Nĩatĩa Bibiria Yũũmba Gũntethia Kwĩthĩrwa na Famĩlĩ Ĩrĩna Kũgwĩrua?

Ũrĩa Bibiria yugaga

Bibiria yomba gũgũtethia, tontũ ĩrĩna ũtaaro bũbwega bũrĩa bũtethetie antũ babaingĩ kwĩthĩrwa na famĩlĩ ĩrĩna kũgwĩrua. Jaja nĩ jamwe ja mootaro jau:

1. Andĩkithia ngũrano yaaku kĩwatho. Kwandĩkithia ngũrano yaaku kĩwatho nĩ mũsingi jwa kwĩthĩrwa na famĩlĩ ĩrĩna kũgwĩrua.—Mathayo 19:4-6.

2. Onania wendo na gĩtĩĩo. Womba kwonania ũu na njĩra ya kũthithĩria ũrĩa bũgũrene nawe, o ta ũrĩa ũrĩngĩenda kũthithĩrua .—Mathayo 7:12; Aefeso 5:25, 33.

3. Ciebanie na biugo bithũũku. Aria na njĩra ya kĩao, kinya rĩrĩa ũrĩa bũgũrene nawe aria na njĩra ĩtĩbui. (Aefeso 4:31, 32) O ta ũrĩa Bibiria yugaga kĩrĩ Njuno 15:1: “Gucokia untu na njira ya kwinyiyia nigutauraga muthuuro, indi ruteto rwa kuthangana nirurumukagia muthuuro.”

4. Ĩthĩrwa ũrĩ mwĩtĩkua kĩrĩ ũrĩa bũgũrene nawe. Menya ũkucĩĩrua kĩwendo nĩ muntũ ũngĩ tiga akĩ ũrĩa bũgũrene nawe. (Mathayo 5:28) Bibiria yugaga ũjũ: “Mantu ja muranu nijeekagiirwe ni antu bonthe, na mantu ja kumaamanira amwe joonagwe jatithuuki.”—Ahibirania 13:4.

5. Ritana aana baaku na njĩra ya wendo. Menya ũgondokera aana baaku na mũthũũro rĩrĩa ũkũbaritana.—Njuno 29:15; Akolosai 3:21.