I Stress Em?

“Mi tin hian stress nei ṭheuh mah ila, ka nei nasa bîk ni hian ka inhria. Chu chu buaina lian tak pakhat aṭang mai ni lovin, dinhmun hrang hrang ka hmachhawn te, harsatna hrang hrang ka hmachhawn te leh, kum tam tak chhûng tisa lam leh rilru lama dam lo ka pasal ka enkawlnate aṭanga ka neih a ni.”—Jill-i.a

“Ka nupuiin min chhuahsan avângin keimah chauhva ka fate pahnih ka enkawl a ngai a. Nu leh pa mal ṭan nih chu a harsa ṭhîn hle. Chu achhapah, ka hna ka chân a, dân ang thlapa ka motor register nâna a ṭûl ang ang siamtîrna tûr tak ngial pawh ka nei zo lo. Tih tûr ber pawh ka hre lo va, stress nasa tak ka neih phah a. Mahni intihhlum mai ka duh a; mahse, chu chu a dik lo tih ka hriat avângin, Pathian hnênah ka nunna min lâksak tûrin ka dîl hial a ni.”—Barry-a.