Engvângin Nge Sakhaw Vawn Lai Neite In Tlawh Ṭhin?

Sakhaw vawn lai nei mi tam takte chuan Bible thute sawiho nuam an ti hle tih kan hria a. Kan rinna ang ni lo rinna hran nei tûra mite dikna neih chu kan zah hle a, chutih rualin kan thuchah ken pawm tûrin kan nawrlui ngai lo.

Sakhaw lam thil mite kan sawipui hian “inngaitlâwm tak” ni tûr leh mi dangte chunga ‘zahna thûk tak’ lantîr tûra Bible thurâwn pêk chu nunpui kan tum a. (1 Petera 3:15, Mizo King James Bible) Mi ṭhenkhatin kan thuchah ken an hnâwl ang tih kan beisei bawk. (Matthaia 10:14) Mahse, mite kan biak hmain min chhân lêt dân tûr chu kan hre lo va. Chutih rualin, an dinhmun a inthlâk ṭhîn tih kan hria a ni.

Entîr nân, tuemaw chu inbiakna nei tûrin a buai hle thei a, mahse ni dangah hlim takin min bia pawh a ni thei. Chu bâkah, mite chuan harsatna, a nih loh leh dinhmun thar an hmachhawn thei a, chu chuan Bible thuchah ngaihven duhna a neihtîr thei a ni. Chuvângin, mite chu vawi khat aia tam biak kan tum tlat a ni.