Mëdiˈibë mas jëjpˈam mbäät nwinˈijxëm, yëˈë ko nmëduˈunëmë Jyobaa ets nyajpatëm mä nyax kyäjpn. Jyobaa tsyojkypy ets niˈamukë naxwinyëdë jäˈäy myëdunëdët. ¿Tiko? Yëˈko tsyojkypy parë oy mëët yˈitët ets jyukyˈatët xëmëkyëjxm (Deut. 30:​19, 20; Gal. 6:​7, 8). Jyobaa kyaj pën ttukˈatsipˈaty parë myëdunëdët, mëdiˈibën yëˈë tsyojkypy, yëˈë ets këˈëm nwinˈijxëm ti ndunäˈänëm. Ets ¿wiˈix yajtuny ko tuˈugë Diosmëduumbë pyokytyuny mëjwiin kajaa? Pën kyaj jyodëmbity, kuanë ko yajjuudët mä Diosë kyäjpn (1 Kor. 5:13). Perë Jyobaa tsyojkypy ets jatëgok nyijëmbitëdët. Pes päätyë yˈUˈunk tkejxy parë yajpokymyaˈkxtët pënaty pokytyuundëp mëjwiin kajaa, per net pën jodëmbijttëp. Jyobaa nëgooyë xytsyojkënë, pääty tpudëkë ets tˈanëëmë ja mëdiˈibë të pyokytyuny mëjwiin kajaa ets jyodëmbitët (Zac. 1:3; Rom. 2:4; Sant. 4:8). w24.08 paj. 14 parr. 1, 2

Ko Juan tjääy ja myëdëgëëkpë neky, tamë nety nääk mëdiˈibë të tmëdëkëdë mä Diosë kyäjpn ja tukniˈˈijxën mëdiˈibë kyaj tyëyˈäjtënëty ets dyajnaywyäˈkxëdë ja myëguˈuktëjk. Per tamë nety ja Diosmëduumbëty mëdiˈibë duˈunyëm tyukˈijtëdëp “ja tëyˈäjtën”, tmëmëdowdë Jyobaa ets tkuytyundë “extëm jyënaˈany ja Diosë yˈanaˈamën” (2 Fwank 4, 6). Ja Diosmëduumbëty mëdiˈibë nety kyaj tmastuˈuttë ja tëyˈäjtën, agujk jotkujkë nety dyajnayjyawëdë ja apostëlë Juan ets nanduˈunë Jyobaa (Prov. 27:11). ¿Ti xytyukniˈˈijxëm extëmë apostëlë Juan jyënany? Ko niˈamukë agujk jotkujk nnayjyawëyäˈänëm pën nmëmëdoˈowëmë Jyobaa (1 Fwank 5:3). Yëˈë agujk jotkujk nyayjyawëty ko nmëmëdoˈowëm ets tyukxondakypy ko tˈixy njëjpkudijëm ja axëkˈäjtën ets ko nmëmëdoˈowëm ja yˈanaˈamën. Ets ja anklëstëjk agujk jotkujk nanduˈun jyantsy nyayjyawëdë (Luk. 15:10). Ëtsäjtëm ndukxondakëm nanduˈun ko ja nmëguˈukˈäjtëm tmëduunˈadëˈëtstë Jyobaa (2 Tes. 1:4). Ets ko nëjkx kyutëgooytyaaynyë Satanás jyaˈay, agujk jotkujk nnayjyawëyäˈänëm ko nety të nmëmëdoˈowëmë Jyobaa. w24.11 paj. 12 parr. 17, 18

¿Per näˈäjën mbäät xyˈanëëmë tuˈugë jäˈäy ko mnoobyëˈataampy? Ko netyë xyˈanmääygyojët ko mtsojkypy mbäät wyinmay ko mijts alokë tijaty xytyuny (Prov. 29:20). Per pen ja jäˈäy pyëjkypyë kuentë ko mˈoyˈijxypy ets kyaj wiˈix xyˈanëëmë mbäät wyinmay ko mijts kyaj xynyijawë ti mdunëp (Ecl. 11:4). Jamyats ko ja jäˈäy mëdiˈibë mˈoyˈijxypy waˈan kyaj yëˈë nëjkx xypyeky. Pääty oy ko yajxon xymyëmay xymyëdäjët pen mjantsy pyëkäämp ets ko yëˈëjën taabë jäˈäy mëdiˈibë mtsojkypy. ¿Ti mbäät xytyuny ko xynyijawëty ko tuˈugë jäˈäy mˈoyˈijxëp, perë mijts kyaj xyˈoyˈixy? Pen kyaj mnapëkäˈänyëm, kyaj yˈoyëty ets jeˈeyë xywyinˈëën xywyinxäjëty ja jäˈäy, oy ko xytyukˈixët ko kyaj tsyoky (Éfes. 4:25). w24.05 paj. 23 parr. 9, 10