Macokio ja Biũria bia Bibiria / Mwoyo na Gĩkuũ / Nĩatĩa Ũũmba Gũciinda Ũguaa bwa Gĩkuũ?

Ĩcokio rĩa Bibiria

Nĩtũkĩraga gĩkuũ ta mũnthũ weetũ na tũkajũkia matagaaria ja gũkaria ũtũũro bwetũ. (1 Akorintho 15:26) Amwe nou, antũ kwĩthĩrwa barĩna ũguaa bũbwingĩ tontũ bwa mantũ ja ũrongo jarĩa baigĩtue, nĩgũtũmaga bagakara barĩ ‘ũkombone matukũ jao jonthe.’ (Ahibirania 2:15) Kũmenya ũmma gũgakũrita ũkombone bwa gũkĩra gĩkuũ. Ũguaa bũu no bũgwate kaanya ga kũgwĩrĩrua ũtũũro.—Johana 8:32.

Ũmma bwegie gĩkuũ

• Akuũ gĩtĩu baijĩ. (Zaburi 146:4) Ũtĩbuĩrĩte gũkira nyuma ya gũkua tontũ Bibiria ĩngʼuanithanagia gĩkuũ na toro.—Zaburi 13:3; Johana 11:11-14.

• Akuũ batĩũmba gũtũthũũkia. Kinya anthũ beetũ barĩa baakuĩre karaaja batĩũmba gũtũthũũkia. (Njuno 21:16) Bibiria yugaga atĩ ‘wendani bwao ona rumena na rũriitho nĩbiũrĩte mwanka biaminikanĩĩria.’—Mutumiiria 9:6.

• Gĩkuũ tĩjũ mũthia jwa ũtũuũro bwetũ. Mũrungu agacokia mwoyo barĩa bakuĩte na njĩra ya kũbariũkia.—Johana 5:28, 29; Mathithio 24:15.

• Mũrungu neeranĩte ĩgiita rĩgakinya rĩrĩa ‘gĩkuũ gũtĩrĩo gĩgacoka gũkara o kaĩrĩ.ʼ (Kugwurirwa 21:4) Bibiria yugaga ũjũ bwegie ntukũ ĩu: ‘Barĩa aagĩru nĩbo bakaa eene rũgai rwa nthĩ, na batũũrage ku magiita jonthe,’ batĩgũkĩra gĩkuũ.—Zaburi 37:29.