Isua Hi Pathian Engkimtitheia A Ni Em?

Bible chhânna

Isua hmêlmate chuan ani chu Pathian tluka insiamah an puh a. (Johana 5:18; 10:30-33) Nimahsela, Isua chu Pathian Engkimtitheia tluk niin a insawi ngai lo. Heti hian a sawi zâwk a ni: “Pa chu keimah aiin a ropui zâwk si a,” tiin.—Johana 14:28.

Isua hnungzui hmasate pawhin ani chu Pathian Engkimtitheia tluk angin an thlîr lo. Entîr nân, tirhkoh Paula chuan Isua chu kaihthawh a nih hnuah “Pathianin ani chu nasa takin a chawimawi” tih a ziak a. Paula chuan Isua chu Pathian Engkimtitheia angin a thlîr lo tih a chiang hle. Isua chu Engkimtitheia ni sela chuan, engtin nge Pathianin Isua chu nasa taka a chawimawi belhchhah theih ang?—Philippi 2:9-11.