Hrisêlna Ngaihsakna—Pathian Ramin A Tih Tûr Chu

“Khawvêl pum huap hrisêlna lama rîkrum thil anga COVID-19 a tâwp tâk avângin mite hrisêlna chu a derthâwng tawh lo tihna a ni lo.. . . Hma lam hunah chutiang ang hripui lêng chu a lo awm leh thei tih kan chiang a, chumi atâna kan lo inpeihsa a ngai a ni.”—Dr. Tedros Adhanom Ghebreyesus, director-general of the World Health Organization, May 22, 2023.

Mi tam tak chuan COVID-19 hripui lêng sawhkhâwkte tuarin, tisa lam leh rilru lamah harsatna an tâwk mêk a. Mite hrisêlna ngaihsaktu sawrkârte chuan lo awm leh thei hripui lêng dang atâna inbuatsaihin, hrisêlna lama tûna kan harsatna hi hlawhtling takin min ṭanpui thei ang em?

Bible chuan kan mamawh hrisêlna lama ngaihsakna min petu tûr sawrkâr pakhat chungchâng a sawi a. Bible chuan “vân Pathianin ram [a nih loh leh, sawrkâr] a rawn din ang,” tiin a sawi. (Daniela 2:44) Chu sawrkâr rorêlna hnuaiah, “chumi khuaa awm chuan, ‘Ka dam lo ve,’ a ti lo vang.” (Isaia 33:24) Mi zawng zawng chuan hrisêlna ṭha leh chakna thar an nei ṭheuh tawh ang.—Joba 33:25.