Hun Khirh Tak Kâra Hlimna Neih Reng Dân—Bible-in Eng Nge A Sawi?

Tûn kan hun khirh tak kârah hian, kan nuna thilthlengte chu kan thunun reng thei lo va. Chutih rualin, kan hlim leh hlim loh chu kan dinhmunah ni lovin, kan rilru put hmangah a innghat fo a ni. Harsatnate tâwk mah se, “thinlung hlim mi erawh chuan ruai a ṭheh reng mai,” tiin Bible-in a sawi a ni. (Thufingte 15:15) Hlimna nei lehzual tûrin eng nge kan tih theih? Bible thurâwn pêkin a ṭanpui theih dân che hi han ngaihtuah teh.

Lungkhamna hmachhawn rawh

Bible chuan: “Lungkham neih hian mi a tihrehawm a, thu ṭha erawh chuan mi a tilâwm ṭhîn,” tiin a sawi.—Thufingte 12:25.

• Bible chuan a lutuka lungkhamna hmachhawn tûrin a ṭanpui thei che a. A ṭanpui theih dân che hre tûrin, “What the Bible Says About Anxiety,” tih thuziak chu chhiar rawh.

Mal nia inhriatna do rawh

Bible chuan: “Ṭhian chuan englai pawhin a hmangaih reng a, mangan nî atâna unauva piang a ni,” tiin a sawi.—Thufingte 17:17.

• Bible-a thurâwnte chuan mi dangte nêna inṭhian ṭhatna vawnna hmanga mal nia inhriatna do lêt tûrin a ṭanpui thei che a ni. “Ṭhian Siamna Hmangin Mal Nia Inhriatna Chu Do Rawh—Bible-in Min Ṭanpui Theih Dân,” tih thuziak chu chhiar rawh.

Pathian leh i vêngte chungah hmangaihna nei chho rawh

Bible chuan: “I Pathian Jehova chu i thinlung zawng zawngin, i thlarau zawng zawngin, i rilru zawng zawngin i hmangaih tûr a ni. . . . Nangmah i inhmangaih angin i vêngte pawh i hmangaih tûr a ni,” tiin a sawi.a—Matthaia 22:37-39, NWT.

• Ṭawngṭaina chuan Pathian hmangaih chho tûrin min ṭanpui thei a. Hriat belh nân, “Pathianin Kan Ṭawngṭainate A Ngaithla Em?” tih thuziak chu chhiar rawh.

• Dân Rangkachak tia koh chu nunpuiin mi dangte chungah hmangaihna kan lantîr a ni. Chumi chungchâng chu “What Is the Golden Rule?” tih thuziakah hmuh belh rawh.

Tûn kan hun khirh tak kâra hlimna nei reng tûra Bible-in a ṭanpui theih dân che chu, engvângin nge i zir belh loh vang? Chutianga zir belh tûrin, a thlâwna Bible sawihona phûrawm tak chu nei chhin tûrin kan sâwm a che.