Jehova Thuhretute leh Judate Suatna—Bible-in Eng Nge A Sawi?

Kum 2023, January 27-ah mi tam tak chuan International Holocaust Remembrance Day chu an hmang dâwn a. Judate Suatna chu kum 75 chuang kal taa thleng ni mah se, engvângin nge Pathianin thlentir a phal tiin i ngaihtuah mai thei.

• Chumi chungchânga Bible sawi dân hre tûrin “Engvângin Nge Mihring Insuatna A Thlen? Engvângin Nge Pathianin A Tihtâwp Loh?” tih thuziak chu chhiar ang che.

Judate chu nasa taka suat an ni a. Maktaduai tam takte chu ruahmanna siama tihhlum an ni. Judate Suatna thlen lai chuan mi dangte pawh tihduhdah leh tihhlum an ni a. Chûng mite zîngah chuan Bible ṭanchhan an thurinte avânga tihduhdaha awm Jehova Thuhretute pawh an tel a ni.

• Hriat belh nân “Judate Suat An Nih Laiin Jehova Thuhretute Chungah Eng Nge Thleng?” tih thuziak chu chhiar ang che.

Hma lam hun “beiseina”

Mi tam tak chuan Judate Suatna ang insuatna chu a thlen leh an hlau va. Lâwmawm takin, Bible-in chutiang thil râpthlâk a thlen tawh loh hun tûr hman lam hun chu min tiam a ni.

• “Nangni lama ka rilru putzia chu ka inhre si a, in hun hnuhnûng tâwpah chuan beiseina pe tûr che uin, thil ṭha lo ni lovin, ṭhatna ka ngaihtuah asin.”—Jeremia 29:11.

Chu beiseina chu Pathian Jehova’n suahsualna a tihtâwp a, chumiin a thlen chhiatna zawng zawng a sût lêt hunah a thleng famkim ang. Nakin lawkah, ani chuan:

• Mi dangte chunga chhiatna thlentu mi suaksualte a tiboral ang.—Thufingte 2:22.

• Hrehawm tuar zawng zawngte a tidam ang.—Thu Puan 21:4.

• Mitthite chu leiah a kaitho leh ang.—Johana 5:28, 29.

Bible-a thlamuanna min petu chu beiseina chu i ring thei a. I rin theih chhan hre tûrin kan ruala a thlâwna Bible sawihona nei chhin tûrin kan sâwm a che.