Pathian Hi Trinity A Ni Em?

Bible chhânna

Kristian kohhran tam tak chuan Pathian hi Trinity niin an zirtîr a. Nimahsela, Encyclopædia Britannica chuan heti hian a sawi: “Trinity tih ṭawngkam emaw, chumi thurin sawi fakna emaw chu Thuthlung Tharah a awm lo . . . Chu thurin chu kum zabi tam tak chhûngin sawisêlna tam tak kârah zawi zawiin a lo piang chhuak a ni,” tiin.

Dik tak chuan, Bible-a Pathian hi Trinity pêng pakhat anga sawi a ni ngai lo. Hêng Bible chângte hi han en teh u:

“LALPA kan Pathian chauh chu LALPA a ni.”—Deuteronomy 6:4.

“Nangmah chauh hi JEHOVA hming pu, leilung zawng zawnga Chungnungber i nih an hriat theih nân.”—Sâm 83:18.

“Hei hi chatuana nunna a ni, nang Pathian tak chauh leh i tirh Isua Krista hriat hi.”—Johana 17:3.

“Pathian erawh chu pakhat a ni.”—Galatia 3:20.

Engvângin nge Kristian kohhran a tam zâwkte chuan Pathian chu Trinity nia an sawi?