THLAWHHMA RAWNGBAWLNAAH INHMANG RAWH | RAWNGBAWLNAAH I HLIMNA TIPUNG RAWH
Bible Zirpuite Chu Thlarau Lama Mahni Inchâwm Tûra Zirtîrin
Bible zirpuite chuan an thlarau lam mamawh phuhru tûr leh thlarau lama puitling chho tûrin an hnêna kan zirtîr thutak aia tam an zir a ngai a. (Mt. 5:3; Heb. 5:12–6:2) Chu bâkah, thlarau lama mahni inchâwm dân an zir a ngai bawk a ni.
A tîr aṭangin i Bible zirpuite chu zirna atâna an inbuatsaih theih dân hmuh la, chutianga ti tûrin fuih ang che. (mwb18.03 6) Mahnia inzirna an neih hmaa ṭawngṭai ziah tûrin fuih ang che. Phone leh tablet aṭanga zir tûr thute an pawh a, an hman theih dân hre tûrin ṭanpui rawh. Kan website jw.org leh JW Broadcasting®-a thil tharte zawn dân hrilh rawh. Nî tina Bible chhiar tûr te, kohhran inkhâwm atâna inbuatsaih tûrte, leh an zawhna neihte zir bingna hmanga a chhânna zawng hmu tûrtein a tah tawlin zirtîr rawh. An thuzirte chhût ngun tûrin zirtîr rawh.
I BIBLE ZIRPUI CHU THLARAU LAMA MAHNI INCHAWM TURIN ṬANPUI RAWH TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:
Engtin nge Neeta-i chuan Jade-i chu inzirnaah a chhânnate hmuh aia tam a tel tih hre tûra a ṭanpui?
Engin nge Jade-i chu Jehova’n nungchang bawlhhlawhna khap tûrin dikna a nei tih ring tûra ṭanpui?
I zirpuite chu an rilru leh thinlung an châwm theih dân zirtîr rawh
Jade-i chuan chhût ngunna chungchângah eng nge a rawn hriat thiam?