Ṭawngṭainaah Engte Nge Ka Dîl Theih?

Bible chhânna

Bible-in a sawi angin Pathian duh zâwng nêna inmil eng pawh i dîl thei a. “Eng pawh [Pathian] duh zâwng anga kan dîl chuan aninmin ngaihthlâksak ṭhin hi.” (1 Johana 5:14) I lungkhamnate i ṭawngtainaah i telh thei em? Thei e. Bible chuan: “In thinlung chu [Pathian] hmâah chuan leihbaw rawh u,” a ti a ni.—Sâm 62:8.

Ṭawngṭainaa dîl theihte

• Pathian rinna.—Luka 17:5.

• Thil dik ti tûra ṭanpuitu tûr che thlarau thianghlim, a nih loh leh Pathian chakna.—Luka 11:13.

• Buainate hmachhawn thei tûr leh thlêmnate do thei tûra chakna.—Philippi 4:13.

• Rilrua thlamuanna, a nih loh leh hahdamna.—Philippi 4:6, 7.

• Thu tlûkna fingre siam tûra finna.—Jakoba 1:5.

• Nî tin mamawh atâna ṭanpuina.—Matthaia 6:11.

• Sualte ngaihdamna.—Matthaia 6:12.