Engvângin Nge In Tinah In Kal?

Isua chuan a hnungzuitute chu “hnam tina mi zirtîrahte siam” tûrin a hrilh a. (Matthaia 28:19, 20) A zirtîr hmasate a tirh chhuah lai khân, mite ina kal tûrin a hrilh a ni. (Matthaia 10:7, 11-13) Isua thih hnuah pawh, kum zabi khatnaa Kristiante chuan an thuchah ken chu “vântlâng zîngah te, in tinah te” an puang darh zawm zêl a. (Tirhkohte 5:42; 20:20) Kristian hmasate entawn tûr siam chu kan zui a, in tin kala rawngbâwl hi mite hmuh theih dân kawng ṭha tak a ni tih kan hria a ni.