Isua’n Suahsualna A Ti Tâwp Ang

Isua chuan suahsualna leh rorêl dik lohnain hrehawmna a thlen nasatzia chu a hria a. Ani chuan dik lo taka puhna te, vuakna te, hêkna te leh, thil sual tia puhna te, bâkah, hrehawm taka nghaisakna te a tâwk a. Thil sual eng mah ti lo mah se, inhuam tak leh mahni hmasialna nei lovin, “mi tam tak tlan nân a nun” a pe a ni. (Matthaia 20:28; Johana 15:13) Tûnah chuan, Pathian Lalrama Lalber niin, suahsualna chu mi zawng zawng tâna titâwp hlenin, khawvêl pum puiah rorêl dikna a rawn thlen thuai ang.—Isaia 42:3.

Bible chuan Isua’n hma a lâk huna he khawvêl awm dân tûr chu hetiang hian a târ lang a:

• “Mi suaksual chu a awm tawh dâwn si lo; a ni, a awmna hmun chu en en mah la, a awm tawh lo vang. Thuhnuairawlhte erawh chuan ram hi an luah ang a, remna chênin an hmuingîl ang.”—Sâm 37:10, 11.

Engtin nge Isua’n kan tâna min tihsak tawhte leh min la tihsak tûrte avânga kan lâwmzia kan lantîr theih? Kan lantîr theih dân kawng kat chu a thu puan chhuah ber “Pathian Ram chanchin ṭha” zir belhna hmangin a ni. (Luka 4:43) He thuziak “Pathian Ram Chu Eng Nge Ni?” tih hi chhiar ang che.