Governing Body Member Thar

JANUARY 24, 2018 Nilai zîngah United States Bethel leh Canada Bethel chhûngkua chuan: Unau Kenneth Cook, Jr. chu Jehova Thuhretute Governing Body-a lâk luh a ni tih, thu puanchhuah pawimawh tak an hriat chuan an hlim hle a ni.

Unau Cook-a chu U.S.A. Pennsylvania-ah piangin, a seilian a. High school a zawh hma lawkin a school kalpui hnên aṭangin thutak a hria a, tichuan, June 7, 1980-ah baptisma a chang ta a ni. September 1, 1982-ah regular pioneer niin hunbi kimin rawng a bâwl ṭan a. Kum hnih chhûng pioneer a thawh hnuah Bethel-a rawngbâwl tûra sâwm a ni a, October 12, 1984-ah Wallkill, New York Bethel-ah rawng a bâwl ṭan a ni.

Kum 25 chhûng chu Unau Cook-a chuan Printery-ah leh Bethel Office-ah chanvo hrang hrang chelhin rawng a bâwl a. Kum 1996-ah Jamie-i nên an innei a, Wallkill Bethel-ah rawng an bâwl a ni. December 2009-ah chuan Unau Cook-a te nupa chu Watchtower Educational Center-a Writing Correspondence Department-a thawk tûrin New York Patterson-ah an insawn a. April 2016-ah Wallkill facility-a an rawn kîr leh hnu rei vak lovah, an nupain Brooklyn, New York-ah an insawn leh a. Thla nga hnuah Warwick, New York-a world headquarter-ah an insawn leh a ni. January 2017-ah, Unau Cook-a chu Governing Body-a Writing Committee ṭanpuitu nia rawngbâwl tûra ruat a ni.