Leilung Chhehvêl Boruak Chhia—Pathian Ramin A Tih Tûr Chu

“Khawchin chhe lutuk chuan mihring te, khawpui te, leh chhehvêl boruak inlaichînna ecosystem chungah buaina nasa tak a thlen a. Leilung boruak inthlâk vêl avânga thlipui, ruahpui na takte chuan khawvêl puma mite chênna in leh khawsak dânte chu a tiche vek a ni. Tuifinriat chung boruak inlaichînna chu hlauhawm khawpa a lum avângin chuta awm nungchate dam khawchhuahna chu a derthâwng hle.”—Inge Andersen, under-secretary-general of the United Nations and executive director of the UN Environment Programme, July 25, 2023.

Khawvêl sawrkârte hi ṭangrualin kan leilung tichhetu chûng buainate chu an chingfel thei ang em? Chinfel hlen theih dân an pe thei ang em?

Bible chuan kan leilung chhehvêl boruak tichhetu zawng zawng siam ṭha thei leh siam ṭhatu tûr sawrkâr pakhat chungchâng a sawi a. Heti hian kan chhiar a ni, “vân Pathianin ram a rawn din ang,” chu sawrkâr rorêlna hnuaiah chuan leilunga buaina zawng zawng chu chinfel a ni ang. (Daniela 2:44) Mite chu mahni mihringpui chungah emaw, he leilung chungah emaw pawh ni se, “intihnat a awm tawh lo vang a, intihchhiat a awm tawh hek lo vang.”—Isaia 11:9.