KRISTIANTE ANGIN NUNG RAWH
Hnehchhiah Hmangte I Tawh Hunah Jehova Rinchhan Rawh
Hnehchhiah hmangte chuan tisa lam leh rilru lam natna min thlen thei a. Kan biakna an dodâl huna hlauhna kan nei a nih chuan thlarau lamah kan chak loh phah hial thei a ni. Engtin nge hnehchhiah hmang laka mahni i invênhim theih?
Jehova chibai bûktu unau tam tak chuan Jehova rinchhan tlatin hnehchhiah hmangte chu hlawhtling takin an lo hmachhawn tawh a. (Sâm 18:17) Entîr nân, Estheri chuan mi hnehchhiah hmang mi sual Hamana ruahmannate pho lang tûrin a ṭawng chhuak a ni. (Est. 7:1-6) Chutianga a tih hmain, chaw ngheiin Jehova a rinchhanzia a lantîr a. (Est. 4:14-16) Jehova’n Estheri thiltihte chu malsâwmin, amah leh a mite chu a humhim a ni.
Ṭhalaite u, hnehchhiah hmangte in tâwk a nih chuan, Jehova hnênah ṭanpuina dîl ula, in nu leh pate ang thlarau lama mi puitlingte hnênah in harsatna chu hrilh ang che u. Jehova’n Estheri a ṭanpui ang bawkin, nangni pawh a ṭanpui ang che u tih in chiang thei a ni. Hnehchhiahna hmachhawn thei tûrin eng dangte nge in la tih theih?
KA TLEIRAWL NUN—ENGTIN NGE HNEHCHHIAH HMANGTE KA HMACHHAWN ANG? TIH VIDEO EN HNUAH, A HNUAIA ZAWHNATE HI CHHANG ANG CHE:
Charlie-i leh Ferin-a te thiltawn aṭangin ṭhalaite’n eng nge an zir theih?
Charlie-i leh Ferin-a te thil tawn sawi aṭangin hnehchhiah hmangte hmachhawn thei tûra fate ṭanpuinaah nu leh pate’n eng nge an zir theih?