Thawhpuite Hnên Aṭanga Ṭanpuina Pawmin

Jehova chuan min ṭanpui tûrin kan unau “khawvêla awmhote” min pe a. (1 Pet. 5:9) Anni chuan rawngbâwlnaa kan harsatna tawhte chu hlawhtling taka hmachhawn tûrin min ṭanpui thei a ni. Entîr nân, tirhkoh Paula chuan Aquila leh Priskilli te, Sila leh Timothea te, leh mi dangte ṭanpuina chu a hlâwkpui a ni.—Tirh. 18:1-5.

Engtin nge i thawhpuite chuan rawngbâwlnaah an ṭanpui theih che? Anni chuan hnialkalhna chhân lêt dân te, tlawhkîr neih dân te, a nih loh leh Bible zirpui tûra sâwm dân leh Bible zirna kaihhruai dânte chungchângah rawtna ṭangkai tak an pe thei che a. In kohhranah nangmah ṭanpui thei tûr che tuemaw ngaihtuah la, a ṭanpuina dîl rawh. In hlâwkpuiin, hlimna in inthlen tawn ang tih a chiang hle.—Phil. 1:25.

ZIRTIR SIAMNAAH JEHOVA ṬANPUINA DAWNGIN HLIMNA HMU RAWH—KAN UNAUTE TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• 

  Engtin nge Neeta-i chuan Jade-i chu inkhâwma tel tûra fuih a tum?

• 

  Engvângin nge thuchhuahtu dangte chu kan Bible zirnaa lo tel ve tûra kan sâwm ang?

• 

  Jade-i leh Abigay-i te chuan tui zâwng inang eng nge an neih?

• Rawngbâwlnaah i thawhpuite chuan eng thiamnate nge an zirtîr mai theih che?