa, 12 pou tir twa lor move sime, pou protez twa kont bann dimounn ki dir bann move kitsoz, 13 kont bann ki kit bann sime drwat pou mars dan marenwar, 14 kont bann ki kontan fer seki move, ki kontan bann kitsoz ki pa bon. 15 Bann dimounn ki zot larout pa bon ek ki kontan anbet lezot. 16 Li pou sap twa ar sa fam volaz-la, ar bann parol dous sa fam imoral-la, 18 parski so lakaz desann dan lamor, ek so bann sime amenn ziska bann ki pena lafors dan lamor. 20 Pou ki to mars lor semin bann bon dimounn ek to gard semin bann dimounn drwat. 21 Zis bann dimounn drwat pou res lor later, ek bann dimounn ki pa kapav repros zot nanye ki pou res lor la. 22 Me pou tir bann move dimounn lor later, ek pou ras bann tret lor later.